مصر موتورز مجتمع السيارات - ماهي افضل انواع من كسيت وسماعات وجي ام,,,

نصيحة منى عايز افضل خامة و انضف حاجة ملكش دعوة باللى شغال فى مصر و الناس عارفاة و فكراة كويس او هو ممكن يكون كويس بس اقولك على الافضل من وجهة نظرى و التجربة انا طول عمرى احترم بايونير و فاكرة انضف حاجة بس اكتشف ان ال جى بى ال يضربة بستين جز.. بس اسمع صوت الjbl ونقائها فى الصوت العالى و الله لو ركبت عليها املبيفير يديك 75% من قيمة ال rms بتاع السماعة هتبقى روعة يعنى من الاخر
انا بسأل على السماعات ال jbl هنا فى مصر بقالى اربع شهور مستنيها تيجى فى توكيلها المركز اليابانى فى ميدان الحجاز دة توكيل ليها و مش بتيجى و عموما هيا هنا فى مصر غالية يعنى تعملها 500 جنية و حاجة فى حين ان انضف سماعة بايونير متعديش ال 450 جنية و ام 500 جني فى الجى بى ال هيا اقل حاجة بس تساوى اكتر من اعلى حاجة فى البايونير او حتى السونى او الكينود
افهمك لو مش مقتنع بكلامى بس ياريت ميبقاش تقيل عليك هقولك على حاجة باختصار و احسبها بنفسك
السماعة لو عايز تقيسها صح يبقى برقم ال rms بتاعها بيبقى مكتوب على العلبة
ال jbl 100 rms فى حين ان اعلى سماعة بايونير او كينود مثلا بايونير (80 rms ) و كينود (90 rms ) برضة فى حين ان الكينود للبيز افضل والبايونير فى التويتر افضل
لكن تردد ال jbl بيبقى افضل فى الاتنين هقولك على سماعة نضيفة انا عارفها فى الجى بى ال تسال عليها jbl jto 937 لو لاقيتها اشتريها و ادعيلى و هاتلها امبليفاير بايونير مثلا يعطى 75 rms على سماعتين لو انتا ناوى تشترى جوز واحد لو ناوى تشترى جوزين تجيب امبليفاير بيطلع 75*4 rms لو جوز واحد يبقى 75*2 rms
دة بالنسبة للسماعات انضف حاجة
فى الكاسيت الباين و بايونير يفضل بايونير عمرة اطول بكتير و شعبيتة احلى و صوتة افضل فى بعض الطبقات بحاجة بسيطة عن الالباين هات بايونير تاتش كدة و دلع نفسك لو استخدامك خفيف و هتحافظ علية