مصر موتورز مجتمع السيارات - افيدونى اول عربيه ليا

مصر موتورز مجتمع السيارات (https://www.masrmotors.com/vb/index.php)

- سيارات حواء (https://www.masrmotors.com/vb/forumdisplay.php?f=181)

- - افيدونى اول عربيه ليا (https://www.masrmotors.com/vb/showthread.php?t=131804)

افيدونى اول عربيه ليا

السلام عليكم جميعا
انا بنت وأول مره ادخل منتدى عربيات واسأل فيه فأرجوكوا افيدونى قدر الإمكان

عايزه اشترى عربيه في حدود 35000 ماكس 40 الف وعجبانى البيجو 206 اوى

أولا : هل ممكن الاقيها بسعر فالحدود دى ؟
ثانيا : انا هتعلم فيها السواقه فهل هي عربيه اهل لكده ولا لأ؟ هتخدمنى وتستحملنى يعنى ولا افكر في حاجه تانيه؟
ثالثا: بالنسبه لاسعار صيانتها وقطع غيارها ايه ظروفهم وفى حدود كام؟
رابعا: ايه اللى المفروض اخد بالى منه اوى وانا بجيبها؟
خامسا: لو مش في منها بالسعر دا ممكن اجيب ايه فالمرحله د بالسعر دا وميكونش اصغر منها فالحجم ولا اقل منها فالشكل يعنى عايزه حاجه شكلها شيك بردو ومتكونش موديل اقل من سنة 2000 ... ولا انفض وابص للاكسنت احسن ؟؟

اسفه للاطاله وارجو تستحملونى لأنى محتاجه اخد قرار واشترى في اسرع وقت
شكرا

رد: افيدونى اول عربيه ليا

نصيحه بلاش العربية ديه مع زميلي فى الشغل ةمطلعه عينه وطع غيارها مولعه ومش اى حد بيشتغل فيها فنصيحه خليكي فى لانوس او ماروتى او اسبيرانزا 113 قطع غيارهم رخيصه وعربيات كويسه جدا بالنسبة للسعر دا

رد: افيدونى اول عربيه ليا

والله انا اعرف اه ان اللانوس كويسة بس انا عن تجربة شخصية اقولك البرايد جميلة وحاجتها بسيطة ومش بتحتاج مصاريف وبردة حتلاقيها فى نفس السعر والف مبروك مقدما