رد: ما هى السيارة الأكثر شعبية بمصر؟
 

شكرا يا سيد بيه:)

رد: ما هى السيارة الأكثر شعبية بمصر؟
 

الفيرنا طبعاااااااااا

رد: ما هى السيارة الأكثر شعبية بمصر؟
 

مقال ممتاز للاستاذ حازم
بس الاكسل كانت غالية اوى كده ايامها
مش فكر تقريبا فى 98 كانت ب 29 الف و التويوتا كرولا ب 48 الف و اللانوس ب 33 الف ده كان ايام وقوع النمور الاسيوية
ياريت تقولنا فى الفترة دى اسعارها كانت كام ( الاكسل ) من بداية نزولها مصر و حتى 98

رد: ما هى السيارة الأكثر شعبية بمصر؟
 

اسملحي اقيم الموضوع من نحاية تانية
اولا معدومي الدخل ودول بيفضلوا 128 عشان رخص ثمنها ولانها ادتهم فرصة يركبوا عربية من اصله ولسه منتشرة علي الاساس ده انتشار واسع جدا وخاصا الشباب لانهم لسه في بداية حياتهم ومعندهمش امكانيات للتقسيط والتقطيع وطبعا علشان صيانتها وقطع غيرها في كل حتة ورخيصة

ثانيا محدودي الدخل ودول بيفضلوا الفرنا 1 واللنوس 2

رد: ما هى السيارة الأكثر شعبية بمصر؟
 

شكرا ليك يا جوود
الاكسيل و السويفت في ذلك الوقت كانوا بيعتبروا ارخص عربيات لسبب بسيط ان اقرب عربيه لهم في السعر كانت الدوجان بجميع الكماليات ب 50 الف و لو عاوزها باور كانت ب 52 الف
و علشان تتشعبط في الياباني بمعني اصح كانت الكورولا ب 80 الف جنيه(اول ما نزلت في 93 كانت ب 75 الف و نظرا للاقبال الشديد وصلت الي 82 الف )
و طبعا فرق ال 30 الف اياميها كان فرق شاسع غير اليومين دول بظرا لانخفاض قيمه العمله .

بالنسبه لسنه 98 و 99 كانت اعوام قاتله للنمور الاسيويه جميعا و انخفاض الين الياباني اجبر التجار علي هبوط اسعارهم
فاصبحت اللانسر ب 52 الف و 55 الف جميع الكماليات
و التويوتا كورولا بنفس السعر و ظهرت دفعه من تويوتا ايجبت بثمن 48 الف جنيه و هذه كانت تعتبر ارخص كورولا تباع في مصر في ذلك الحين(كانت دفعه رايحه باكستان باين او بلد مش فاكرها و حتبقي تاكسيات هناك و نازله من غير كماليا ما عدا التكييف و فشلت الصفقه و العربيات دي جات مصر)
و وصل الحال الي عام 2001 و اصبحت الكورولا و اللانسر زيرو في حدود ال 65 الف جنيه
و بعد عام 2004 بعد تخفيض الجمارك من 100% علي اليارات ما دون ال 1600 سي سي الي 45 % ارتفعت الاسعار لتصل الكورولا و اللانسر الي 110و 120 الف جنيه!!!!!!!!
اما بالنسبه لهيونداي فقد اضطرت الي تخفيض سعر الاكسنت و ذلك للاقبال الشديد علي لانوس من ابو الفتوح التي كانت تباع بكماليات اعتبرها ابو الفتوح اساسيه كالتكييف و الباور و الاكصدامت المطليه بلون السياره و ما الي ذلك مما جعل غبور في موقف لا يحسد عليه و قام بتخفيض اسعار سيارته
و في هذا الوقت كانت الشاهين تباع ب 33 الف جنيه مصري لا غير