رجاء من ذوي الخبره (فقط ذوي الخبره معلش ) دينامو
 

انا عندي مشكله وهي

سليكونات الدينامو

انا عايز أعرف ايه هي سليكونات الدينامو وفايدتها وهل ممكن اني استبدلها بحاجه الكترونيه مثلا ؟؟؟؟


وهل لازم تكون جوه الدينامو ولا ممكن أوصلها بطريقه معينه من بره؟؟؟

رد: رجاء من ذوي الخبره (فقط ذوي الخبره معلش ) دينامو
 

لازم تعرف أولا أن

الدينامو ماهو إلا مولد للتيار المتغير

وأنت فى سيارتك تحتاج لتيار من النوع الثابت dc current

وهو ده دور سيلكونات الدينامو

تحويل التيار المتغير إلى تيار ثابت

_____________________

والسيلكونات لغه دارجه بين الصنايعيه عن الموحدات للتيار الكهربى

ويطلق على الموحدات فى هندسة الكهرباء بالدايودات

ونظرا لأنها تتكون من مواد تحتوى على عنصر السيلكون أو مركباته

فلذا يطلق عليها السيلكونات باللغه الدارجه

_______________________

وللدينامو يوجد عدد / 9 دايودات ( سيلكونات )

عدد /3 لتوحيد جزء من التيار المستنتج لزوم عملية التغذيه الكهربيه لملفات المجال

عدد /6 لتوحيد التيار الخارج من الدينامو وذاهب لتغذية المستهلكات الكهربيه بسيارتك

أو لشحن البطاريه

_______________________

تركب السيلكونات على قاعدة موحدات فى ظهر الدينامو للقيام بالدور الوظيفى

الموضح من قبل من خلال تقسيمه كهربيه تصميميه معينه

رد: رجاء من ذوي الخبره (فقط ذوي الخبره معلش ) دينامو
 

طيب استفسار صغير يا هندسه


العضو الثابت ولا الدوار هو اللي مسئول عن انتاج المجال ؟؟؟؟؟؟

رد: رجاء من ذوي الخبره (فقط ذوي الخبره معلش ) دينامو
 

المجال هنا مجال دوار على ال rotor

والعضو المستنتج للكهرباء هو العضو الثابت stator

رد: رجاء من ذوي الخبره (فقط ذوي الخبره معلش ) دينامو
 

شكرا جزيلا يا هندس

انا الحمد لله غيرت السليكونايه الي بايظه دي

وقفلت الدينامو وركبته والحمد لله وكلو بقى تمام
:THUMBS~220: