مساعدة بخصوص تويوتا 2007
 

السلام عليكم ورحمة الله وبركاته
انا بصراحة عندى سؤال هو نقص خبرة منى
فحبيت استفيد منكم انتم
انا عمى عايز يشترى تويوتا 2007
فوقعت قدامه عربية يابانى 100 %
موديل 2006 بس شكل 2007
عاملة 45000 كم
معملتش حوادث غير خبطة فى الباب الشمال بس
فول اوبشن ماعدا الجنوط وفتحة السقف
يعنى زجاج كهرباء وسنتر لوك وتكييف وباور ومفتاح ريموت
بس ماتورها 1300 سى سى مش 1600
فانا مش عندى خبرة كبيرة بصراحة عن التويوتا
فممكن مساعدتكم رايكم العربية ديه تبقى كويسة ولا لا
وصاحبها طالب 80 الف ياترى السعر المناسب ليها ده ولا كام بالظبط ؟
وياترى الماتور 1300 مش يبقى ضعيف عليها ؟
انا اسف انى هتعبكم معايا بس بصراحة مش بلاقى مكان تانى بروعة مصر موتورز علشان استفيد منه
هو اكتر من شخص قاله انها تبقى فرصة حلوة لو السعر بقئ 75000
بس ياترى العربية تستاهل ولو عربية بالامكانيات ديه تعمل كام اصلا ؟
ياريت تساعدونى

رد: مساعدة بخصوص تويوتا 2007
 

اهلا و سهلا بيك يا حماده
الكورولا من 2002 الي 2007 نفس الشكل
لكن من 2005 حصل بعض التغيرات في الواجهه الاماميه و الخلفيه
الموديل اللي بتتكلم عنه اسمه فول اوبشن اتوماتيك
و 80 الف حلوين عليها لو عامله الكيلو مترات دي بس
حته الخبطه في الباب الشمال مش مؤثره علي العربيه
لكن ممكن تضغط علي صاحبها في 2000 جنيه كمان يعني 78 الف
لو ما وافقش و العربيه كويسه يبقي خدها بال 80 الف مش مشكله 2000 جنيه طالما حاله العربيه حلوه
و خلي بالك انك من الصعب تلاقي عربيه موديل 2007 حتي و عامله الكيلو متر القليل دا.
بالنسبه للموتور ال 1300 علي العربيه فهو كويس جدا و كاف
و العربيه حلوه بسم الله ما شاء الله
انا بقولك الكلام دا بناء علي تجربه عربيتين واحده 2004 و التانيه 2007

رد: مساعدة بخصوص تويوتا 2007
 

شكرا لرائيك ولاهتمامك يا حازم
يعنى انت شايف ان العربية تعتبر فرصة كويسة مش وحشة بالمبلغ ده والكيلومترات ديه
بس الماتور 1300 مش هيبقى ضعيف عليها ولا ايه ؟

رد: مساعدة بخصوص تويوتا 2007
 

رد: مساعدة بخصوص تويوتا 2007
 

ممكن حضرتك تقرأ ردي و رأيي مره اخري:)