|
مشكلة قرفاني في الجيتا اي حد عندة حل لو سمحتم؟
سلام عليكم
ازيكم يا جماعة كل سنة وانتوا طيبين مش هطول عليكم ان شاء الله انا عندي مشكلة قرفاني جدا وهي ان انا معايا جيتا 2009 خليجي اعلي فئة العربية ممتازة صراحة بس فيها مشكلة قاتلة العربية بتحك وواطية بطريقة فظيعة لدرجة انها بقت بتعوقني فعلا وبتعمل مواقف محرجة لدرجة اني بروح شغلي دلوقتي مواصلات عشان الطريف فية مطبات وما ينفعش تتاخد cross والمطبات بقت غريبة اليومين دول ولما يركب معايا ورا اتينين ولا تلاتة بتبقي ماشية تحك في الاكياس في الارض ههههه يا جماعة انا مش عارف اعمل اية صراحة العربية باستثناء العيب دة تحفة بمعنب الكلمة فخامة ورفاهية وثبات خرافي وشياكة وكل الناس حسداني عليها وانا عجباني جدا باستثناء العيب دة انا فكرت ابيعها واجيب جيب اكس تريل او ازود واجيب شيروكي ليمتيد بس مسخسرها فرايكم اية انا هاتجنن |
رد: مشكلة قرفاني في الجيتا اي حد عندة حل لو سمحتم؟
أعتقد إنك تشيك فى التوكيل على علوها لإنى أعتقد إن العربية مش واطية للدرجه دى ... عموماً فى تعديلات بسيطة ممكن تتعمل تعلى العربية شوية
|
رد: مشكلة قرفاني في الجيتا اي حد عندة حل لو سمحتم؟
شيك فى التوكيل وبلاش تعليها لو ده الطبيعى:fun_36_1_30[1]: بلاش لعب فى العربيات دى وفعلا لو انت ظروف طريقة هتبهدل العربيه يبقى تجيب حاجه عاليه عن الأرض:1336:
والله الموفق |
رد: مشكلة قرفاني في الجيتا اي حد عندة حل لو سمحتم؟
بص يا باشا انا كان معايا مرسيدس زمان و كان فيها نفس المشكلة .. عليتها شوية 2 سنتى بس بالكوتشات اللى بيبقى فوق المساعدين .. و المشكلة اختفت تماما ,,, هى طبعا بتقلل الثبات سيكة على السرعات العالية .. 160 و انت طالع .. بس قشطة يعنى العربية اصلا ثابتة ما شاء الله و ميزة الجيتا كمان ان قاعدة عجلاتها مش طويلة ... فا ان شاء الله الحل ده هيخلص المشكلة ..ده طبعا لو ملقيتش حل عند التوكيل ... و ربنا معاك يا باشا
|
رد: مشكلة قرفاني في الجيتا اي حد عندة حل لو سمحتم؟
الف شكر يا جماعة ربنا يخليكم
انا سالت ناس كتير علي موضوع التعلية دي كلهم قالولي شبة اجماع بلاش اللعب في العربية خالص بالنسبة لاني اكشف عليها عند التوكيل دة طبعا صعب عشان هي خليجي انا متابع عند امير وجوزيف اللي في مدينة نصر اية رايكم فية؟ بمناسبة الخليجي ممكن يكون سبب الوطي دة انها خليجي طب انتوا رايكم ممكن يكون سبب الوطي دة اية؟واية حلة؟وشكرا ليكم يا جماعة جدا |
| الساعة الآن 03:34 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017