سبير كار وتعاملى معه من حوالى عشرون سنة
 

أتعامل مع سبير كار منذ حوالى عشرون عاما فقد قمت أنابخلاف أصدقائى بتركيب عدد لا يقل عن 15
سيارة خلال هذة الفترة وأتذكر انى ركبت فرش لسيارة سيات بمبلغ 15 ج وكان جميل جدا ومنذ حوالى سنة قمت بتركيب فرش لسيارتى الماتريكس وهو فرش جميل جدا وأحلى من فرش الفابريقة
وخلال هذة السنوات كنت أذهب دائما إلى فرع السيدة زينب وأمس قررت لأول مره الذهاب إلى فرع
وسط البلد لتركيب فرش لسيارة زوجتى ونوعها ماروتى 2010 وهذة السيارة أحترمها جدا منذ زمن
لأنى كان عندى ماروتى من1999 حتى عام 2003 ولاحظت أن المحل عبارة عن خلية نحل وكان
قاعد على مكتب جانبى شخصية أعتقد أنه صاحب الشركة ولاحظت عليه الصرامة والبشاشه وقوة
الشخصية وعرفت بخبرتى لماذا نجحت هذة الشركة فلا يوجد خداع ولا تباطؤ والكل يجرى ويؤدى
عمله بجد وعندما أخبرت مندوب البيع بنوع السيارة حسيت أن سيارتى مرسيدس آخر موديل وعندما
بدأ التركيب وجدت حوالى 5 عمال أكفاء يعملون فى التركيب وكانوا عاملين زى الكونسولتو وكان
زمن التفصيل والتركيب لا يزيد عن ساعة دخلت المحل الساعة 5.3 وكنت راكب السيارة 6.5 بدون
مبالغة وحبيت أنقل لكم هذة التجربة لأبدى مدى سعادتى بهذه الشركة الناجحة وياريت يوجد فى بلدنا
الغاليه مثل هذة الأنماط المشرفة .

رد: سبير كار وتعاملى معه من حوالى عشرون سنة
 

اهلا بحضرتك معانا يا استاذ ايمن وفعلا الناس في اسبير كار اخر احترام انا اول تعارف ليا عليهم كان في افتتاح فرع التجمع وهما ناس قمة في الادب والاحترام ومفيش حاجه تسئل عليها الا وتلاقي رد وبمنتهي الادب والاحترام

رد: سبير كار وتعاملى معه من حوالى عشرون سنة
 

أشكر سيادتكم على الترحيب بى ولكن الغرض الأساسى من عرض هذا الموضوع أمنيتى أن تتبع توكيلات السيارات فى مصر مثل هذة المنظومة الإدارية فى العمل وحتى نفرح بها ولا
نحلم بمتى تنتهى فترة الضمان للسيارات الجديدة
التى أصبحت كابوسا .

رد: سبير كار وتعاملى معه من حوالى عشرون سنة
 

وانا متفق مع حضرتك يا استاذ ايمن ونفسي ومني عيني فعلا ان التوكيل يراعي ضميرة شوية ويخاف ربنا

رد: سبير كار وتعاملى معه من حوالى عشرون سنة
 

اهلا و سهلا بحضرتك يا استاذ ايمن في مصر موتورز
سبير كار فعلا نموذج مشرف في التعامل و عدم الجشع و الاعتدال في الاسعار
ولو كان معاك كارت العضويه من مصر موتورز كان زمان اخدت خصم كويس علي الفرش اللي حضرتك ركبته