مصر موتورز مجتمع السيارات - نظره اولى على عيوب اللوجان الاوتوماتيك

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - نظره اولى على عيوب اللوجان الاوتوماتيك (https://www.masrmotors.com/vb/showthread.php?t=85113)

نظره اولى على عيوب اللوجان الاوتوماتيك

السلام عليكم ورحمه الله وبركاته
طبعا الاعضاء عارفين انى كان معايا لوجان مانيوال 2010 كانت معايا لحد 50000 كيلو وتم بيعها لظروف بعد حوالى سنتين ونصف

انا معايا دلوقتى اللوجان الاوتوماتيك بعد سواقتى للمانيوال فتقييمى هيكون منطقى
الموضوع ده مفتوح لجميع ملاك الاوتوماتيك لو عندك عيب ظهر فى العربيه ياريت تشارك وتذكرها

ارجو القائمين على المنتدى تثبيت الموضوع لاهميته

العيوب التى ظهرت معى بالسياره :w6w2005041122473461

اولا الماتور
------------
-الماتور سحبه ضعيف للغايه وباينه جدا فى العربيه من اول ما رجلك تلمس البنزين
-صوت الماتور عالى ومسموع للغايه فى النقلات لحد ما العربيه تاخد سرعتها وبعد كده بيكون هادئ
-تجميع السرعات بطئ للغايه
مروحه العربيه اقوى من مروحه المانيوال بمعنى لها صوت مسموع و وعند تشغيلها على السرعه القصوى لها بتسمع فى الطاره و العربيه بمعنى بيكون فيه فيبريشن فى العربيه بتحسها فى كل حته بالعربيه (الطاره-الطابلوه-الباب)
-الماتور 110 حصان واما تجرى بالعربيه مش بتحس بيهم نهائى لان انا بقيم الماتور القديم و الماتور الجديد بس بيفرق ان اماتشغل التكييف مش بياثر على سحب العربيه ولكن الماتور بيكون صوته اعلى مسموع

الفتيس والمشكله الكبرى
------------------------
الفتيس مشكله كبرى فيه ناتشه بين الغيارات بالنسبه للعربيه تنقل لسرعه اعلى او تنقل لسرعه اقل بمعنى دقيق وصفه لى مهندسين التوكيل و(على فكره انا رحت لكذا فرع للتوكيل ومش فرع واحد قالى باللفظ )هوه فتيس الرينو كده فبالتالى المشكله دى مش هتتحل نهائى فى العربيه وهوه لخصها من التانى الى الثالث و العكس الثالث الى الثانى فيه ناتشه (وبالصدفه كان فيه واحد بيشتكى من نفس الشكوى الناتشه دى بس مش فى اللوجان كان فى الفلوانس )وقالى احمد ربنا انت مشفتش ناتشه الفلوانس عامل ازاى دى بالنسبالها مش ناتشه وقالى باللفظ تعايش معاها وخد عليها لانها هتكون معاك على طول :CONGRA~238:

التكييف
--------
-مشكله التكييف العربيه بتيجى بشحن زياده وبتبرجل العربيه بس الموضوع ده سهل جدا ان مفيش مشاكل فيه بتروح تظبطه فى التوكيل
- مشكله سخونه الدواسات و الهواء السخن مازال فى العربيه وبتروح تركب عازل فى التوكيل
-التكييف ضعيف بالنسبه للمانيوال بس المانيوال اقوى بس فى المانيوال بياثر على السحب
-فيه هواء سخن بيدخل من فتحات التكييف لسه ماتحلتش فى التوكيل

عيوب تصنيع بالجمله
--------------------
انا عن نفسى تم تغيير الاتى:
- مرايه جانبيه بجوار السائق جايه من بلدها بها عيب داخلى وتم تغييرها فى التوكيلANAA7TG
-دراع المساحات وزرار الكمبيوتر جايه من بلدها بها عيب وتم تغييرها فى التوكيلANAA7TG
-مروحه التبريد جايه من بلدها بها عيب وتم تغييرها فى التوكيلANAA7TG

فى النهايه
--------
-يعنى ادفع 80000 جنيه فى عربيه والمفروض ارضى بالواقع واتعايش مع ناتشه الفتيس زى ما قالى المهندس :shwt:

-يعنى اجيب عربيه زيرو وكل يوم رايح جاى على التوكيل علشان اغير حاجات فيها عيب تصنيعايه ياترى

شهاده حق
--------
شهاده حق ان التوكيل محترم للغايه وخدمه العملاء اكثر من ممتازه وتم تغيير الاشياء من غير ولا ماليم لان العربيه فى الضمان بس الخدمه سوبر بجد من 3 سنين من ايام المانيوال و هما ماتغيروش فى المعامله معايا:Bravo:

واذا ظهر شئ اخر سوف اضيفه ان شاء الله
اسف على الاطاله
وارجو من الاخوه الفتايين :1286B2~161: مايشككوش فى كلامى لان دى تجربه واقعيه ولو عاوزين ارفعلكم اوامر الشغل وتقارير الجوده للعيوب انا مستعد بالتواريخ:fun_36_1_39[1]:

