مصر موتورز مجتمع السيارات - بمناسبة الصيف شوية نصائح على الماشى

طبعا كلنا فى أول الصيف لازم نعمل شوية حجات كده على دخول الصيف أهمها التأكد من كفاءة دورة التبريد زى الردراتير والثرومثتات طرمبة المية والذى منه فى حاجات أنا عملتها بنفسى والحمد لله النتائج كانت مرضية جدا وحسيت بفرق فقولت أنقل التجربة لعل وعسى يستفيد حد أول حاجة عملتها أقولت أغسل الردراتير روحت المغسلة وخليتة يدى خرطوم مياة ذو ضغط عالى بتاع الغسيل يعنى فى الردراتير من ناحية الشبكة ومن ناحية المروحة ونزل بلاوى الطريق تراب وطينة وحاجات يامة تانى حاجة روحت جبت خرطوم مياة وحطيتها فى الحنفية ودورت العربية وحطيت الخرطوم فى فتحت الردراتير وطبعا خلعت خرطوم الماء اللى جاى من الماتور وداخل على الردراتير تانى طلعته علشان المياة كلها اللى فى الدورة تنزل ونزلت كمية صداء مهولة والحمد لله فرقت كتير فى الحرارة وكمان غسلت المحرك بنفسى بناء على طلب الميكانيكى جبت عدد 2لتر جاز + عدد 2 لتر بنزين وخلطتهم على بعض وجبيت كستين نيلون غطت الموبينة والأسبراتير وغسلت المحرك بالجاز المخلوط بالبنزين وفور الأنتهاء من الغسيل روحت غاسل الموتور بالبريل والفيرى والرابسو خلطة حلوة كده وأدعك يا معلم وبعدين روحت المغسلة وعطيتها مسدس مياة ليزيل أثار الجاز والبنزين والرابسو والبريل تمام كيلا أن يتلف أحد الخراطيم باى من هذه الأشياء والحمد لله الموتور بعد الغسلة باقى تمام التمام وكلة تحت السيطرة ودارت السيارة بدون أدنى مشكلة والحمد لله.
حاجات باقى تانية يقولك أفتح التاكهيات فى الصيف علشان الحر
وأقفلها فى الشتاء علشان الساقعة
بالنسبالى أنا لسة عامل جوان وش سلندر وخليته يفتح التاكهيات علشان الحر والحمد لله العربية مش بتسخن.

أخوكو محمد
:waving: