محتاج رأى الخبراء { رينو سكالا (vs) بروتون ساجا }
 

رد: محتاج رأى الخبراء { رينو سكالا (vs) بروتون ساجا }
 

السلام عليكم ::::

أولا و قبل كل شئ لازم تعرف أن العربيتين من فئتين مختلفتين ... السكالا أعلى من الساجا ..... لازم السكالا هتكسب

بس لو هتقارن على حسب الفئات

بروتون ساجا و رينو لوجان

رينو سكالا و بروتون واجا

شوف حضرتك مستريح لأى عربية منهم .... و قولنا رأيك

رد: محتاج رأى الخبراء { رينو سكالا (vs) بروتون ساجا }
 

اولا ميرسى جدا على مرورك الكريم

لكن المشكلة هنا انى فعلا مش بقارن

انا بالفعل عملت المقارنة بين الساجا واللوجان واخترت الساجا ونزلت فعلا علشان احجزها لقيت المندوب فى المعرض بيقولى ان عنده رينو سكالا موديل 2010 وبسعر87000 جنيه

دلوقتى انا فعلا محتار اجيب الساجا بسعرها ولا فرق ال 15000 يستاهل اجيب الاسكالا

رد: محتاج رأى الخبراء { رينو سكالا (vs) بروتون ساجا }
 

على حسب الميزانية بس البرتون احسن فى توفير البنزين والرينو احسن فى قوة الموتور برضه البرتون احسن فى الركنة

رد: محتاج رأى الخبراء { رينو سكالا (vs) بروتون ساجا }
 

للتوضيح فقط
رينو سكالا هو طراز من نيسان صني - يعتبر اخر شكل للنيسان صني قبل وقف انتاجها في اليابان و احلالها بالتيدا
و تم نقل خط الانتاج الى كوريا في مصانع سامسونج ( من المعلمو عن شراكة بين رينو و نيسان و سامسونج ) حيث لا يزال بيع السيارة باسم نيسان صني في الخليج من مصنع كوريا و لكن يتم تسويقها هنا في مصر باسم رينو سكالا
يعني انت بتشتري سيارة ياباني تجميع كوري بضمان اوروبي
قطع غيارها متوفرة
توكيل محترم
امكانيات و شكل متميز ( من رأيي )
ولا مجال للمقارنة بالساجا
انا كنت حجيب الساجا و لكن مكانش في نصيب
سيارة حلوة - لكن مشاكلها ان توكيل عز العرب مبالغ جدا في قطع غيارها - جدا جدا يعني سرقة عيني عينك و اسمع ان تيل الفرامل ب 500 جنيه و هبل
السيارة استهلاك الوقود عالي و تجاوب الفتيس الاوتو مش مبهر لانها فئة اقتصادية من السيارات على عكس الاسكالا فئة السيارات العائلية صغيرة الحجم
انا دخلت منتديات ماليزية كتير - بيقارنوا سياراتهم بالصيني و اخرهم يقارنوها بالكوري مش الياباني
توكل على الله و هات السكالا سعرها ممتاز جدا