أفيدونى حفظكم الله...البطارية زهقتنى
 

السلام عليكم و رحمة الله و بركاته

عندى عرية هيونداى جيتز لسة بطاريتها فى الضمان و لو سبته يومين من غير ما تمشى بتنامو بما انى لسة بتعلم السواقة فده بيحصل كتيير ’ المهم هل الأفضل انى أغيرها فى التوكيل(ياريت يكون فى واحد غير الفى أبو رواش لأنى طبعا مش ممكن أسوق لحد هناك)
و لا اشترى بطارية جديدة على اعتبار ان بطارية التوكيل هتبقى صينى فأشترى أنا نوع أنضف

ربنا يخليكم يا أهل الخبرة لا تبخلوا على بالنصيحة

رد: أفيدونى حفظكم الله...البطارية زهقتنى
 

هل جربت تأكد على نظافة القواطيش من الداخل

وصوابع البطاريه

بأستخدام حتة صنفره ناعمه

وتثبت القواطيش على الصوابع برباط جيد

وتعملك مشوار كويس لشحن البطاريه تانى


وهل قيست شحن الدينامو ولا لا ............؟

رد: أفيدونى حفظكم الله...البطارية زهقتنى
 

و ممكن يكون من الكاسيت
زى ما حصل عندى قبل كده
الكاسيت اللى عندى من النوع اللى بيفضل منور علطول
و كنت لما اسيب العربيه يومين تلاته كانت البطاريه بتفضى
و طلع فى الاخر الكاسيت هو اللى فيه العيب بيسحب كهربه البطاريه

رد: أفيدونى حفظكم الله...البطارية زهقتنى
 

تأكد من فعلا الراديو ومن قواطيش البطارية ووديها احسن التوكيل

رد: أفيدونى حفظكم الله...البطارية زهقتنى
 

بص ياباشا ابو ناهية
البطرية دي لو مش جافةغيرها وهات جافة
ولو جافة او مش جافة بس على حالتها هتلاقي في مربع في لون
وتحت المربع تلات الوان كل لون بيبين حالة البطرية
سواء ابيض او اصفر او اسود وبتختلف الالوان من شركة لشركة
وربنا يكرمك وتقولنا الموضوع اتحل