مصر موتورز مجتمع السيارات - نصيحة لوجه الله حتى لايقع احد فى موقفى ومايعرفش يبيع عربيته كل التجار ترفض الشراء

مصر موتورز مجتمع السيارات (https://www.masrmotors.com/vb/index.php)

- جيتا JETTA (https://www.masrmotors.com/vb/forumdisplay.php?f=207)

نصيحة لوجه الله حتى لايقع احد فى موقفى ومايعرفش يبيع عربيته كل التجار ترفض الشراء

نصيحة لوجه الله لوهتشترى عربيه الفتيس dsg ,والماتور tsi ابعد عنها لان السوق كله مسمع فيه العيوب المتكررة لهذا الفتيس

انا عرضت عربيتى جيتا 2009 الفتيس dsg ,والماتور tsi عند عدد من المعارض والتجار لااستطيع عدده الكل يقول ماناخدش الماكنه 1400 لانها بتعيب فتيس
لدرجة انى ذهبت لمحافظات تانيه الى يقول اشتريها ب100 الف والى يقول علشان خاطر انك جاى من محافظة تانية اشتريها ب110 الف

طيب ياجماعة انا شاريها من سنه ب 178 الف يقولولى انت الغلطان انك ماسألتش قبل ماتشترى
وانا عن نفسى فتيسى غيرت عقله مرة ب 19000 جنيه والان بدأت احس تانى ان الفتيس هيعيب ومش عارف اعمل ايه

يعنى دلوقتى العربيه بعد سنه اصبحت بنص سعرها
حسبى الله ونعم الوكيل منه لله الى عامل الفتيس ده مع هذه الماكنة

رد: نصيحة لوجه الله حتى لايقع احد فى موقفى ومايعرفش يبيع عربيته كل التجار ترفض الشراء

معلش اصبر ربنا يوفقك لبيعها باللى يرضيك ان شاء الله

رد: نصيحة لوجه الله حتى لايقع احد فى موقفى ومايعرفش يبيع عربيته كل التجار ترفض الشراء

أصبر و ربنا معاك
ما تحاول تبعت ايميل لشركة فولكس فاجن في ألمانيا
و تقول المشكلة بتاعتك و أن شاء الله تلاقي ما يرضيك
حتي تكتب ألي أنت عايزة بالعربي و ترجمة بالألماني علي جوجل
و الناس دي محترمة جدا جدا و يهمهم سمعة عربياتهم جدا

رد: نصيحة لوجه الله حتى لايقع احد فى موقفى ومايعرفش يبيع عربيته كل التجار ترفض الشراء

اقتباس:

المشاركة الأصلية كتبت بواسطة tareksh (المشاركة 324686)

طيب هو فين الضمان بتاع عربيتك؟؟

رد: نصيحة لوجه الله حتى لايقع احد فى موقفى ومايعرفش يبيع عربيته كل التجار ترفض الشراء

هو السيستم ده مزعج جدا كان عندي شبيهه في الألفا روميو156 ومع أني كنت حاطط مخي وبظبطها بنفسي بس بصراحة نصيحتي ياالواحد ياخد مانيوال يا أوتوماتيك صرف الأنظمة دي عايزة سوبر كارز مش عربيات صالون عادية
قولي أيه مشكلتك وأن شاء الله ممكن نفكر سوي في حل ليها............تحياتي