رد: نظره اولى على عيوب اللوجان الاوتوماتيك

يعنى تحس إنهم بيصنعوا العربيات بعيوب

عشان المستخدم مصرى

لاحول ولا قوة إلا بالله

رد: نظره اولى على عيوب اللوجان الاوتوماتيك

تقييم ممتاز وانا لا اشكك في كلامك نهائي لاني حضرت بيعك للمانول ومدي حزنك عليها لما بعتها

بس في نقطة حضرتك موضحتهاش وهي العربية دلوقت عاملة معاك كام كيلو لاني في كثير من الاحيان كنت بلاقي حاجات فعلا مش كويسة في العربية باعتي (مانيول 2010) في الاول لكن مع مرور الوقت كانت العيوب دي بتتحسن لوحدها وكل لمل العربية بتعمل كيلوات اكتر العيب اللي ببقي مضايق منه بيختفي تماما

زي مثلا

السرعة التانية بتاعة المروحة لما كانت بتشتغل مع التكييف كانت فعلا بتبقي مزعحجة وبتهز العربية زي ما حضرتك شارح بس مع مرور الوقت بداءت محسش بيها خالص

وخشونة الماتور بعد 3000RPM اختفي تماما بعد فترة

فلعل وعسى ربنا يكرم برضة ممكن مع مرور الوقت حاجات كتير من اللي عندك ربنا يسهل وتختفي وماتنساش ان كان فيه عضة المارشيدير بتاع المانيوال وكان برضة التوكيل مكانش عنده حل لها وبعد مده لما لقيتهم بيتصلوا بيا وقالولي تعالي لانهم عرفوا العيب منين وصلحوه والحمد لله الموضوع دا اختفي تماما دلوقت بعد ما غيروا مجموعة البريك

ربنا كريم بس انت متحطش الحاجات دي في دماغك كتير عشان ما تتعبش

وتقبل تحياتي

رد: نظره اولى على عيوب اللوجان الاوتوماتيك

اقتباس:

المشاركة الأصلية كتبت بواسطة mhamdy75 (المشاركة 658777)

يعنى تحس إنهم بيصنعوا العربيات بعيوب

عشان المستخدم مصرى

لاحول ولا قوة إلا بالله

ممكن تقول لان المواطن المصرى متواضع بالنسبه لامكانيات السيارات وتعالى بقا احكم جميع اصناف ومركات العربيات بتجلنا فقيره فى التجهيزات لكن دول الخليج مثلا و الدول الاجنبيه تلاقى امكانيات رهيبه بس ده ظروف الاقتصاد المصرى اللى مرخصنا بره وبيجبلنا ازبل حاجه نركبها

رد: نظره اولى على عيوب اللوجان الاوتوماتيك

اقتباس:

المشاركة الأصلية كتبت بواسطة akerima (المشاركة 658780)

تقييم ممتاز وانا لا اشكك في كلامك نهائي لاني حضرت بيعك للمانول ومدي حزنك عليها لما بعتها اشكرك جزيلا

بس في نقطة حضرتك موضحتهاش وهي العربية دلوقت عاملة معاك كام كيلو لاني في كثير من الاحيان كنت بلاقي حاجات فعلا مش كويسة في العربية باعتي (مانيول 2010) في الاول لكن مع مرور الوقت كانت العيوب دي بتتحسن لوحدها وكل لمل العربية بتعمل كيلوات اكتر العيب اللي ببقي مضايق منه بيختفي تماما
العربيه عامله 1500 كيلو وفعلا الناتشه دى كانت عاندى واتصلحت بس الراجل بيقولك كل مواتير الرينو فيها النتشه دى يبقى انت شايف ان فيه مشكله فى الفتيس و المواتير تجبها ترازينا بيها ليه ولا علشان احنا مش بنتكلم طيب المفروض يحترمونا

زي مثلا

السرعة التانية بتاعة المروحة لما كانت بتشتغل مع التكييف كانت فعلا بتبقي مزعحجة وبتهز العربية زي ما حضرتك شارح بس مع مرور الوقت بداءت محسش بيها خالص

وخشونة الماتور بعد 3000RPM اختفي تماما بعد فترة

فلعل وعسى ربنا يكرم برضة ممكن مع مرور الوقت حاجات كتير من اللي عندك ربنا يسهل وتختفي وماتنساش ان كان فيه عضة المارشيدير بتاع المانيوال وكان برضة التوكيل مكانش عنده حل لها وبعد مده لما لقيتهم بيتصلوا بيا وقالولي تعالي لانهم عرفوا العيب منين وصلحوه والحمد لله الموضوع دا اختفي تماما دلوقت بعد ما غيروا مجموعة البريك المشكله دى مكمله معانا وشكلها هتبقى مشكله مش هينه

ربنا كريم بس انت متحطش الحاجات دي في دماغك كتير عشان ما تتعبش
والله انا تعبت بالفعل ونفسيتى قفلت من العربيه وشكلى هبعها ياأما هرجعها التوكيل لانى كل ما اسوقها وتعمل النتشه دى اعصابى بتتعب بحس ان شقا عمرى راح على الارض

وتقبل تحياتي

اشكرك على المرور