مصر موتورز مجتمع السيارات - ** أول مقابلة لمصر موتورز بألمانيا **

مصر موتورز مجتمع السيارات (https://www.masrmotors.com/vb/index.php)

- اﻷنشطة و المقابلات و التعارف (https://www.masrmotors.com/vb/forumdisplay.php?f=96)

- - ** أول مقابلة لمصر موتورز بألمانيا ** (https://www.masrmotors.com/vb/showthread.php?t=46427)

** أول مقابلة لمصر موتورز بألمانيا **

بسم الله الرحمن الرحيم

طبعا زي ما فيه أصدقاء كتير ليا عارفين إني حاليا في رحلة لأوربا و بدايتها ألمانيا

لزيارة معرض اثاث عالمي مقام حاليا هناك في مدينة كولن

الأخ الفاضل ،،، عاطف ( mainz ) عرفته في مشاركة عن الرحلة دي ،،،

قوم ايه ؟؟؟؟

عاطف باشا يصمم ،،، إني يجيلي يقابلني

رغم إنه في مدينة تانية و عشان يجيلي يركب قطار المانيا السريع ساعتين كاملين !!!

و يوم أجازته و راحته !!!

و ده فعلا حسسني أد ايه مصر موتورز ده ،، حاجة كبيرة جدا

و مجمعنا دايما علي الخير ،، و إن الواحد ليه تسعين الف أخ ،،،

مين يقول إن حد مقابلتهوش قبل كده غير علي صفحات المنتدي ،، يضرب المشوار ده خصيصا بس عشان يقابلني و نقضي مع بعض وقت

عايز أقول إني قبل السفر دوشته و طلعت عينه أسئلة و استفسارات و اعمل ايه و اركب ايه و اتصرف ازاي

و الراجل مبيتأخرشي عليا ابدا شات و مكالمات

المهم ضبط نفسه يوم السبت يوم اجازته إنه يجيلي

و قالي القطر هيوصل كولن الساعة 8 و 5 دقايق من ماينز المدينة اللي عايش فيها عاطف ،،

القطارات و المتروهات هناك اساسا حاجة تعقد ،، تضبط ساعتك عليها

طبعا أنا أديته لمحة من الوطن الحبيب ،،، و أتأخرت عليه نص ساعة ،،،، هههههههه

عشان مبعرفشي اصحي بدري ،،،،

مواطن مصري بقه مش مواطن الماني زي عاطف باشا

استقبلني عاطف في المحطة الرئيسية للمدينة و عزمني علي كوباية كافيه

http://sub3.rofof.com/img4/01gypbc23.jpg

في كافيه جوه المحطة

و بعدين خدنا جولة بره المحطة الرئيسية ،، حول كاتدرائية كولن

و هيا اعظم معلم فيها و علامة كولن المميزة و أعلي كنيسة في العالم و أقدم كنيسة في المانيا

و التي نجت من الحرب العالمية التانية

http://sub3.rofof.com/img4/01rakmp23.jpg

http://sub3.rofof.com/img4/01hzsux23.jpg

http://sub3.rofof.com/img4/01suvft23.jpg

http://sub3.rofof.com/img4/01hrvoq23.jpg

بعدين هووب ،،، ركبنا المترو و طلعنا علي المعرض

و اللي عاطف كان فاكره معرض عربيات ،،، و اكتشف أنه معرض اثاث

و اتدبس يا عيني ،، بسببي في تذكرته ب 17 يورو

أنا كنت شاري تذكرته الشاملة من مصر

و دي مجموعة صور كتيرة من داخل المعرض اللي قضينا فيه بضع ساعات

http://sub3.rofof.com/img4/01dfumx23.jpg

http://sub3.rofof.com/img4/01tquiy23.jpg

http://sub3.rofof.com/img4/01cigpa23.jpg

http://sub3.rofof.com/img4/01csoju23.jpg

http://sub3.rofof.com/img4/01hinmy23.jpg

http://sub3.rofof.com/img4/01imoqb23.jpg

http://sub3.rofof.com/img4/01jpclg23.jpg

http://sub3.rofof.com/img4/01lrjic23.jpg

http://sub3.rofof.com/img4/01riwtx23.jpg

http://sub3.rofof.com/img4/01vowcy23.jpg

http://sub5.rofof.com/img3/01axdye22.jpg

http://sub5.rofof.com/img3/01jnxef22.jpg

http://sub5.rofof.com/img3/01mrhod22.jpg

http://sub5.rofof.com/img3/01omyiu22.jpg

http://sub5.rofof.com/img3/01tfryo22.jpg

http://sub5.rofof.com/img3/01vlmxz22.jpg

http://sub5.rofof.com/img3/01wueoy22.jpg

و بعدين خدنا المترو ،، التحفة تاني ،، و روحنا الشقة اللي أنا مأجرها

نريح شوية و نضبط نفسنا

http://sub5.rofof.com/img3/01swibh22.jpg

http://sub3.rofof.com/img4/01mpetl23.jpg

و طبعنا لأن معاد عودة قطر عاطف كان الساعة 6 ،، نزلنا بسرعة و ركبنا تاني و رجعنا علي المحطة الرئيسية

