|
شوية اسئلة بخصوص السيراتو 2012
ملاحظة : الاسئلة موجهة فقط موجهة لملاك السيراتو وليس ملاك اي سيارة اخرى
اجب عن الاسئلة الاتية: جميع الاسئلة اجبارية س1/ هل السيراتو واطية وبتحك في المطبات ؟؟ س2/ هل عفشة السيراتو ناشفة ؟؟ س3/ لو عايز اجيب العربية اجيبها جنط 16 ولا 17 ولا جنط عادي؟؟ س4/ هل فرامل السيراتو قوية ؟؟ س5/ هل اسعار قطع غيارها غالية ولا معقولة (جوه التوكيل طبعا) ؟؟ س6/ هل الخامات الداخلية للسيراتو سيئة ولا كويسة؟؟ س7/ هل عداد السيراتو ممكن يتقفل ولا صعب ؟؟ س8/ هل السيراتو موفرة في البنزين ولا ايه؟؟ س9/ هل العربية ثابتة على السرعات العالية؟؟ س10/ ما هي الاعطال التي واجهتك مع السيراتو؟؟ س11/ هل سحب العربية قوي ولا ضعيف ؟؟ س12/ ما هي العيوب والمميزات التي لاحظتها في السيراتو؟؟ وفي سؤال مهم اوييي انزل تحت ايه اسم الدلع للسيراتو علشان انا مش لاقيلها اسم دلع ؟؟؟ |
رد: شوية اسئلة بخصوص السيراتو 2012
ماهى زى الوزه واقفه قودامك تبقى وزه انا مسمى بتاعتى الوزه
المهم الجنط ال15 مريحنى اوى اصحابى بيشتكون من الجنوط الاكبر فقررت اشترى ال15 الداخلى فبر البنزين بتاكل فى وسط البلد فى السفر هايله جدا من غير تكيف فى السحب حلوه مع الفتيس الجديد العربيه مش واطيه بالمره واسعار قطع الغيار معقوله زى الهونديات فلتر الزيت 20 جنية انا بشترى الاصلى فى كل حاجه ابقى ادخل على قسم السيراتو فى المنتدى هتلاقى كتير من المشاركات هتعجبك وهتستفيد جدا وانت بتشترى بس خلى بالك وانت بتشترى:36_13_6[1]: |
رد: شوية اسئلة بخصوص السيراتو 2012
س1/ هل السيراتو واطية وبتحك في المطبات ؟؟ لأ . بس لو معاك ناس كتير ورا ممكن س2/ هل عفشة السيراتو ناشفة ؟؟ في الجنط 17 ً بس س3/ لو عايز اجيب العربية اجيبها جنط 16 ولا 17 ولا جنط عادي؟؟ هي معايا بالجنط 16 ً بس طبعا الجنط 15 ً العادي افضل للعفشة س4/ هل فرامل السيراتو قوية ؟؟ معقوله و مش وحشه و تعتبر احسن من عربيات كتير بس فرامل الكروز افضل كتير س5/ هل اسعار قطع غيارها غالية ولا معقولة (جوه التوكيل طبعا) ؟؟ اي قطع غيار في اي عربية غالية جوه الوكيل و تعتبر اسعارها كويسه برضوا س6/ هل الخامات الداخلية للسيراتو سيئة ولا كويسة؟؟ الخامات كويسة جدا كمان س7/ هل عداد السيراتو ممكن يتقفل ولا صعب ؟؟ بصراحه ما جربتش بس مافيش حاجه صعبه علي المصريين س8/ هل السيراتو موفرة في البنزين ولا ايه؟؟ موفره في البنزين و لكن الالنترا القديمة موفره عنها كمان س9/ هل العربية ثابتة على السرعات العالية؟؟ فعلا و ده لان بورها بيتقفل بعد ال 120 و بصراحه انا مش من هوات الجري بعد كده س10/ ما هي الاعطال التي واجهتك مع السيراتو؟؟ لغاية الوقتي مافيش الحمد لله (بقالها سنة و نص معايا) س11/ هل سحب العربية قوي ولا ضعيف ؟؟ سحب العربية جميل جدا و اقوى من الكروز كتير و لكن الالنترا الجديده بتتفوق عليه الوقتي س12/ ما هي العيوب والمميزات التي لاحظتها في السيراتو؟؟ مميزاتها :- - مافيهاش السوك كتير زي الالنترا القديمة و الجديده - شكلها جميل جدا و عاجبني عن الالنترا القديمة - كماليتها كتير و ممتعه - فرشها و صالونها من الداخل روعه عيوبها : (سمعتها وحشه في مصر) :- - بسبب جنطها 17 ً و العفشة بتعتها - كثرة السرقة ليها بالذات مع زر البصمة في اعلى فئه س13/ايه اسم الدلع للسيراتو علشان انا مش لاقيلها اسم دلع ؟؟؟ ممكن تسميها سوسو زي ما انا مسميها ههههه و لخلاصة الكلام : السيراتو في اعلى فئه ليها فقط فشله (بسبب عفشتها و سمعتها) و ناجحه جدا لجميع فئتها الباقيه في جنوطهم ال 16 ً و ال 15 ً |
رد: شوية اسئلة بخصوص السيراتو 2012
إيه احسن فئه في السيراتو وايه مواصفات جميع الفئات واسعارها والنصيحه هي احسن ولا الالنترا الجديده
|
رد: شوية اسئلة بخصوص السيراتو 2012
اقتباس:
1/ العفشة ناشفة بسبب الجنط 17 وحل الحكاية دي انك تركب جنط 16 او 15 من التوكيل 2/ العربية بتتسرق بسهولة في البصمة بس فانتا ابعد عن الفئة اللي فيها البصمة دي وعلى فكرة السيراتو الجديدة 2013 هتنزل كمان شهرين فانا رايي انك تلحق تجيب السيراتو الحالية لان الجديدة شكلها وحش اوي ومش هتعجبك وعلى فكرة مفيش عربية احسن من السيراتو في الفئة دي اللانسر البومة مفيهاش كماليات زي اللي في السيراتو الالنترا الجديدة واطية وبتحك في المطبات الكورولا (الياباني بوري) ووحشة الكروز مش حلوة ومش عجباني ومش منتشرة زي السيراتو نصحتي ليك خليك في السيراتو واوعه تسمع كلام واحد يقولك متجبش السيراتو اصلها فيها وعليها والكلام دا وهوا عمرو ما شاف كاوتش السيراتو اصلا السيراتوووو وبس وتقبل تحياتي واتصل على 19542 هيفدوك جدا |
| الساعة الآن 07:18 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017