انا جالي جواب المعاقين النهاردة .. وعايز أسال اعمل ايه يا ريت تفيدونا
 

السلام عليكم و رحمة الله

يا جماعه انا النهارده جبت الجواب بالموافقة على سيارة اوتوماتيك ..
و تاريخ كشف العظام كان 13\12
يعني من اربعين يوم بالظبط .. و قالولي استنى اسبوعين- شهر لحد ما الجواب يوصل الجمرك

هل انا ممكن من دلوقتي اروح هناك اشوف الاسعار و اعرف الانواع لحد ما الجواب ييجي خصوصا اني مستعجل فعلا ؟؟


انا معايا تقريبا حوالي 60 - 80 الف .. تنصحوني بنوع ايه او ماركة ايه ؟


اخر سؤال انا معنديش خبرة سابقة في العربيات .. وخايف يضحك عليا اخد معايا ميكانيكي مثلا .. او تعرفوا معرض مضمون


اخيرا الواحد هيركب عربية يا جدعان .. الحمد لله

رد: انا جالي جواب المعاقين النهاردة .. وعايز أسال اعمل ايه يا ريت تفيدونا
 

بص احسن عربيه هناك هتكون يا اما باسات 2005 او اوكتافيا 2006 ده بافلوس الي معاك وقطع الغيار غاليه شويه بس مش محتاج تجيب معاك مكانيكي افتكر لان العربيه كل الي فيها من مميزات وعيوب هتلقي موجود وكي مع العربيه ولو حضرتك انا اسف يعني معاق اعسنلك تجيب عربيه لحساب هتوقف عليك بسعر اقل بكتير من انك تشتريها من معرض بس احتياطي لو هتشتري من معرض ابقي خد معاك مكانيكي وتقبل تحياتي

رد: انا جالي جواب المعاقين النهاردة .. وعايز أسال اعمل ايه يا ريت تفيدونا
 

المبلغ اللى معاك يجيب عربيات كثيرة قوى. الاحسن طبعا الأكتافيا الالمانى موديل 2005 إلى 2007. فى عربية أكتافيا زى الجديدة موديل 2006 كانت ب 85 الف جديدة واتوماتك وفيها كل اللى تتمناه. فى برضوا BMW موديل 2000 إلى 2002. وفى طبعا الباسات 2000. كل السيارات دى فاخمة ولكن صيانة وقطع غيار غالية ولو فى الاقاليم يبقى لازم تفكر كذا مرة.

أنا أنصحك تجيب ماتركس أوروبى موديل مرتفع زى 2004 أو 2005 تعمل لها 45 إلى 50 الف حسب الحالة. عربية زى اللى موجودة فى مصر وقطع غيرها معقولة شوية ومتوفرة لان الكل راكب هيونداى وعندنا ماتركس مصرى ولهذا قطع الخيار متشابة..

طبعا يبقى معاك ميكانيكى لان فى عربيات بتكون مش تمام وبتبقى مفوته أو محتاجة شغل بعد ما تشتريها ولكن فى عربيات فعلا هناك تحفة وأنت وبختك....

لسة سامع من كريستال ان الجمرك وصل له لحد شهر 11 يعنى امامك شهر على الاقل لحد ما يوصل جوابك. التاجر ممكن يحجز لك السيارة ولكن بيقول لك لو الأسعار زادت هتتحمل الفرق والحجز بيكون لمدة 15 يوم ولو بتشتريها خالص هيقول لك هتدفع ارضية باليوم. لهذا الاحسن تنتظر كمان أسبوعين ثلاثة وتذكر ان الجواب صالح لمدة عام يعنى ممكن تشترى اى وقت خلال العام... بالتوفيق ومش تنسى تقول لنا عملت ايه. دائما بنحب نسمع اخر الاخبار فى هذا المنتدى

رد: انا جالي جواب المعاقين النهاردة .. وعايز أسال اعمل ايه يا ريت تفيدونا
 

شكرا يا جماعه كتر خيركم والله .. رديتوا عليا

رد: انا جالي جواب المعاقين النهاردة .. وعايز أسال اعمل ايه يا ريت تفيدونا
 

باشا انتا منين اصل لو من القاهره فى شركه فى الحى التامن المنطقه الحره اسمها فوجى
بتجيب تويوتا كورولا من 98 لحد 2005 وعربيات مضمونه 100% انا جايب من عندهم
عربيتين واهم حاجه عندهم الامانه