مصر موتورز مجتمع السيارات - تغير قطع الغيار بالكياومترات ولا بالفترة الزمنية ؟؟

السؤال ده اكيد محير ناس كتير غيري خاصتاً المعاهم عربيات من فترة صغيرة و لسه بيروحوا التوكيل , و لذلك حبيت اطرحة في المنتدى عشان نستفيد , التوكيل زي ما الكل عارف شارط ان الصيانة يبقى بالكليومترات او كل ستة شهور ايهما اقرب , انا واحد مشاويري قصيرة جدا و مش بعمل الكيلومترات المطلوبة فبروح كل ستة اشهر و المفروض حروح اعمل صيانة السنة و نص تقريبا كده دي صيانة الـ20000 كم و طبعا العربية مش عاملة ربعهم " مش بقولكوا مشاويري قصيرة أووووووووووووووي " المهم سألت ايه الحيحصل قالوا ( تغير زيت , و فلتر زيت و فلتر هواء و طقم بوجيهات ) طبيعي زي اي واحد سألت على التكلفة قالوا حوالي 950 جنيها .
السؤال بقى البوجيهات بتتغير على كام كم او اذاي اعرف انها محتاجة تغير , هل ممكن ارفض اغير حاجة في الصيانة و اطلب بس يتم الكشف على الحاجة دون تغيرها و لو محتاجة تغير ممكن اشتريها من برة و هم يركبوها وهل لازم اغير زيت في التوكيل و لا ممكن بره , هل ضمان العربية ليه اهمية يعني ايه الممكن يحصل و يتم التغير على الضمان ؟؟
و لو عايز اعمل مفتاح بريموت زيادة لازم اروح التوكيل و لا ممكن يتعمل برة مع العلم اني من اسكندرية ؟