|
سؤال فى جنوط الحديد فيرنا ضرورى من فضلكم
السلام عليكم ورحمة الله
اخوانى فى المنتدى من كام يوم اخدت خبطة نقرة كدة على الطريق الصحراوى وعادى بعدها مشيت وكلة تمام بس جيت بعدها بعمل ترصيص بعد حوالى شهر الراجل قالى الجنط فى رفة هى بسيطة بس تتشاف بالعين على المكنة بتاعت الترصيص وشوفتها المهم دى كانت العجلة اللى ورا اللى اخدت بيها النقرة الوقتى بعد ما رصصت قالى امشى بيها عادى هى رفة بسيطة المهم على الطريق بجيب 120 بعدها او عندها بحس برعشة فى العربية والدريكسيون مع انى الترصيص فل الفل والرعشة فى العربية اكتر من الدريكسيون هل الرعشة دى سببها الرفة اللى فى الجنط اللى ورا هل الرفة تعمل رعشة على السرعات 120 الى 140 لانى لو العيب من الجنط واتاكدت من كدة منكم هغيرة للعلم انا رحت كشفت على العفشة فى التوكيل وكل شئ سليم الحمد لله يبقى مش فاضل الا الجنط فهل فعلا رفة زى دى تعمل رعشة فى العربية والدريكسيون هى مش قوية اوى بمعنى رعشة بشعة لكن ملحوظة جدا وملحوظة كمان للى راكب جمبى وراكب ورا ... منتظر ارائكم لانى بسافر كتير جدا الايام دى شكرا مقدما.. |
رد: سؤال فى جنوط الحديد فيرنا ضرورى من فضلكم
أولاً قوانين المنتدى لا تسمح لك بتكرار الموضوع ، عشان كده أنا حزفت واحد ثانياً طبعاً أى رفه فى العجل لازم تعمل لك رعشه أو هزه فى الدريكسيون فأنصحك تروح لواحد بتاع جنوط يظبطه |
رد: سؤال فى جنوط الحديد فيرنا ضرورى من فضلكم
اسف جدا يا استاذ نبيل ولن يتكرر الخطأ
بس حصرتك حتى لو الرفة بسيطة برضة نفس المشكلة وهل نصيحتك ليا اعدلة ولا اجيب واحد حالتة كويسة واكشف علية افضل شكرا لك |
رد: سؤال فى جنوط الحديد فيرنا ضرورى من فضلكم
لا مش محتاج تغيره حتى لو الرفه أشد من كده ، حضرتك بس تروح لواحد متخصص فى الجنوط وهوه هايظبطه وبعد كده تروح ترصصه وهايبان لو إتظبط ولا لأ مع خاص تحياتى لك |
| الساعة الآن 10:51 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017