مصر موتورز مجتمع السيارات - شكر خاص للباشمهندس يونس (نيسان)

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - شكر خاص للباشمهندس يونس (نيسان) (https://www.masrmotors.com/vb/showthread.php?t=13861)

شكر خاص للباشمهندس يونس (نيسان)

اتصلت بالباشمهندس يونس من كام يوم علشان احجز لعربيه لانسر
و قولت له عاوز اول ميعاد فاضي و انا عارف ان الحجز ممكن يبقي شهر او حاجه
بس انا متعشم فيه انه يقرب الموعد و قالي تعالي يوم الاحد الساعه 8 و نص صباحا
و روحت يوم الاحد و اتلخبط في الطريق و اتصلت بيه الراجل مشكورا قالي علي المكان
و فضل معايا علي التليفون لحد ما وصلت و استقبلني انا و اللي معايا احسن مقابله الصراحه
و في ثواني كانت العربيه اتسلمت للاسقبال و دخلت قسم السمكره علشان شويه ملاحظات كانت فيها
و طلعت الاستراحه انتظر فوق و بعد شويه لقيت الباشمهندس يونس بيكلمني علشان اشوف العربيه
و نزلت شفتها و هيا مرفوعه و اتعمل في العربيه كل حاجه
بصراحه الناس اللي هناك فاهمه شغلها و عارفين بيعملوا ايه.
و بعد ما خلصت العربيه طلع جربها معايا علشان لو فيها اي مشكله
و بصراحه العربيه فرقت كتير بعد الصيانه
و شكرا للباشمهندس يونس مره اخري:)
و شكرا لمصر موتورز اللي عرفني علي الناس المحترمه دي

رد: شكر خاص للباشمهندس يونس (نيسان)

المهندس يونس راجل كريم وشهم وأنت يا حازم تستحق وتستاهل

رد: شكر خاص للباشمهندس يونس (نيسان)

الله يخليك يا بايو باشا
احنا بنتعلم الزوق و الكرم منك

رد: شكر خاص للباشمهندس يونس (نيسان)

مش غريب علي الباشمهندس يونس و مش غريب علي عائلة مصرموتورز

رد: شكر خاص للباشمهندس يونس (نيسان)

دا اكيد طبعا يا باشمهندس احمد
الناس هنا كلهم محترمين جدا