مصر موتورز مجتمع السيارات - كل ما يخص الشهر العقارى

مصر موتورز مجتمع السيارات (https://www.masrmotors.com/vb/index.php)

- الشهر العقارى (https://www.masrmotors.com/vb/forumdisplay.php?f=219)

- - كل ما يخص الشهر العقارى (https://www.masrmotors.com/vb/showthread.php?t=25323)

رد: كل ما يخص الشهر العقارى

وازااااااااااااى اعر ف انها انتاج محلى او مستورد هما بيقولوا انها كورى مش عااارف

رد: كل ما يخص الشهر العقارى

اقتباس:

المشاركة الأصلية كتبت بواسطة elsaidy (المشاركة 180605)

اكيد بتهزر يعنى ينزل الصفة فى الدفتر وميكتبهاش فى عقد البيع

اخى توكيلات الادارة وتوكيلات المقضايا العامة والخاصة وتوكيلات البنوك لها تعليمات خاصة بها

اما توكيلات البيع للنفس او للغير لها اجراءات وخطورة مختلفة

يعنى انا اقدر الغى توكيل الادارة او القضايا بمفردى
اما التوكيل بالبيع للنفس او للغير لا يمكن الغاءة الا بوجود الطرفين
يارب توصل لحضرتك

اخى معلومة لك لا يمكن عمل توكيلات البيع بالشيارات او عقود البيع الا بالصفات سواء فيها او فى الدفتر

يا اخى الفاضل والله عارف الفرق بين التوكيلات واجراءاتها واستخدامتها .وكمان انا مقولتش ان الصفه مش هتتكتب فى العقد لانها اكيد هتتكتب فى العقد طبعا ، وبعدين حضرتك بتقول الصفه بالصيغه دىمينفعش تتكتب فى التوكيل العام وانا قولتلك لا مينفعش تتكتب فى التوكيل العام هى بتتكتب فى الدفتر ومقولتش بتتكتب فى العقد لان دا شىء طبيعى ان اللى هيتكتب فى العقد هو اللى هيتكتب فى الدفتر .

بص حضرتك انا مضطر انهى المناقشه لان واضح انى مش قادر اوصل اللى انا عايز اقوله لحضرتك .

لكن اخيرا الكلام اللى انا قولته سليم من الناحيه القانونيه وانا متاكد تماما من كلامى .

وكمان فى نقطه تانيه عايز اوصلهالك ان انتوا فى المصالح الحكوميه ماشيين بمبدأ كل شيخ وليه طريقه والقانون بيتنفذ على حسب فهم الموظفين وكل مكتب وليه نظام مختلف عن التانى وانا جربت دا بنفسى . يعنى ممكن تروح لمكتب معين تلاقى فيه اجراءات وتروح لمكتب فرع تانى تلاقى فيه اجراءات مختلفه تماما ورغم ان الموضوع واحد والقانون اللى بيحكم الموضوع واحد والتعليمات واحده . وممكن الممنوع فى مكان تلاقيه مسموح فى مكان تانى . بل ان ممكن داخل المكتب الواحد تلاقى موظف ليه راى ووموظف تانى ليه رأى تانى خالص ودا حصل معايا فعلا ان اتنين موظفين واحد يقول ممنوع وواحد يقول لا مش ممنوع والاتنين اتخانقوا مع بعض ومسكوا فى بعض و هذه هى الحكومه المصريه والروتين الحكومى المصرى .

واخيرا فالخلاف فى الرأى لا يفسد للود قضيه .

وتقبل تحياتى

رد: كل ما يخص الشهر العقارى

انا اشتريت عربية هيونداى اتوس 2009 والرخصة عليها حظر بيع والراجل سدد ثمنها بالكامل للبنك والجواب بتاع رفع الحظر راح المرور
ايه المفروض انى اعمله بعد كده علما بأنى معايا توكيل بيع لنفسه وللغير
والاهم ..... هل لابد انى اسجلها فى الشهر العقارى علشان انقلها باسمى ولا فى المرور على طول كأنها زيرو وايه المستندات المطلوبة بالنسبة للشهر العقارى بالتفصيل

وهل فيه طريقة انى اثبت ملكية العربية دى لى بدون ما اسجل فى الشهر العقارى لان مصاريف التسجيل عالية جدا بالنسبة للموديل ده يعنى مثلا ابيع لنفسى بعقد بيع وامشى بالتوكيل اللى الراجل عملوه لى على طول بدون ما اسجل وهل بالعقد البيع اللى ممكن اعمله لنفسى ده يحمى حقى لو مات أحد الطرفين فى التوكيل بعد كده بالعقد ده؟؟

رد: كل ما يخص الشهر العقارى

اخى اعتقد انى جوابتك
اذا كان فى التوكيل التجديد والترخيص ستجدد باسم صاحب السيارة واذا توفى احد الطرفين التوكيل لاغى

ويجب ان تذهب للشهر القارى لنقل الملكية بعقد بيع وتجيب شهادة بيانات من الشهر العقارى واذا كانت انتاج محلى ستكتب بشهادة البيانات

وبرجاء عدم تكرار الموضوع

رد: كل ما يخص الشهر العقارى

موضوع رائع شكرا جدا خصوصا على جدول الشهر العقارى

كان عندى سؤال بالنسبه للإنتاج المحلى الخصم بيتحسب ازاى

انا معايا فيرنا 2007 حسب الجدول المفروض 1257 طيب ولو انتاج محلى تبقى كام ؟

وشكرا جدا مرة أخرى