|
أستملت النهارده المازدا الهاى لاين 2011 - بداية مش ظريفه
السلام على أعضاء وزوار المنتدى الكرام أستملت النهرده المازدا 3 موديل 2011 من معرض شيرين بالميرغنى أستلمت العربية من المعرض وروحت المرور عملت الرخصة والنمر وأنا راجع أكتشفت الأتى أول شىء عداد السرعه مش شغال - الأر بى أم بس شغال لمبه ال Check Engine منوره علطول ومعاها لمبة ال ABS وال Hand-Break والهاند مش مرفوعه أصلا المهم لاحظت الموضوع وطفيت العربية وشغلتها تانى العداد أشتغل ولمبة ال Check Engine بس هى اللى شغاله وحاليأ لمبة الشيك أنجين بس هى اللى شغاله علطول كلمت مهندس فى أبو رواش وقولتله على المشكلة دى والمهندس طلب منى أجيب العربية أبو رواش علشان يكشف عليها بداية جميلة جدأ بجانب أنها أتخبتط منى لسه من شوية خبطه بسيطة من الجنب فى الخلف الحمد لله على كل شىء - حبيت بس أشارك بالمشكلة علشان أى حد يشترى العربية من المعرض وهو بيستلم يشوف المشكلة دى شكرأ |
رد: أستملت النهرده المازدا الهاى لاين 2011 - بداية مش ظريفه
مليون مبروك ربنا يباركلك فيها وتشوف الخير على قدومها وبرحتك وانت سايقها علشان ربنا يسترها معاك وتحياتى لكROSE4U
|
رد: أستملت النهرده المازدا الهاى لاين 2011 - بداية مش ظريفه
اولا مبروك على العربية وربنا يجعلها قدم السعد
متزعلش من العربية ان شاء الله تطلع بسيط وانا واحد من الناس اول ما جبت عربية " مستعملة " خدت خبطة محترمة فى الباب وكان الغلط مش مني فى الاول وفى الاخر قدر ربنا وكويس انها بتيجي فى الريش :14BFD8~148:مش فى البني آدمين وطمنا العيب كان من ايه |
رد: أستملت النهرده المازدا الهاى لاين 2011 - بداية مش ظريفه
ان شاء الله خير و بسيطة
سؤال بسيط الكنبة الورا واسعة و اللا ضيقة؟ يعني تاخد 3 رجالة مرتاحين و اللا مزنوقين؟ |
رد: أستملت النهرده المازدا الهاى لاين 2011 - بداية مش ظريفه
مبروك ومعلش فداك الخبطة البسيطة وإن شاء الله يطلع موضوع بسيط |
| الساعة الآن 01:08 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017