ممكن مساعده لو سمحتم
 

كنت عاوز اعرف سعر السيراتو فئة EX خليجى
لانى لما جيت احجز فى التوكيل قالولى 3 شهور وانا مش عاوز اجبها بسعر اوفر
فبفكر فى الخليجى
ممكن حد يساعدنى لو سمحتم

رد: ممكن مساعده لو سمحتم
 

بس يا باشا
اكبر مستورد للخليجى هو جابر عبد الشهيد ده ممكن تروحلوا خلف زلط بتاع ميدان روكسى مصر الجديده
وممكن تجيب نمرته من الدليل وتكلموا
علشان ده عنده بتاع 9 مواصفات مختلفه
انا جيبت هاى لاين SX ب 121

رد: ممكن مساعده لو سمحتم
 

معلش نصيحه لك يا أخى الكريم اشتريها توكيل أحسن علشان الضمان .. وعايز أقولك دلوقتى العربيات السيراتو بقت كثير وبتستنى شهر أو شهر ونصف بس

رد: ممكن مساعده لو سمحتم
 

فيه موديل ex 3 خليجى (سعودى) انا اشترتها بالمواصفات دى:

فرامل ABS - تكييف ديجيتال (تتش ) - فتحه سقف - 1 Airbag - طاره جلد مالتى (multifunction) - راديو سى دى mp3 - مدخل I Pod + مدخل يو اس بى + تعليه وتوطيه النور الخارجى من الداخل (تقربه او تبعده) - فرش مخمل -جنط 16 -ريموت كونترول وفتح الشنطه من الريموت - دا طبعا بالاضافه للأساسيات البور طبعا والزجاج الكهرباء والسنتر - والموديل دا بالنسبه للمواصفات السعوديه اسمه EX 3 وبالفعل مكتوب على القايم الشمال طبقا للمواصافات الخليجيه السعوديه (والسعر 110000جنيه)
.ومتخفش من الخليجى وربنا يسترها على الجميع

رد: ممكن مساعده لو سمحتم
 

هو انت لازم تجيبها من الوكيل ذات نفسه
ما تجيبها من اى موزع زى المحمل او اوتو ستار او اوتو جروب او حتى الدوليه دول موزعيين معتمديين وعندهم السيراتو جميع الفئات او حتى من اى معرض زى سمير ريان او المصريه مثلا

ونصيحه جبها وكيل افضل عشان ما اعتقدش ان فى عقل يقول انه ممكن يحط عشرات الالوف فى حاجه مالهاش ضمان ده انت لو اشتريت ولاعه هتاخد عليها ضمان فما بالك لو اشتريت عربيه وبلاش نعتمد على الحظ وأقول ان شاء الله مش هيطلع فى الخليجى حاجه بس افرض بقى طلع . هتعمله فين . بالذات بعد التحذير اللى نزله الوكيل يعنى هاتتضر انك تعمله فى اى حته تانيه وانت ونصيبك

انما فى الوكيل فى خمسين طريقه ترجع بيها حقك عن طريق المفاوضات القضائيه مثلا او حتى عن طريق جهاز حمايه المستهلك المهم حتى لو تماطلوا معاك وانت متأكد انك ليك حق هاتعرف ترجعه

ملحوظه :
الكيا سيراتو وكيل الفئه EX عند سمير ريان ب 108 ألف جنيه مش ب 109
واتصل وانت تعرف ودى تليفوناته
23421540-23421541-23421582