مركز فريد شوقي
 

سلامو عليكوا ,
انا بس حبيت اشاركم حاجه كده صغيره عشان فعلا الناس اللي في المنتدي ديه محترمه
انا لسا جايب عربيه ستروين سي 4 2007 مستعمله وانا بصراحه في العربيات الفرنساوي مابفهمش فيها وعلي قدي في المكانيكا المهم العربيه انا كنت شاريها والريموت بتاعها بايز فاقلت انزل عند اي حد في الحرفين يظبطو , كذا واحد اروحلو يقولوي لا التوكيل عشان برمجه الريموت وتكويده علي العربيه فا بصراحه خفت قلت هوا كل حاجه لو بقت في التوكيل يبقي هيتخرب بيتي فاقلت اما ادور علي حد بيشتغل فيها يعملي حوار الريموت وبعد كده افهم الدنيا ,فا بالصدفه وانا بدور في المنتدي جه اسم فريد شوقي امت خدت الرقم واتصلت بيه ووصفلي العنوان في مدينه نصر خدت بعدي ورحت بصراحه في الاول التعامل والاسلوب ما عجبنيش المهم اتفقنا ان انو هايغير الريموت بواحد جديد وابتدي يشتغل في العربيه ربع ساعه بالظبط ولقيتو جاب الكومبيوتر واقعد يظبطلي المفتاح الجديد عليه وكشفلي علي العربيه ووفصصهالي وحاب التاريخ بتاعها , بصراحه بعد ما شفتوا شغال قدامي شغلوا عجبني وحسيت فعلا انوا متمكن وبعد ماكنت مخنوق منوا لقيتوا زي العسل وقعدنا نضحك مع بعض وكمان لما كشف علي العربيه لقي فيها اخطاء فقاللي انا همسحالك وبعد اسبوع تعالي تاني اكشفلك عليها عشان نطمن وكمان هاعرفلي المفتاح التاني عل العربيه ببلاش , انا عامل الموضوع ده عن تجربه شخصيه ومش معني اني بقول انوا كويس يبقي كويس بس انا حبيت اققول عل اللي حصل يمكن حد تاني يستفيد زي ما الراجل بتاع البيجو 307 بردو كانت عندو مشكله شبه ديه وخدت ردو واستفدت

رد: مركز فريد شوقي
 

جزاك الله خيرا الله يباركلك على المجهود الرائع لنقل التجربة بصدق

رد: مركز فريد شوقي
 

فعلا الأستاذ فريد شوقي علم من اعلام السيتروين في المنتديات
وللأسف شاهدنا محاوله من بعض الاشخاص المختلفين معه قضائيا لتشويه سمعته على احد المنتديات عن طريق تلفيق قصص مكذوبه عليه..وتم اكتشاف الحقيقه وتوضيح خداع هؤلاء الأشخاص وتورطهم في حمله قذره لضر الرجل في رزقه ولكن محاولتهم تم فضحها والآن الكل يشهد له بالاتقان والخلق الحسن..إلى الامام

رد: مركز فريد شوقي
 

شكرا علي نقل التجربه بكل امانه
و الاستاذ فريد شوقي من الشخصيات المحترمه في كلامه في المنتدي
و اكيد في الواقع لا يختلف كثيرا

رد: مركز فريد شوقي
 

وعايز اقول كمان ان فريد شوقى يعتبر الوحيد اللى بيفتح الكونترول الخاص يالعربيه ويصلحه,
حتى التوكيلات مبتعرفش تصلحه.