مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   عالم تأمين السيارات (https://www.masrmotors.com/vb/forumdisplay.php?f=61)
-   -   تجربتى مع مصر للتامين (https://www.masrmotors.com/vb/showthread.php?t=117645)

whmada 21-08-2013 08:11 PM

تجربتى مع مصر للتامين
 
انا مأمن على عربيتى شفرولية لانوس مع مصر للتامين من سنة وانتهت الوثيقة احب احيكلكم تجربتى
أولا شوفت اعلان على المنتدى لمنتج وثائق بشركة مصر للتأمين وهى ايمان زكريا وتواصلت معاها
وعملت الوثيقة وبعدها خلصت المصلحة خلاص اتصلت بيها اولا عندما حصلت حادثة لعربتى وكسر زجاجها
يوم الخميس بالليل واكثر من اربع ساعات اتصال ورسائل عشان اعرف اعمل ايه خاصة والنهاردة الخميس والجمعة اجازة والسبت اجازة ومش معقولة هسيب عربيتى بعد ماانكسر زجاجها وكانت هتتسرق لولا ستر ربنا
وطبعا لا رد فى النهاية فى الاخر روحت غيرت الزجاج على حسابى
وقبل نهاية السنة حبيت اعمل اخطار حادث للعربية لوجود خبطات بالعربية والفانوس وكنت هادخل فحص عشان التجديد فقلت ادخلها التأمين واحاول اتصل بأيمان زكريا للاستفسار عن الاجرأت التى تتم ولم ترد على لمدة اسبوع
واخيرا ردت بعد مادخلت العربية وصلحت وقالتى ابقى جيبلى الفواتير بعد ماتصلح فى الشركة واتخبطت فى دماغى وقلت ممكن تساعدنى فى اجراءت الشيك واستفسار عن سعر الوثيقة للعام وبالمرة اديها الفواتير وكل سنة وانت طيب ولاكأنها من مصر طيب مش مشكلة دخلت الفواتير واجراءات الروتينية ولاكانك فى مصلحة حكومية من الخمسينات تاريخ الاصلاح 25 يوليو ماعلينا وقعدت اسبوع والتانى والتالت واحاول اتصل بيها عشان اعرف الشيك خلص ولالأ لكن طبعا لاحياة لمن تنادى وللآن لم اخذ الشيك وبمحاولة الاتصال بيها لاجدوىوبغض النظر عن تأخرالتعويض مشكلتنا فى مصر ان احنا بنفكر فى البيعة نبيعها وبس
وديه كانت قصتى مع مصر للتأمين ومنتجتها ايمان زكريا

sara hassan 22-08-2013 12:57 PM

رد: تجربتى مع مصر للتامين
 
شركات التأمين فلست وخلاص بقت بتهش

whmada 24-09-2013 06:43 PM

رد: تجربتى مع مصر للتامين
 
والله نصيحة لوجه الله لا اريد بها غير الحق ابعدو عن شركة مصر للتأمين

dozo012 06-10-2013 06:29 AM

رد: تجربتى مع مصر للتامين
 
احمد ربنا انت خدت حاجه انا مأمن مع شركة وسخه اسمها اسكان مرضيوش يصرفولى ولا جنيه لما عملت حادثة و ملقتش حد اكلمه اصلا و اعدو يشقطونى لبعض و بعد انتهاء السنه بيتصلوا بيا قال ايه لتجديد الوثيقة شوفت فجر اكتر من كدا بصراحه اتعصبت على الى اتصلت و قلتلها متتصليش بيا تانى يا شركة نصابة و من يومها الرخصة انتهت و انا مجددتش لا الرخصة ولا الوثيقة و مش عارف اعمل ايه بدفع الاقساط فى البنك و خلاص ياريت الافادة باحسن شركة للتأمين و نصيحة هل اعمل التامين بتحمل ولا بدون تحمل و هل يجوز تقسيط مبلغ التأمين ولا لازم يدفع مرة واحدة ياريت لو عندك معلومات تفيدنى

whmada 07-10-2013 09:08 PM

رد: تجربتى مع مصر للتامين
 
قناة السويس انا كنت امنت معاها سنتين وسبتها وروحت لمصر للتأمين عشان النسبة اقل من قناة السويس
بس بعد اللى انا شوفته واللى حكيت عشره فقط كنت واخد قرار بالتغيير لقناة السويس تانى هما افضل بكتير
شركة كبيرة ولولا قدر الله حصل حادثة لحد عشرة الاف بدون محضر
وهتعمل الوثيقة معاهم هتعاين العربية بعد ما تضبطها تماما والرخصة تكون شغالة


الساعة الآن 11:22 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017