|
تغطية لمقابلة مصر موتورز الاولى فى الاسكندرية
مقابلة مصر موتورز الاولى فى الاسكندرية يوم المقابلة : 25 مايو 2010 ساعة المقابلة : الساعة 2 ظهرا عقب صلاة الجمعة مكان التجمع : امام الطارق فى كارفور مكان الاجتماع : كافيتريا دوار جحا فى داون تاون اول الحاضرين استاذ نبيل عبد الحمن واحمد بدروالاستاذ حازم شاهين والاستاذ اشرف ثم اتيت متأخر بكل اسف ولسوء حظنا استاذ اشرف صاحب عضوية (Ko Ashraph) اعتذر لظروف شخصية وانصرف ثم أتى كريم وعماد ومعتز وبدانا البحث عن مكان للجلوس فاخترنا كافتريا دوار جحا فى داون تاون وابونورا كان فى الطريق وجالنا على داون تاون واخيرا أتى الاستاذ احمد انور صور لحظة التجمع امام الطارق كارفور من اليمين الاستاذ أيمن منصور و احمد بدر و بدر بسيونى والاستاذ حازم شاهين والاستاذ نبيل عبد الرحمن وكريم على و معتز محمد وعماد من اليمين الاستاذ احمد انور والاستاذ نبيل عبد الرحمن والاستاذ حازم شاهين ومعتز واحمد بدر وابونورا وكريم وعماد والاستاذ ايمن منصور والصورة دى فى اخر المقابلة صور من داخل مكان المقابلة ----------------------------- الاستاذ حازم شاهين والاستاذ نبيل عبد الرحمن وعماد ومعتز http://sphotos.ak.fbcdn.net/hphotos-..._7510239_n.jpg من اليمين كتف ودراع كريم والاستاذ ايمن منصوروالاستاذ حازم شاهين والاستاذ نبيل عبد الرحمن http://sphotos.ak.fbcdn.net/hphotos-..._2867313_n.jpg الاستاذ احمد انور وكريم والاستاذ ايمن منصور احمد بدر وابونورا والاستاذ احمد انور وكريم الاستاذ احمد انور وكريم وبدر بسيونى ولاول مرة انى استمتع بمقابلة مجموعة من الناس من اعمار مختلفة واماكن متفرقة ومجموعة على رائ الاستاذ حازم مجموعة من المستحيل ان تتقابل فى الحياة العادية والاهم فى المجموعة انها متحابة والسبب فى ذلك مصر موتورز ومافيش بينا اى مصالح ولا مستنين من بعض اى استفادة كل اللى بينا اننا بنحب ونحترم بعض فقط لاغير واسمحولى اعبر عن انطباعى الشخصى عن كل شخص فى المقابلة وحبتدى بترتيب حسب السن بعد اذنكم الاستاذ نبيل عبد الرحمن (عمدة الاسكندرية) انسان محترم جداجدا على خلق عالى منمق الكلام مستمع جيد جدا واعتقد قيادى قوى وهو شكلا نفس صورة البروفيل بالظبط ولينا أكلة سمك عنده لسه ماخدنهاش الاستاذ حازم شاهين شكلا احلى من الصورة بتاعة البروفيل انسان محترم فوق الوصف بيختار الفاظه بعناية شديدة منظم جدا ومجتهد جدا بيحب يسمع اراء الناس حتى لو مش موافقة لرايه بجد انسان انا اتشرفت انى قابلته ابونورا متحدث بارع بيعرف يجذب الناس ليه فعلا بيحب ومخلص للمنتدى ومش همه فلوس ولا شهرة كل اللى عاوزه راحة واستفادة الناس من المنتدى بصورة انا ماكنتش اتخيلها محترم جدا و ذوق لاقصى حد الاستاذ ايمن منصور محترم وعلى خلق وصاحب راى ومعلومات غزيرة وفعلا انا شخصيا استفدت منه معلومات ومقنع جدا ومستنى الموضوع المهم اللى وعدنى حيعمله مفاجاة الاستاذ احمد انور شخص متحضر وعلى خلق بيحب مصر موتورز جدا وذكى جدا والمشكل انى ماقعدتش معاه كتير اوى بسبب انه جه متاخر وساب الاسرة عشان المقابلة وده اكبر دليل على مدى حبه للمنتدى ده احمد بدر احمد انا حلخص الكلام عنه انه زى العسل وراجل وابن بل وشهم ومحترم جدا وحظه وحش مع المرور وخصوصا فى سموحة معتز انسان محترم وعلى خلق وجدع بس ربنا يبعد عنه النيفا اللى عمال بيدمرها بس للامانة مش هو السبب هو حظه وحش ودمه خفيف جدا كريم مشكلة دمه خفيف ومحترم جدا وبجد انا سعيد بمعرفته عماد هادى جدا جدا محترم جدا ومستمع جيد بس هو مااتكلمش كتير والله انا بجد اتشرفت بمقابلة اسرة مصر موتورز وشكرا خاص لاستاذ نبيل على تنظيم المقابلة الجميلة وشكرا كبييير لاستاذ حازم شاهين وابو نورا على سفرهم وقطع كل المسافة دى من اجل المقابلة وبرغم ان عندهم اجتماع ادارى فى القاهرة بعد المقابلة وانتظروا باقى الصور اللى مع ابونورا والاستاذ ايمن |
