أى مشكله فى العربيه اليابانى خش علطول
يا جماعه, انا عايز اى حد عنده مشكله فى عربيته اليابانى (تجربه شخصيه, مش سمع من حد او قرأ فى المنتديات) و كل واحد يكتب تجربته و نوع العربيه, موديل سنة كام, اشتراها امتى, عامله كام كيلو متر و حل المشكله ازاى و اتكلفت اد ايه؟؟؟ يعنى يحط خلاصه تجربته هنا علشان كل الناس تستفيد بس يا ريت الى يحط تجربته يحطها بحياديه و بدون مبالغه او تهوين و دى امانه و فى تقييم فوق عن مدى رضاه العام عن العربيه, يا ريت تقول رأيك و ليه؟؟ منتظر الإستفاده من خبرات الأعضاء الكرام و شكراً ليكو على التفاعل تم التثبيت بمعرفتي مشرف القسم الياباني: حازم خضر |
رد: أى مشكله فى العربيه اليابانى خش علطول
موضوع رائع ولو الناس تفاعلت حيبقي مرجع لناس كتير جدا في الاعطال و ما شابه ذلك.
حبتدي بنفسي و احكي حاكيه حصلت عليا مع سوزوكي سويفت اللي كانت عندي العربيه كانت ماشيه معايا حلو جدا و مافيش اي مشاكل لحد ما في يوم كان شاق جدا عليها اخدتها من المحله لاسكندريه و من اسكندريه روحت القاهر صحراوي و طول الطريق ماشي 140 او 150 و بعدين من القاهره للمحله تاني يعني 700 كيلو في وقت قليل جداptmnlo123per1106 المهم لما وصلت القاهره و طالع فوق 6 اكتوبر لقيت امبير الحراره فوق و العربيه بتقطع و عملت الموضوع دا فوق اعلي مكان في كوبري 6 اكتوبر!!!!!! و العربيه وقفت و دورتها بصعوبه و سايستها لحد ما نزلت من الكوبري و بفتح غطا الردياتير لقيت العربيه ما فيهاش ولا نقطه ميه و اخدت حوالي 3 او 4 لتر ميه و اتظبطط ابص تحت العربيه مافيش ميه بتنزل و بقيت مستغرب جدا الميه دي راحت فين المهم سلكت الردياتير و برضه كل ما اقطع مشوار طويل تعمل نفس الحكايه و بعدين الصيف دخل و شد و بقيت بشغل التكييف و كل ما اشغله و امشي و اركن في مكان الاقي الميه بتغلي في القربه و بتفور منها و بتنزل اقوم مزود الميه و ماشي بالعربيه بقي موضوع السخونيه دا عامل ليا قلق و بقيت مضطرب لحد ما في مره كوعه ميه اتقطعت من العربيه و كانت مع والدي و هو لا بيقف ولا بيزود ميه ولا بتاع و داخل الشارع و العربيه مدخنهptmnlo123per111 و طبعا الحق يا حازم العربيه حصل لها كذا و كذا و يقوم حازم تاني يوم واخد بعضه و رايح للميكانيكي و عارف اللي حيحصل هناك لقيت العربيه جابت جوان وش سلندر و غيرته و بعد ما غيرته صوت العربيه اختلف تماما بقي خشن وبحس العربيه مش مظبوطه خالصptmnlo123per144 و روحت انضف الردياتير و اغير الكوعه علاوه علي ان البطاريه كانت ضعيفه و سير الدينامو بيقطع سيور باستمرار و كنت قرفان منها قرف لدرجه اني كنت حرميها في الميه علشان ارتاح روحت لبتاع الريداتيرات اسلك الردياتير و لما بحكي له عن الفوران و كده بص علي غطا الريدياتير و قالي المشكله في السيكس بلف بيسمح للميه انها تعدي علي القربه من غير ما تبرد و دا اللي بيسبب الفوران والسخونهptmnlo123per172 و كانت مشكله هايفه و سببها حتت غطا بعشره جنيه كلفتني وقت و مال و تفكير اد كده و الحمد لله حليت المشكله و لكن الموتور خلاص من السخونيه اللي حصلت بقي عاوز عمره و انا كنت قرفت من العربيه و بيعتها علي عيبها و نزلت من تمنها كتير علشان ارضي ضميري و اريح نفسي ودي كانت احدي مشاكلي مع العربيه و الي اللقاء في مشكله اخري:) |
رد: أى مشكله فى العربيه اليابانى خش علطول
الف شكر يا استاذ حازم على عرض التجربه و خبرتك
بس فين التقييم؟؟ |
رد: أى مشكله فى العربيه اليابانى خش علطول
عملت التثبيت و نسيت التقييم
نقيم الموضوع يا سيدي ولا يهمك:) انت تؤمر |
رد: أى مشكله فى العربيه اليابانى خش علطول
اقتباس:
بس هو ليه الموضوع مبيظهرش فى اخر المشاركات؟؟ |
الساعة الآن 02:09 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017