ستيب واى اه ولا لا ؟
 

السلام عليكم و رحمه الله
كنت عند الطارق فى كارفور بتفرج و لفت نظرى قوى رينو ستيب واى نبيتى العربيه شكلها من بره تحفه بصراحه و تحس انها تستاهل اكتر بكتير من سعرها ؛ بعد ما شوفت العربيه سئلت فى التوكيل و دفعت 1000 جنيه حجز بسعرها الرسمى 81500 ان شاء الله المفروض الاستلام اخر شهر 12 ده على كلامهم مع العلم ان فى ناس استلمت بعد 4 و5 اشهر سئلت عن الموضوع ده فى التوكيل قالو ان فعلا كان فى مشكله فى الاستيراد و ان شاء الله حتستلم فى ميعادك؛ المشكله بقى بعد ما حجزت العربيه رحت الطارق تانى اتفرج مره تانيه لقيت عربيه فضى بصراحه بعد ما اتفرجت على العربيه حسيت انها فقيره جدااااا و كتير عليها الفلوس دى ؛ دورت كتير على النت على موضيع الستيب واى و اللوجان بما انهم واحد ملقتش حد بيشتكى منهم فى حاجه و العربيه ماشيه كويس و خدمه ما بعد البيع كويسه
المشاكل الى حسيتها لما اتفرجت على العربيه بدقه فى تانى مره
1-درعات النور و الزراير تحس انهم بلاستيك سئ
2-جوده تقفيل الدهان بالنسبه للدواخل و اطراف الابواب و الشنطه مش قد كده
3-لما تيجى تجرب الفتيس و العربيه وقفه تسمع صوت الغيارات بشكل واضح
4-الاكصدام الامامى ضعيف يعنى العربيه لسه فى المعرض وتلاقى الفروقات بتعته مفتوحه
5-مفيش كومبيوتر رحلات
6
المميزات
1-العربيه من بره شكلها تحفه بصراحه و تشدك ليها بالاخص فى لونين هم الاحمر الداكن "النبيتى" والفرانى الفضى بصراحه مشوه العربيه و مبين اصغر عيب فيها
2-فيها اى بي اس
3-جنوط الومنيم حلوه 15
4-روك روف
5-عليه عن الارض بشكل حلو جدا
6-موتور 8 صباب منيول


المشكله بقى انى شوفت العربيه تانى النهارده بس اللون الفرانى بصراحه لون حلو جدا تحس انه اسود او بترولى او فرانى متعرفلوش بس عطى قيمه للعربيه بصراحه فبعد ما كنت حلغى الحجز بداء افكرتانى و دماغى وجعتنى
هل الاستيب واى عربيه تستاهل الفلوس الى حتدفع فيها ولا لا ولا اغير و اجيب لوجان اوتو ارخص 2000 جنيه ولا اجيب صنى الجديده ؟؟؟؟ او حاجه تانيه انا عارف ان فى فرق سعر بس انا مش حشترى عربيه زيزو كل يوم
يا ريت تساعدونى على الاختيار و تقولو لى رائيكم فى العربيه

شكرا مقدما

رد: ستيب واى اه ولا لا ؟
 

وعليكم السلام ورحمة الله
توكل على الله فعلا عربية جميلة أثبتت جدارتها وأنا درست جميع فئات السيارات التى فى السوق سواء الأقل سعرا أو الأعلى سعرا وهى فعلا عربية أحسنهم و تستاهل الفلوس المدفوعة فيها وقطع غيارها نفس اللوجان مع أختلاف الشكل الخارجى طبعا ويوجد فديوهات على الyoutube للعربية هتخليك أنشاء الله تقتنع بيها بجد وبالمناسبة أنا حاجز من الطارق فرع المهندسين لون نبيتى ودعواتك المفروض أنى أستلم الأسبوع دة قبل العيد أنشاء الله وهو عندهم الأستلام بيكون فى خلال أسبوع أو أسبوعان من تاريخ الحجز.
أى أستفسار أنا فى الخدمة أنشاء الله.
بالتوفيق :)))

رد: ستيب واى اه ولا لا ؟
 

بكااام السيارة يا أ/ كريم:Wkiss5:

رد: ستيب واى اه ولا لا ؟
 

لا تشتريها نصيحه لك اشتري الصني احسن و افخم و كماليات اكتر بلا رينوه بلا بتاع دي عربيات اي كلام ماعدا الموديلات الفلوانس و الكليو و الميجان والداستر طبعا

رد: ستيب واى اه ولا لا ؟
 

رينو سانديروا ستيب واى عاملة 83,500 فى الطارق فرع المهندسين أستلام فورى فى خلال أسبوع والOver Price أقل من باقى المعارض.