رد: تغطية لمقابلة مصر موتورز الاولى فى الاسكندرية
ما شاء الله لا قوة إلا بالله صدق مَن قال معرفة الرجال كنوز |
رد: تغطية لمقابلة مصر موتورز الاولى فى الاسكندرية
صور رائعة يا استاذ بدر
و شكل المقابلة كانت جامدة و عقبال ما نتجمع كل الاعضاء ال 4000 ان شاء الله :danceW7: |
رد: تغطية لمقابلة مصر موتورز الاولى فى الاسكندرية
بالرغم من انى لسه داخل البيت حالاً ومرهق لاقصى حد بس بجد مقدرتش اغير هدومى حتى قبل ما اخش اشوف موضوع المقابله اللى كانت بلا مبالغة من اجمل مقابلات مصر موتورز واكثرها متعه واثارة بالرغم من قصر الوقت اللى قضيناه فيها قبل اى حاجة بشكر كل من (احمد بدر) و (بدر بسيونى) على متابعتهم ليا طول الطريق بعشرات المكالمات والوصف الدقيق للطريق ولا اجدع جى بى اس ثم متابعتهم لى لحد ما خرجت تانى من الاسكندرية وطبعا توهت وانا خارج بس تابعونى وانا راجع وكنت حاسس انهم هاين عليهم يرجعونا للقاهرة تانى اول ما وصلت الداون تاون استقبلنى بدر بسيونى ومعتز معتز من الشباب اللى اكيد مبهدلين الطريق غرز وحركات وشكله من هواه محمد منير لانه شبهه خالص بدر بقى كان مفاجئه المفاجئات بالنسبالنا كلنا لانه غير الصورة اللى فى المنتدى خالص اولاً شاب فى اواخر العشرينات طويــــــل ماشاء الله يمكن اطول عضو فى المنتدى :) دمه خفيف زى العسل وجدعنه ورجولة ملهاش حل وبالرغم من ان كلنا حبيناه من مشاركاته وموضيعة فى المنتدى بس لما تشوفوه هتكتشوفو ان وراء المشاركات ديه انسان اجمل كمان ميت مره اول ما دخلت الكافتيريا قابلت احمد بدر وده حكايه تانيه راخر راجل اسكندرانى زى ماقال الكتاب جدعنه وذوق مش ممكن وتلقائى جداً وتحس انك تعرفه من زمان ومتملش ابداً من الكلام معاه ولا سماع حكياته ومغامراته خاصة مع مرور سموحة :) استاذ معتز رغم انه متكلمش كتير بس من الواضح انه شخصيه خلوقة جداً ومحترمه جداً بلا تكلف او مبالغه يعنى من الناس اللى تشوفهم تحترمهم ويعاملوك بمنتهى البساطه والادب والهدوء ياريت كان فيه فرصه اتعرف على حضرتك اكتر العمدة والباشمهندس والاديب الخلوق نبيل عبد الرحمن رجل رصين وقور هادىء دمث الخلق تحس انه والدك او اخوك الكبير علشان منكبروش بس بجد من الرجال اللى اتمنى اكون زيهم فى يوم من الايام شباب مصر موتورز الجمال كريم ابو دم خفيف وضحكة من القلب لا ينافسها الا ضحكة سومو حبيبى وعماد الشاب الخجول بالغ الادب والهدوء يارب متكونش ديه اخر مره واشوفكم تانى قريب ان شاء الله ونقعد مع بعض اكتر من المرة دى الخلاصه انى اتعرفت فعلاً على باقة من الناس المتميزين فى كل شىء سواء خلقاً اوعلماً او خفه دم يارب نتجمع دائما على خير وفى الخير ان شاء الله ومتنسوش كده لينا عندكو زيارة للقاهرة ان شاء الله اعتقد هتكون فى معرض اوتوماك الجاى ان شاء الله شكراً ليكم بجد على اليوم الجميل ده وعلى الاستضافة الكريمة والحفاوة البالغه وربنا يقدرنا ونردهالكم قريب ان شاء الله ptmnlo123per122 وتصبحو على خير يا احلى مصراوية لحسن انا خلاااص بنام على الكى بورد :waving: |
رد: تغطية لمقابلة مصر موتورز الاولى فى الاسكندرية
انا والله جيت وكان الاستاذ احمد بدر والاستاذ نبيل واقفين ف الصراحة لفيت ادامهم و بعدين قلت جايز مش هما ...اخدت لفة كمان و لما مالقيتش تجمع مشيت ... ولو هما يفتكرو انا صاحب الفيرنا السوداء اللى لفت من ادامهم ..بس ان شاء الله خيرها فى غيرها و تقرير اكتر من رائع ويارب نبقى احسن وشكرا
|
| الساعة الآن 05:08 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017