مصر موتورز مجتمع السيارات - استفسارات فى التامين 2012

مصر موتورز مجتمع السيارات (https://www.masrmotors.com/vb/index.php)

- عالم تأمين السيارات (https://www.masrmotors.com/vb/forumdisplay.php?f=61)

- - استفسارات فى التامين 2012 (https://www.masrmotors.com/vb/showthread.php?t=81489)

استفسارات فى التامين 2012

استفسار عن اجراءات الإصلاح فى التوكيل
السلام عليكم - عندى عربية رينو لوجان 2011 - و عامل وثيقة تأمين شامل فى شركة مصر للتأمين - و النهاردة ميكروباص من بتوع الجمعيات خبطنى فى الرفرف اليمن الأمامى - و الحمد لله بسيطة و الحمد لله لأنى امنت على العربية اول ما جبتها علشان لا قدر الله لو حصلت حادثة وكمان موضوع السرقات المنتشر الأيام دى - المهم الرفرف محتاج سمكرة ودوكو - عندى استفسارين 1- ما هى اجراءات الأصلاح فى التوكيل و ازاى هاخد الموافقة و استرد فلوسى و المعاينات و كل التفاصيل 2- هل استخدام الوثيقة فى العام الحالى سوف يؤدى لرفع القسط عند التجديد فى العام القادم و اذا كان سداد تعويض عن حادث يؤدى الى رفع القسط عند التجديد فما هى كيفية حسابها .... و شكراً

رد: استفسار عن اجراءات الإصلاح فى التوكيل

اقتباس:

المشاركة الأصلية كتبت بواسطة ABCABCABC (المشاركة 590487)

السلام عليكم - عندى عربية رينو لوجان 2011 - و عامل وثيقة تأمين شامل فى شركة مصر للتأمين - و النهاردة ميكروباص من بتوع الجمعيات خبطنى فى الرفرف اليمن الأمامى - و الحمد لله بسيطة و الحمد لله لأنى امنت على العربية اول ما جبتها علشان لا قدر الله لو حصلت حادثة وكمان موضوع السرقات المنتشر الأيام دى - المهم الرفرف محتاج سمكرة ودوكو - عندى استفسارين 1- ما هى اجراءات الأصلاح فى التوكيل و ازاى هاخد الموافقة و استرد فلوسى و المعاينات و كل التفاصيل 2- هل استخدام الوثيقة فى العام الحالى سوف يؤدى لرفع القسط عند التجديد فى العام القادم و اذا كان سداد تعويض عن حادث يؤدى الى رفع القسط عند التجديد فما هى كيفية حسابها .... و شكراً

السلام عليكم حمد لله على السلامه
1- اجراءات التصليح فى التوكيل تروح التوكيل و تعمل مقايسه اصلاح للعربيه - تروح الشركه و تاخد صوره من رخصه القياده الشخصيه و تكون ساريه و صوره من رخصه السياره + صورة من البطاقه الشخصيه
تروح الشركه تعاين و تسلمهم صور الرخص + مقايسه الاصلاح تشوف الشركه هاتعتمد ايه من معاينه الشركه تبقى معاك
بعد ما تعتمد المقايسه تروح التوكيل تصلح و تدفع الفاتوره و ترجع على الشركه يطلعلك شيك ناقص منه 10% اصلاح توكيل اساسى يعنى لو 1000 تاخد 900

2- الاستفسار الثانى لو بسيطه و هتاتكلفك 200 جنيه مثلا اعملها على حسابك و مش لازم التوكيل مش هاتفرق
السبب :::
مش هاتاخد خصم عدم مطالبه السنه الجايه و هايكون الخصم مش اقل من 500 جنيه

حسابها بقى مثلا لو انت دافع فى القسط 2000 جنيه و عملت تعويض 500 جنيه يعنى انت عامل خساره 25%

اى استفسار تحت امرك

رد: استفسار عن اجراءات الإصلاح فى التوكيل

اقتباس:

المشاركة الأصلية كتبت بواسطة تامين سيارات (المشاركة 590628)

متشكر يا استاذ / عمرو على التوضيح الوافى - و ربنا يوفقك

حد يعرف حاجه عن مركز الصيانة الخاص بقناة السويس للتأمين

يا جماعه انا مأمن في قناة السويس للتأمين ودلوقتي في كام خبطه عندي في الصاج عايز اعملها في التأمين وارش العربية بالمره

فهل المركز اللي في ابورواش التابع لتأمين قناة السويس موثوق فيه لاني خايف يتعمل شغل تعبان في العربية بس الميزة اني مش هدفع المبلغ لان الشركة هيه اللي هتدفعه

لكن لو عملتها في غبور هسدد انا المبلغ بالكامل واجري بقا يعم ورا التأمين لحد ما يصرفولي الشيك

فياريت لو حد يقدر يفدني في الموضوع ده يبقي جزاه الله كل خير

رد: حد يعرف حاجه عن مركز الصيانة الخاص بقناة السويس للتأمين

السلام عليكم المركز محترم و كبير مش صغير ومجهز باحدث الاجهزه فى عالم صيانه السيارات معتمد كيا على مساحه 8000م