مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- السيارات التجارية (https://www.masrmotors.com/vb/forumdisplay.php?f=215)

- - نص نقل بنزين (https://www.masrmotors.com/vb/showthread.php?t=75478)

نص نقل بنزين

السلام عليكم

يا جماعة انا عاور اعرف عربية تويوتا نص نقل بنزين هي قديمة 1979

عيوب المكنة بنزين ايه يعني استهلاكها اعلي من المكنة سولار

وبالنسبة لحمولتها تفرق ايه عن الجديد اسمع ان الجديد ممكن حمولته توصل

2.5 طن هي معروضة عليا 14000 الف ترخيص سنه

ايه رايكم اجيبها ولا بلاش خصوصا انا محتاجلها احمل عليها في حدود 2 طن

او اقل شويه

وبالنسبة لقطع الغيار فيها مشكلة ولا متوفرة

شكرا

رد: نص نقل بنزين

بص ان شاء الله هحاول اقولك يعنى ايه عيوبها بنزين

يعنى
1:المكنة البنزين بتستهلك بنزين صح كده البنزين بكاااام
ال 80 : ب 90 قرش بس بيبقى ضعيف اوووووى وهتلاقى العربيه ماشية بطة على الطريق
حتى لو ممكن العربيه تتعايش مع بنزين 80 هتلاقى مشكلة هتقبلك وهيا ان اصلا كل فين وفين لما بتلاقى البنزين ال80 ده فى البنزينه ومش على طول تلاقيه يعنى لازم يجى عليك يوم وتفول 90 علشان مفيش 80
ال90 : ب 175 قرش وهيبقى كويس على العربيه بس الوفر الاقتصادى ضاع خالص
يعنى لو متوسط التنك عندك 40 لتر
يعنى هتفوله ب 75 جنية غير فلوس الراجل يبقى قول كل تفويلة مثلا
هتدفعلك بتاع 80 جنية يعنى بمعنى اخر مش جايبه بنزينها اصلا
فاهمنى انا اقصد على ايه
غير بقى انك لازم كل شوية تغير طقم كهربا وبوجيهات ولو المكنة تعبانه ممكن تعرق زيت على البوجيهات وتقرفك اخر قرف

بس بقى تعالى شوف المواتير السولار
السولار سعره رخيص اعتقد 80 قرش على ما اعتقد مش متأكد اوى من السعر ده
غير كده السولار كله نوع واحد يعنى مفيش 90 و 80
وعلى طول موجود فى جميع البنزينات ومعلهوش زحمة
غير كده العزم بتاعه شديد قوى قوى يعنى يشيل معاك حموله زى ما انت عاوز
ده رأئى انا بس متاخدش كلامى كلام مؤكد خلية بس زى معلومه
قد تكون صحيحة وقد تكون خطاء
وان شاء الله الاعضاء هيقولوك على المفيد اكتر ان شاء الله
وربنا معاك ان شاء الله ويوسع رزقك ويرزق بالحلال
ويباركلك فى مالك وصحتك والولادك وزوجتك وذريتك
اخوك فى الله
سيد
و
السلام عليكم ورحمة الله وبركاته

رد: نص نقل بنزين

لتر السولار 1.25 صباح الفل ............

يعنى البنزين 80 ارخص منه بـــ 0.35 قرش ....

رد: نص نقل بنزين

انصحك بلاش منها وخليك فى السولار افضل

رد: نص نقل بنزين

اقتباس:

المشاركة الأصلية كتبت بواسطة hossamdoaaaa (المشاركة 583787)

لتر السولار 1.25 صباح الفل ............

يعنى البنزين 80 ارخص منه بـــ 0.35 قرش ....

ينهار ابيض 1.25 حته واحده ده انا كنت فى غيبوبه