مشكلة العجل الخلفى قالب للداخل
 

السيارة إسبرانزا 516 موديل 2008

العجل الخلفى قالب للداخل من أعلى العجله، وده يبقى واضح جدا عند النظر على السيارة من الخلف وعلى بعد 5-10 متر

بدأت أتابع السيارات الأخرى على الطريق والمحور والدائرى

وجدت أن المشكله دى موجوده فى بعض الموديلات مثل الإسبرانزا 516، الريجاتا، سيارة بى إم دبليو حديثه

هل ده طبيعى ولا دى مشكله ممكن تبوظ الفردتين

رد: مشكلة العجل الخلفى قالب للداخل
 

السلام عليكم ورحمة الله وبركاته
أولا كل سنة وحضرتك طيب _ جارى معاه نفس العربية ونفس الحكاية موجودة بس دا مش عيب يا دكتور دى حتى ميزة لانها اما بتميل لجوا كدا بتدى ثبات للعربية اكتر مع السرعة العالية ودليل ان كلامى صح حضرتك بتقول موجودة فى بى ام موديل جديد . ولو تلاحظها دايما تلاقيها فى المرسيدس والألمانى كله . ربنا يباركلك فيها يارب . تحياتى

رد: مشكلة العجل الخلفى قالب للداخل
 

لأ أنا نسيبى معاه مرسيدس زلموكة و عندة العجل قدام و ورا قالب لبره مش لجوه
و لاحظت كل الزلاموكه كده
و لما بيلف الدركسيون بأحس إن العجل معووج, بس ده الأصل بتاعه

بغض النظر فى عربيات ده الطبيعى بتاعها , يكون العجل قالب لبره أو جوه, و لكل قاعدة شواذ.

رد: مشكلة العجل الخلفى قالب للداخل
 

أشكركم إخوتى الأعزاء على مشاركتكم

ولكننى قلقان لأننى شاهدت سيارات من نفس النوع والعجل عدل تمام ولا يوجد به ميل فأيهما أصح

رد: مشكلة العجل الخلفى قالب للداخل
 

لا طبعا الوضع عندك مش مظبوط
فى جلبة مقص داخلية اما انها باظت وعاوزة تتغير
او ان المسمار بتعها وهو لا مركزى عاوز يتربط شوبة عشان يلم فتح العجل ودى بيقوم بيها بتاع الزوايا