الحمد لله وغريبة جدااا
 

فى البداية الحمد لله واخيرا التوكيل كلمنى وقال ان قطعة الغيار جبها رغم ان لى تحفظ على عدم وجود قطعة الغيار بس الحمد لله وفعلا توجهت الى التوكيل عندنا فى الاسكندرية وقاموا بالفعل بتغيير قطعة الغيار
وسئلت المهندس المسئول هناك اية اللى حصل عندى قال ان ماكينة الزجاج ضعفت
الغريب جدااااا
انى لقيت التوكيل عامل اعلانات ولافتات كتير اوى على واجهة التوكيل تخيلوا اللافتات دية على اية .......
اكتشفت انها على اوكتافيا .....
اصل توكيل جاك اخذ حق صيانة ورعاية الاوكتافيتا
يعنى بقى التوكيل ......
شغال فى صيانة كل من
(الجاك طبعا , الجلى , والاكتافيا)
وطبعا هذا بجانب توكيل اوكتافيا الاصلى
شوفتوا .....بالله عليكم بدل ما يركز فى حاجة واحدة وينجح فيها يقعد يهبل
انا قولتها وانا هناك فى التوكيل (صاحب بالين كذاب وصاحب ثلاثة منافق)
مش عارف معنى انة ياخذ رعاية وصيانة الاوكتافيا هل هذا معناه انة توكيل كويس ولا انة موزع كويس فاخذ حق الصيانة
الرد اللى عرفتة على السؤال دة تخيلوا اية ....
انة علشان موزع كويس جداا للاوكتافيا
تخيلوا موزع هورس موتورز وتوكيل للجاك ينجح فى توزيع الاوكتافيا
والله العظيم كلام فارغ وتوكيل بيهذر
وربنا يسامحة اللى اقنعنى اشترى الجاك ..
منة لله .... منة لله
حسبى اللة ونعم الوكيل
مش معنى كلامى دة ان العربية وحشة بس العربية مش حتسوق نفسها بنفسها

رد: الحمد لله وغريبة جدااا
 

ربنا يعينك علي العربيه
انا راكب اسبرانزا
وعندي مبدا في العربيات
اعمل زي الناس
الاسبرانزا الكل بتكلم عليها ما بين مؤيد ومعارض وبيلعن فيها
لكن في الاول والاخير الشارع هو الحكم
ومدي انتشار العربيه
ما هو مش معقول عربيه تعدت ال 60000 مبيعات بكافه انواعها وتكون عربيه فاشله او ان الناس اللي اشترتها اشتروها وهما متخدرين او مش فاهمين في العربيات
ربنا يعينك وتنتشر الجاك علشان ما تتعبش في صيانتها

رد: الحمد لله وغريبة جدااا
 

شكرا لردك الجميل
وربنا يبركلك فى عربيتك ويكفيك شرها
وعايز قولك انى كنت حشترى الاسبرانزا وخلاص بس لدى قريب ربنا يسامحة علشان مشترى الاسبرانزا m11 قالى مينفعش تشتريها ووجعلى دمغاى علشن مشتريهاش
قال اية طلما انا عرفت انة اشترها اولاً فمينفعش اشتريها بعدية
فقلتلة والله منا مشتريها لو هيدونى فلوس عليها .
وحاجات تانية هى اللى خلتنى اشترى الجاك ...
رغم وقتها كانت الاسبرنزا عليها عرض وكانت بـ70000اما الجاك كانت بـ80000
والكلام كان فى شهر 1 قبل الثورة ...

رد: الحمد لله وغريبة جدااا
 

اخى الكريم انا مش هحلف ليك بس انا من ملاك الام 11

وشايف الويل وسواد اليل منها ومن قطع غيارها اللى مش موجوده

فياخى كل العربيات الجديده قطع غيارها مش بتاجدها بسهوله

وطالما هما تم توفير قطعه الغيار ليك ده كويس توحه

علاشان يجبه ليا بيض المقصات الاماميه وفرهم بعد 6 شهور

وانا عايز اقول ليك على حاجه لما تروح تعمل اى صيانه وعندك

اى مشكله وتجد انهم هيستهبله استخدم معاهم سياسه الصوت العالى وخش شمال فيهم على طول

انا واخد حقى من ابوالفتوح كده عفيه وقله ادب معاهم

وموريهم الويل وفيه ناس تانيه هما اللى مورينهم الويل

وانا هقول ليك على حاجه الجاك عربيه محترمه جدا

وليس فيها عيب الا التوكيل فقط ولو عملت مقارنه بينه وبين توحه

هتجد انه يكسب توحه وانا لو رجع الزمن ولله كنت اشتريت يا الجاك يا الانجلون

ولله احسن من عربيات توحه ميت مره

ولو حضرتك رحت حمايه المستهلك هتجد ان اكبر نسبه شكاوى

عربيات هتجد عربيات ابو الفتوح وخده المركز الاول بجداره

فانتا ياخى افرح بعربيتك وربنا يبارك لك فيها ويديك خيرها

ويكفيك شرها مكينه الزجاج مش عيب عربيه ولا يعيب عربيه

لو عايز تتفرج على العيوب روح شوف فى توكيلات توحه وانا هتحمد ربنا على الجاك

وفى النهايه انا بقول ليك افرح بعربيتك وتمتع بيها

انتا راكب عربيه محترمه جدا ويكفى ان نسبه المشاكل فيها

جنب العربيات التانيه تعتبر صفر على الشمال

انا كنت كرهت عربيتى ولله لما حبتها رغب المشاكل اللى عندى

انا اصبحت فرحان بيها على الرغم انى غيرت لسه طرمبه المياه 3 مرات فى شهر يعنى توحه بيجيب لينا قطع غيار ازبل من الزباله افرح بعربيتك

وانا اسف انى طولت عليكم

رد: الحمد لله وغريبة جدااا
 

شكرا على ردك يا استاذ عماد
عموما وارد جدا ان اى عربية يبقى فيها مشاكل والحمد الله العربية ليس بها مشاكل حتى الان
الا مشكلة ان التوكيل مبيعملش دعايا ومبيوزعش العربية بالشكل المطلوب ودى مشكلة كبيرة
ربنا يهديهم بس ويقدروا العربية الى معاهم