محتار بين 131 - 132 - ريجاتا - بولونيز - 504 - 305 - 929 ارجو الافاده
 

السلام عليكم
انا جديد جدا في العربيات بدون اي معلومات واريد شراء سيارة
وبعد وقت كبير جدا من الاطلاع ضيقت دائرة الاختيار علي هذه الانواع
فيات 131
فيات 132
فيات ريجاتا
فيات بولونيز
بيجو 504
بيجو 305
مازدا 929
الميزانيه الكليه"شامله سعر العربيه والمصاريف المحتمله للتظبيط" في حدود 15-20 الف جنيه
ارجو الافاده باسلوب علمي علي الاسس الاتيه
المظهر-المتانه-الميكانيكه-توافر واسعار قطع الغيار-استهلاك البنزين-قله الاعطال-امكانيه التحويل للغاز- الكماليات"غير هام"- سعر اعاده البيع
علما ان المشوار يومي تقريبا 100 كم فلازم عربيه حماله اسيه وموفرة وتسحب
يا ريت يا جماعه الاختيار يكون مع توضيح الاسباب
وطلب رخم كمان لو العربيه هتحتاج مصاريف ممكن توضيح تقريبي لبنود التجديد "سمكرة-دوكو-كاوتش-جنوط-فوانيس-كراسي-صالون-عفشه-عمرة-نصف عمره"
والف الف شكرا مقدما
انا عارف ان الطلبات كتيرة ورخمه بس ممكن كل واحد يساعد باللي يعرفه علي قد ما يقدر
ولو حد عنده عربيه للبيع من العربيات المذكورة ممكن يعرضه مع طريقه التواصل مع مراعاه الحاله الجيدة

رد: محتار بين 131-132-ريجاتا-بولونيز--504-305- 929 ارجو الافاده
 

كان فيه مازدا 323 بس قالوا ملهاش قطع غيار
يفضل العربيه كارونه مش كبالن ارجو التفرقه

رد: محتار بين 131-132-ريجاتا-بولونيز--504-305- 929 ارجو الافاده
 

اول اختيار من رأيى بيجو 504 لكن بشرط موديل حديث وحالة جيدة جدا .. غير كده ممكن تتعبك ..

وبعدين الريجاتا - مازدا 929 - الـ 132 - الـ 131 - بلونيز - 305 (منصحكش بيها خالص عن تجربة)

اما بالنسبة للميزانية .. للاسف لا تتحمل غير 305 وممكن 131 او 132 بس بصعوبة شوية ..

لكن صعب تجيب 504 او ريجاتا مثلا بالسعر ده ...

برده من ناحية الاسعار اعتقد الاعضاء هيفيدوك اكتر منى ..........

وربنا يوفقك بالعربية اللى تحبها باذن الله ..........

رد: محتار بين 131-132-ريجاتا-بولونيز--504-305- 929 ارجو الافاده
 

اولا الف شكر علي الاهتمام وسرعه الرد
ثانيا بالله يا جماعه اللي يرد يوضح ايه سبب التفضيل او الاستبعاد اصل انا عامل زي اللي بيختار في الضلمه

رد: محتار بين 131-132-ريجاتا-بولونيز--504-305- 929 ارجو الافاده
 

المبلغ دا مش حيجيب 504 نضيفه
يبقي نفكر في 131 كويسه
او ريجاتا بس حتحتاج تزود شويه
او الافضل مازدا 929 حتيجي بالتمن دا و حماله اسيه
بالنسبه للمصاريف حتبقي علي حسب حاله العربيه محدش يقدر يحكم عليها
غير لما نشوفها