و بجوار الكاتدرائية ،، خدنا وجبة الغداء في مطعم تركي

اللي هيا حاجة اسمها دونر كباب ،، و محدهش يسألني يعني أيه

بس هوا غالبا شاورمة في عيش شامي كده

http://sub3.rofof.com/img4/01gkyhm23.jpg

و رجعنا علي المحطة ،،،

و عاطف ساعدني و حجزلي قطر بكره إن شاء الله لامستردام

و طلعنا نستني القطر بتاعه و نودع بعض و برده عزمني تاني علي كافيه عقبال ما القطر يجي

صور الوداع في المحطة

http://sub3.rofof.com/img4/01hgsel23.jpg

http://sub3.rofof.com/img4/01vxjpg23.jpg

و كده انتهي يومي مع الأخ الرائع عاطف ،،، ( mainz )

اللي رغم إنه مواطن الماني لكن مصري شهم أصيل و جدع بجد

الصراحة خد مميزات المصريين و مميزات الالمان

و عمل شخصية مميزة متلقهاش غير في مصر موتورز

رد: ** أول مقابلة لمصر موتورز بألمانيا **

الله عليك يا عمنا
انت كده هتخلينى اخد أول قطار طاله ألمانيا عشان أقابل عاطف باشا

رد: ** أول مقابلة لمصر موتورز بألمانيا **

الله الله الله علي مصر موتورز ورجالتها

الله ينور بجد

الرجاله اقتحمو اسوار المانيا المنيعه و تحدو صعاب القطارات وتقابلو

هي دي الناس والا بلاش

فينكو يا رجاله مصر

فعلا تحيه تقدير و اعجاب علي المقابله

رد: ** أول مقابلة لمصر موتورز بألمانيا **

بسم الله الرحمن الرحيم
اولا اود ان اشكر مصرموترز على اساس انها السبب الرئيسى فى التعارف وصله الموده بين الاخوه الاعضاء فى كل مكان سواء فى مصر او خارج مصرROSE4U.
ثانيا الشكر والعرفان للاخ العزيز احمد انور باشا لانه فعلا شخص محترم جدا وشخصيه طيبه ورائعه .:GROWIN~12:
هوا فعلا اليوم ده كان يوم جميل جدا جدا اى نعم كا ن الجو برد وبعدين كان فيه شويه مطر بس احنا تغلبنا عليها طبعا زا ى ما انتوا شايفين بالشمسيه الخضراء الواضحه فى الصور هههههه
وتغلبنا على الجو البرد بالقهوه الالمانيه الجميله .:waving:
بس انا من الاول كنت فاهم ان المعرض عربيات سواء عربيات او قطع غيار ههههههه بس مش مشكله المهم انه كان معرض وخلاص هههههههه والاهم فى الموضوع انه كان لقاء لمصرموتورز فى المعرض وعموما فى المانيا . (صورة)
انا تشرفت جدا بمعرفه الاخ الاستاز احمد انور:018A1D~146: وبقوله قعلا المانيا نورت بيك والله يا احمد ونتمنى ان شاء الله المره الجايه تكون قريب شويه منى علشان اعرف اقوم بالواجب .
طبعا فى اخر اليوم الجو زادت درجه البروده وابتدى الواحد يحس بالجوع وطبعا الاستاز احمد بارك الله فيه عازمنا على الدونركاباب ومع البرد ده فعلا زاد من طعم الدونر كباب زات الطعم الجميل اصلا .:36_1_71:
فعلا كان يوم جميل جدا وان شاء الله نتمنى ان تتكرر مثل هزه المقابلات الجميله .
واتمنى للاخ احمد انور رحله طيبه وسعيده غدا ان شاء الله الى امستردام .:waving:

رد: ** أول مقابلة لمصر موتورز بألمانيا **

اقتباس:

المشاركة الأصلية كتبت بواسطة SuMo (المشاركة 342982)

الله عليك يا عمنا
انت كده هتخلينى اخد أول قطار طاله ألمانيا عشان أقابل عاطف باشا

الله يخليك يا سومو باشا والله تنور المانيا وهنزداد شرف بمعرفتك ياباشاROSE4U