لو انت من طنطا أو من الغربية عموما .. اتفضل
 

السلام عليكم يا شباب المنتدى ......

لو حضرتك عضو جديد و من ساكنى محافظة الغربية يشرفنا انضمامك للمنتدى
و لو حضرتك عضو قديم فى المنتدى و تنطبق عليك نفس الشروط و الاحكام :) يعنى من ساكنى محافظة الغربية برده يبقى طبعا يشرفنا برده ارتباطك بالمنتدى الفترة اللى فاتت

وطبعا اى عضو من برة محافظة الغربية أهلا وسهلا بيه

و انا بصفتى من ابناء مدينة طنطا بمحافظة الغربية باقترح اننا نعمل (رابطة الطنطاوية) أو (رابطة الغرباوية) زى ما تحبوا

و الهدف من الرابطة دى ,,, انى شايف المنتدى كل يوم بيكبر بأعضائه اللى معرفتهم بالنسبة ليا كنز و مكسب كبير جدا لأنه فعلا منتدى محترم و كل اعضاؤه بلا استثناء من أكثر الناس احتراما اللى عرفتهم فى حياتى و بما ان الهدف الاساسى من المنتدى هو تبادل الخبرات و الثقافات فى مجال السيارات خصوصا و فى شتى مجالات الحياة عموما و طبعا التعارف و اكتساب اصدقاء

فالرابطة دى يا شباب هتكون اولا للتعارف بينا و المقابلات و تبادل الخبرات عن وكلاء السيارات بطنطا ..احسن ناس بتصلح ... مكاتب الايجار ...قطع الغيار ....كدة يعنى و اى نشاطات تحبوا تعملوها

و بالرغم انى هكون معاكم فى طنطا شهر واحد بس فى السنة و هتشرف طبعا بمعرفتكم جميعا فى الشهر ده ...لأنى حاليا عايش فى الكويت .... الا انى متابع على المنتدى يوميا ان شاء الله و حبى لأعضاء المنتدى و لبلدى هو والله الدافع للرابطة دى

والرابطة باعضاءها هيقدروا يتعرفوا على بعض و يفيدوا بعض فى شتى المجالات ان شاء الله

و يا ريت كل واحد يدخل يعرفنا بنفسه مبدئيا و نتشرف بحضراتكم جميعا

و هبدأ بوضع بياناتى

الاسم : محمد كمال رضوان
السن: 31 سنة
الوظيفة: استشارى انظمة اوراكل بوزارة العدل .. دولة الكويت
العنوان : طنطا ... شارع النادى
نوع العربية: شيفروليه كابريس LTZ موديل 2004


و اهلا وسهلا بيكم

رد: لو انت من طنطا أو من الغربية عموما .. اتفضل
 

رد: لو انت من طنطا أو من الغربية عموما .. اتفضل
 

هههههههههههههههه
اهو هو ده اللى ماكنتش عامل حسابه :)
تهرشنى كدة من اول مشاركة .. دا احنا ولاد كار واحد يا رجل :)


والله يا زعيم انا نفسى يبقى ليا اصدقاء كتير زيك كدة و طبعا يشرفنا انضمامك للرابطة و تيجى تحضر مقابلات طنطا :)

و يا ريت كل شباب الغربية يتفضلوا

و طبعا مستنى مشاركتك فى موضوع رابطة الكويت ...ههههههه

رد: لو انت من طنطا أو من الغربية عموما .. اتفضل
 

طب انا من اسكندرية وعندى استعداد اروح اى مقابلة كفاية ان المقابلات بتخلى الواحد يتعرف على ناس محترمين زى حضرتك ومستنى ميعاد المقابلة

رد: لو انت من طنطا أو من الغربية عموما .. اتفضل
 

يشرفني اكون اول واحد من طنطا اكون معاك
عمرو ابراهيم
اخصائي علاج طبيعي والتاهيل وعلاج السمنة
منطقة الاستاد
معايا اسكودا كومبي واوبل كورسا
اسوء معرض عربيات دي اقل كلمة تتقال مش عاوز اقول معرض للنصب
اسمة معرض الامين في الاستاد امام معهد توكل صاحبة رئيس شعبة تجارة السيارات بالغربية
اتقرصت منة واحذر من التعامل معاة
وتحت امر اعضاء المنتدي في اي استشارة