شركة رويال
 

ايه رأيكوا في شركة رويال
انا هشتري نيسان وفي التوكيل قالولي احنا بنتعما مع شركة رويال واحسنلك لأن لو في اي حاجه اتعملت في التوكيل هوما بيحاسبوا الشركه علطول وانا أريح دماغي
ايه رأيكوا؟

رد: شركة رويال
 

السلام عليكم اختارى احسن من مصر للتامين او قناه السويس للتامين او بيت التامين المصرى السعودى دول افضل شركات الان فى السوق المصرى و لكى حق الاختيار

رد: شركة رويال
 

شكرا لرد حضرتك
المشكله ان توكيل نيسان بيتعامل مع شركة رويال وهيريحني من هاتي ورقه ووادي ورقه عشان يدوني الفلوس ولا ايه رأي حضرتك ؟

ووممكن حضرتك تقولي ايه عيوب شركة رويال ؟؟

رد: شركة رويال
 

شوفى التوكيل مهم بس مش فى كل شىء + انك هاتتكلفى جداا فىالتوكيل ما بين 10 % من الفاتوره + استهلاك يعنى مش هاتستفيدى اوووى من التوكيل

عيوب شركه رويال انها شركه صغيره فى مجال التامين وانتى طلبتى النصيحه و يمكنك تستشيرى الزملا فىالمنتدى عن رويال هيه شركه تؤمن على سيارت منصور الشوفورليه مالهاش اسم فىالحقيقه

لو عاوزه تامين رويال ممكن اخدمك لى زملاء هناك انتى لكى الحريه فى الاختيار لكن انا مستشار تامين و خبره فى مال التامين قلت لكى على افضل الحلول بالاسعار المعقوله و الخدمه التى ترضى عنها

و قناه السويس فيها مركز على مساحه 8000 م مش هاتجيبى ورقه ولا تصورى ورقه تسلمى عربيه و تستلمى عربيه دون اجرااءت ومحاضر شرطه و قطع غيار اصلى و مش هاتدفعى فلوس

فى ناس كتير بتصلح فىالتوكيل اساليهمهل هم راضين على الخدمه

رد: شركة رويال
 

استاذه هبه الف مبروك علي العربيه
و ثانيا شركه رويال انا جربتها في تعويضات سيارات كتير جدا و الحمد لله تعويضاتها كانت كويسه و محترمه و هي فعلا عامله تعاقد مع توكيل نيسان بس الديل ده خاص مابين توكيل نيسان و بين الشركه يعني ديل اداره
لكن لو تبع منتج تامين الديل ده مش حاينتبق عليكي
و ياريت تتاكدي من اكثرمن حاجه و هما :
1- التحمل 10% و لا 250جنيها فقط و لا 10 % + 250 جنيها
2- مين الذي حايقوم بمحاسبه التوكيل هل شركه التامين حاتقوم بحساب التوكيل مباشره و سعاتك حاتدفعي التحملات فقط و لا سعاتك حاتقومي بمحاسبه التوكيل و تستني الشيك من شركه التامين
وياريت تتاكدي من اقرب فرع لشركه رويال ومن الوكيل
و ده طبعا لو السياره كاش و لكن لو السياره تقسيط الكلام حايختلف لان ساعتها حايتحط شرط في الوثيقه انها تصرف التعويضات الكليه و الجزئئه لصالح البنك المستفيد - و بيختلف حسب البنك -
في هذه الحاله ساعتك حاتقومي بمحاسبه التوكيل او مركز الخدمه و حاتستني الشيك من شركه التامين و الشيك بيكون موجود في خلال 15 يوم عمل
ياريت حضرتك بس الاول تعرفينا سيارتك كاش و لا تقسيط ؟؟