ساعدوني ياجماعة انا فى منتهي الحيرة مابين الفيرنا واللانوس
 

بجد ياجماعه أنا في منتها الحيرة مش عارف أشتري الفيرنا فعلا ولا اللانوس عاوز حد ساق العربيتين يقولي أعمل ايه بصراحه , وهل اللانوس أعلى ولا الفيرنا؟
وعايز اشترى ومش عارف اشترى ايه بجد خايف اجيب حاجة تقرفني وتكرهني فى العربيات كلها ......

رد: ساعدوني ياجماعة انا فى منتهي الحيرة مابين الفيرنا واللانوس
 

انا شخصيا حابب الفيرنا انا سوقت الفيرنا عربية سواقتها سهلة موتور قوى جدا ( دا ميزة وعيب ) بحيت انك بعد 120 مفيش ثبات للعربية
ركبت اللانوس كتير بس مسقتهاش لسة جايب مع واحد صاحبى لانوس 2011 عربية تقفيلها وحش اوى وفيها فرووق ف التابلوة والباب مستفزة اوى
دى تجربتى ورايى الشخصى
لو هتشترى جديد الاتنين ف نفس السعر
قطع غيار الاتنين رخيصة وزى الفل والصنايعية حفظوا العربيات دى
سعر اعادة بيع جيد جدا للاتنين
تحيااااااااتى

رد: ساعدوني ياجماعة انا فى منتهي الحيرة مابين الفيرنا واللانوس
 

متتعبش نفسك خالص فى ناس كتيره جدا بتحتار نفس حيرتك لان العربيتين فعلا ذى بعض فى كل حاجه ما عادا الشكل واوبشن بسيط جدا ذى عداد ال RBM فى الانوس مفهاش اما الفيرنا فيها الفيرنا انا بحب شكلها جدا عن الانوس الوفيرنا عاليه عن الارض وشكل الطابوه اشيك من الانوس من الاخر الفيرنا احلى بكتير من الانوس وارشحهالك :CHUBBY~36:

رد: ساعدوني ياجماعة انا فى منتهي الحيرة مابين الفيرنا واللانوس
 

رأيي الشخصي :-
الانوس بس تكون دايو افضل من الفيرنا بكتير من حيث الثبات
اما في باقي المقارنة الاتنين واحد تقريبا في كل شئ

رد: ساعدوني ياجماعة انا فى منتهي الحيرة مابين الفيرنا واللانوس
 

فى الحقيقة انا سوقت الفيرنا كتير جدا وجريت بيها ، وسقت اللانوس مرة واحدة ومجرتش اوى بيها ، بس حسيت ان اﻻنوس افضل من فيرنا ، من حيث الثبات ، لكن اﻻرتفاع اﻻنوس اعلى من الفيرنا مش بدرجة كبيرة ، بس انا لو حشترى حختار الﻻنوس وعن اقتناع ، ﻻنى شفت الفيرنا قد ايه بعد 100 ، او 120 ( فراشة ) ، وموتور الفيرنا جميل جدا وسحبها جميل بس فرامل العربية مش قد قوة الموتور دى .