افيو الشكل الجديد
 

بعد فحص ودراسة وعلى قد خبرتى القليلة فى العربيات وبسؤالى لمعارفى وطبقا لامكانياتى قررت انى ان شاء الله اشترى افيو اوتوماتيك الشكل الجديد بالتقسيط وانا سامع كلام كتير اوى على العربية وناس تقول الكلام ده من كام سنة اخر 3 او 4 سنين الموضوع اختلف والناس برضه بتتكلم على التوكيل عشان لا قدر الله لو العربية فيها حاجة الموضوع معاهم بيبقى صعب ونيابة و جهاز حماية المستهلك والموضوع دخل فى حوارات اكيد انا عايز ابقى فى غنى عنها انا عايز اسمع ارائكم ونصائحكم وياريت لو بتفاصيل اكتر وكمان فى حاجة عايز اسال عليها اقسط من انهى معرض او بنك تنصحونى بيه وشكرا مقدما على الرد

رد: افيو الشكل الجديد
 

بكل صراحة هذة السيارة محيرة جداً
يوجد من امتلكها ولم تحدث اى مشاكل واستمتع بها
ويوجد من اصابه كل الغم والحزن منها وعليها وعلى توكيلها الحرامى
فلا يوجد رأى فاصل
صل استخارة وتوكل على الله

رد: افيو الشكل الجديد
 

فعلا محيرة
بس صحابى كتير جايبين 2014 و ماشيين بيها كتير و العيوب اللى ظهرت هايفة جدا
ما هو لازم نتقبل العيوب المقدور عليها
و للاسف فى عربيات اغلى و برضه فيها عيوب ........... لا مفر
على الاقل ديى منتشرة و قطع غيارها رخيصة و بره التوكيل فى محترفين كتير يخلوها مفيهاش هفوة
و ميزتها انها عالية عن الارض و واسعة و شيك جدا جدا
و الفتيس بتاعها رائع

رد: افيو الشكل الجديد
 

اشكركم على الرد وارجو جمع اجابات اكتر من الناس

رد: افيو الشكل الجديد
 

انا معايا 2008 وبصراحه حلوووووووووو قووووووووى وقطع غيارها فى متناول الجميع وسحبها كويس