مصر موتورز مجتمع السيارات - تجربه تغيير الطنابير الخلفيه للنوبيرا الى سكاكين

الموضوع ده تعبني لحد ما تم و جربته و شغال 10/10 و العربيه اداء الفرامل بتاعها اتغير تماما
نبدأ:
اشتريت جوز طنابير خلفي نوبيرا 2000 cc بالكلابلات الهاند بتاعتهم و روحت لميكانيكي جنب منطقه الاستيراد بحيث لو حبيت اغير او اشتلري حاجه مدوخش دخلت عليه قولتيلوه حنعمل حوار كذا قالي مش حنفع طبعا و ارررررغي ياعم في ناس عملاها قبلي قالي مش حينفع
قولتيلوه طب اشتغل و مالكش دعوه انا مسئول
المهم كنت عنده الجمعه من بعد الصلاه لحد 11.30 بالليل و محلش حاجه لان كان في عربيات قبلي وانا قولتيلوه حصبر و حقعد روحت تاني يوم السبت من 2 بعد الضهر طبعا اتكسف على دمه و بدأ يفك وانا في اليوم اللي قابله و انا قاعد احضر له الحاجه قالي عايزين خرطوم مكان اللي حيخلع روحت ادور لما دوخت وفي الاخر جبت بتاع نوبيرا امامي و بعديها احتجنا مسمار عشان اللاكور يربطه في الطنبوره دوخت عليه و في الاخر روحت جبته من من اللي عطاني الطنابير
الراجل فك الجنب و خلع الماسوره بالخرطوم القديمه و خلع ويرات الهاند الكلام ده في العجلتين و بدأ التركيب ركب الطنابير و ربط الخرطوم الجديد اللاكور في الطنبوره و الصاموله في ماسوره الزيت اللي عند المساعد فوق وسحب الويارات خصوص الهاند في الجنبين لحد مدخل الهاند بريك و ركبهم بس ابن ....... شق موكيت الارضيه عند النص عشان يسحب الوايرات
خلاص خلص لقينا لما بيلف العجل صوت حك و الفرامل مش تمام ( الهاند بريك ) فتح قلب الطنابير و عمل رجلاش لفرامل الهاند من جوه الطنبوره و من عند الهاند و خليته ينزل الزيت على الارض و غيرت الزيت بنوع الماني و سحب الهوا من الاربع عجلات
قولتله يفتح السرر ونبوص على الرومبيل ( بلغتهم ) طبعا على مضض فتح لقيت الرومان بيلي فاضي من الشحم بيبرووووووق طبعا اديته شحم ابرو من عندي وقولتله لغوص براحتك
المهم خلصنا وربكنا وكله تمام
و اخره الليله قولت اسأل على رشاشات البي ام و روحت للراجل و قولتله عايز كذا كذا و قالي عندي ورايح يجبهم ولسه بقول ( عشان اركبهم في نوبيرا ) راح لافف و قالي مببعش والله اممممم ليه طيب .... كده يا استاذ.... مشيت وانا الكلمه حرقاني اوي رجعتله تاني وقولتله انت بتقولي ليه كده هوا زبون البي ام بيدفع والدايو بيبحلق يعني قالي انت حتجرب و حتوجع دماغي انا مببعش انا كنت على اخري و مصدقت الاقي حد اطلع عليه قرف اليومين دول بس في الاخر قولت كبر دماغك وسألت عليهم بره و سعرهم 200 جنيه بالمسطره اربع رشاشات

صوره الطنابير
http://im44.gulfup.com/JWYGXe.jpg

صوره الخرطوم اللي اشتريته
http://im44.gulfup.com/Xq3Dpm.jpg

صوره المسمار اللي بيركب في لاكور الخركوم و الطنبوره
http://im44.gulfup.com/J7rEfE.jpg

صوره الخرطوم و الماسوره القديم اللي حتخلعهم
http://im44.gulfup.com/5NWDHV.jpg

صوره تانيه
http://im44.gulfup.com/rdWKc4.jpg

صوره الطنبوره القديمه و الخرطوم القديم و مكان تركيب الجديد
http://im44.gulfup.com/YBdaAP.jpg

صوره يد الهند بريك و مكان تركيب الويرات ( و مجزره الموكيت )
http://im44.gulfup.com/zEUcnB.jpg

صوره نهائيه بعد التركيب و التقفيل
http://im44.gulfup.com/YCGZew.jpg

الاسعار:
1-جانبين نوبيرا 2000 cc بكابلات الهاند بريك 400 جنيه
2-خرطومين فرامل امامي نوبيرا 80 جنيه
3- علبيه زيت فرامل كبيره الماني 30
4- مصنعيه جنابه 200 جنيه للورشه و 50 للي اشتغل بايده

التأكيدات و التحزيرات:
1- الطنابير يجوا بكبلات الهاند عشان لو مش موجودين فيها حادوخ عليها لان الفابريكه اطول من اللي حتركبه
2-مسمار اللاكور ( المسمار مخروم من الجنب و من عند سنه ) اللي في طهر الطنبوره تتأكد انه موجود ان شالله من غير الخرطوم طوز المهم المسمارين دول و تتأكد انهم نفس مقاس القلاوظ
3-بعد ماتركب افتح سرر الطنبورتين و بص على الرومان بلي و الشحم
4-صنفر الطنابير و الاتيال من جوه وبره ( تيل الهاند بريك في قلب الطنبوره وتيل الفرامل اللي من بره )
5- بيبقى فيه رجلاش للهاند بريك من عندها و من عند الاتيال نفسها ابدأ من اللي جوه التيل و خلي وانت بتركب ويرات الهاند ترخي الرجلاش بتاعد يد الفرامل على قد ماتقدر عشان تسيب لنفسك في المستقبل براح ترجلش منه
6- التيل بقه لما احب اغيره حجيب تيل ليجانزا خلفي

الانطباعات:
1- الفرامل بقيت افضل من الاول على الاقل لو مفيش تحسن انا غيرت الطنابير و خليتها منظرها احسن لان القدام كانوا مدمرين تيل و طنبوره
2-دواسه الفرامل عليت لحد النص يعني الاول كانت بتوصل لحد الاخر خالص دلوقتي مشورها قصر النص
3- الهاند لو رافعها العربيه بتعاني كتيييير في الطلعه وهيا مرفوعه ولكن لو رفعتها و هيا ماشيه العربيه بتهدي و خفيف اوي
4- لو كبست الفرامل جامد اوي العربيه العجلتين اللي قدام بيزحفوا و اللي ورا بيلفوا و مش عارف انهوا اصح كده ولا الاربعه يقفشوا و يقفوا
4- الشكل تحففففففففففه طبعا
اللي عايز حاجه يسأل انا بعد اللف ده و الوقفه على ايد لولا الميكانيكي ( اسمه لولا اه ) انا ممكن اعملها تاني بايدي