حاجة غريبة فى العربية
 

صدقائى الأعزاء
كل سنه وإنتم جميعا طيبين وبألف خير
بقالى فترة مشاركتش معاكو لأنى بصراحة مكنش عندى جديد أضيفة بس اليومين إللى فاتو دول سجلت أول ملاحظة على عربيتى هى طبعا موديل 2012 وعاملة 46 ألف كم ومغيرتش فيها حاجة غير بوجيهات وتيل فرامل .. المهم اليومين إللى فاتو دول إتكرر معايا موقف غريب ، العربية لما تكون ماشية بسرعة ألاقيها تنتش وسرعتها تثبت مهما أنا زودت بنزين .. فى الأول قلت ممكن التكييف مع مطلع مأثر على السحب وروحت واليومين إللى بعد كده الدنيا مشيت كويس لغاية ما إتكرر الموضوع ده إمبارح وكان عندى فرصة أستكشف إللى بيحصل لأن الطريق كان مفتوح ... العربية سحبها كويس جدا على الغيارات الأولى إنما الرابع والخامس وتحديدا عند آر بى أم 2800-3000 بلاقيها ثبتت على كده مهما دوست بنزين وده مع الكبس .. لو سايستها ودوست واحده واحده تبتدى تجمع معايا تانى ... فقلت نتشارك فى الموضوع ده إذ ربما يكون حد مر عليه حاجة زى كده ونستفاد كلنا ... بالمناسبة أنا لسه مغير فلتر بنزين وهواء وبوجيهات عند 42 ألف
ومره تانية كل سنه وإنتم جميعا طيبين وبخي

رد: حاجة غريبة فى العربية
 

لو عربية حضرتك كاربراتير .... كنت قلت ده عيب كاربراتير على طول ... علشان كان بيعمل معايا الحركات دى

متابع باهتمام

رد: حاجة غريبة فى العربية
 

رد: حاجة غريبة فى العربية
 

عربية الاخ الكريم BYD
وطبعا انجكشن وراكب عليها موتور لانسر 1600 وطبعا دواسة البنزين واير
عندى احساس ان طلمبة البنزين مش مظبوطة

رد: حاجة غريبة فى العربية
 

طب إيه إللى يخليها تظهر عند السرعة دى بس .. لو مشكلة طرمبة كانت ظهرت أكتر على السرانسية .. وبعدين هى مش بتقطع ووتنتش زى زيادة الكهرباء فى العربيات القديمة هى بتنتش نتشه واحده وتثبت على كده مهما زودت وده بيكون بعد سرعة ال80 أ90 وصوت الموتور بيعلى كأنك ممور .. حاجة كده زى ما تقول أوفر لود