مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   تأجير السيارات (https://www.masrmotors.com/vb/forumdisplay.php?f=92)
-   -   خفايا مكاتب الايجار واسرارها من داخل المكاتب (https://www.masrmotors.com/vb/showthread.php?t=63010)

تامر ديزل 05-02-2012 06:04 PM

رد: خفايا مكاتب الايجار واسرارها من داخل المكاتب
 
تسلم على المعلومات
ومتابع ...

محمود36 07-02-2012 05:26 PM

رد: خفايا مكاتب الايجار واسرارها من داخل المكاتب
 
اقتباس:

المشاركة الأصلية كتبت بواسطة shosho alaa (المشاركة 610506)
الف شكر على المعلومات القيمة
ليا استفسار انا عايزة اجيب سيارة لانوس او فيرنا قسط
ادفع المقدم وبعدين اجرها لشركة او مكتب ليغطى قيمة القسط ومصاريفها
لا اهدف الى ربح
وعايزة اجرها لمدة سنتين او ثلاثه عشان مدة القسط
اية الضامانات الاهاخدها على الشركة او المكتب عشان ميجيش فى نصف المدة
ويرجعهالى وعشان ميرجعليش العربية فى اخر الفترة خردة
واية مخاطرها
اسفه على الاطاله

انصحك تبعد عن الفرنا والانوس لان هذة السيارتان غير مطلوبه بالنسبه للشركات ممكن ياخذها مكتب وجميع المكاتب شغاله بدون راس مال يعني لو حصل حاجه ميقدرش يعوضك فانصح تجيب النتر او سيراتو او ابترا عشلن تدخل شركة محترمة زي شركات البرول والاتصالات والمقاولات
ومعلومة مفيش سيارة بتدخل المجال دة وبيتحافظ عليها بعد اول شهر بتكون اتهانت
وفي جميع الاحوال تاخذ الضمانات التالية
1 - يجب التامين على السيارة في شركة تامين محترمة
2- تاخذ وصل امانة بقيمة السيارة
3 - تتعرف علي مكان اقامة صاحب المكتب الحقيقي لان البطاقة ممكن تكون على عنوان اخر لان اغلب المكاتب بتغير مكنها والمكتب الحترم تلقية في مكانة اكثر من 3 سنوات لان اي مكتب تحصل فيه مشكلة اقل من شهر بينقل ويسيب صاحب المشكلة يلف حولين نفسة
4 - يكون المكتب لة سجل تجاري وبطاقة ضريبية
5 - لا تحاول ان توفر مبلغ من المال وتمضي العقد دون ان تسال محمي عن الشروط
6- ضع في العقد شرط جزائي شهرين في حالة الغئ العقد
7 - تاخذ فلوس الايجار مقدم والمكتب لو لم يستطع الدفع مقدم باي حجه زي البعض يدعي ان السيار زي الموظف لازم يشتغل ويقبض في نهاية الشهر تعرف انو قدرة المالية ضعيفة ولوحصل حاجة لن تجدة
8 - حاول التعرف عي اثنين اوثلاثه من الناس المسلمين سياراتهم عند المكتب عن طريق صاحب المكتب بتطلب منه يديك نمرتين من اصحاب السيارات الي عندو للسؤال عنه وهو لو واثق من نفسة هيديك النمر وكلمهم في نفس الوقت امامة عشان لايعطيك نمر وبعدها يتفق معاها
واسئل عن مدى الالتزام في دفع الايجار والمحافظه على السيارة وعن المدة التي تعامل معه فيها ولا تاخذ براية اذا كان التعامل معه اقل من 6 اشهر

A7MED NASSER 07-02-2012 05:54 PM

رد: خفايا مكاتب الايجار واسرارها من داخل المكاتب
 
طبعا كل الناس اللي في مصر موتورز عارفه اني منسق مبيعات في فرع المصريه بالمنصورة
و لكن احنا في الاساس و هجمع (بيني و بين عمي) عندنا مكتب ايجار للسيارات
و مشاوير و ليموزين يعني زي اي مكتب ايجار عادي

طبعا انا بتابع الموضوع ده من زمان بس ما حولتش اشارك فيه قبل كده . بس اللي احب
اعرفه للناس ان زي ما فيه مليون معرض ماشي غلط . فيه غيره كتير ماشي صح و ما يقبلش
بجنيه واحد حرام يدخل لجيبه (صاحب المعرض)

ناس كتير بتخاف من مجرد كلمة معرض ايجار سيارت لانهم ساعت ما بيسمعوا الكلمة دي
عالطول بيفتكروا وصل الامانه و الشيك اللي علي بياض او علي عالاقل بتمن السياره المؤجره

بس اللي احب اعرفه للناس ان صاحب مكتب الايجار بيخاف علي عربيته اكتر ما المؤجربيخاف
علي الوصل او الشيك اللي ماضي عليه و خاصة بالوقت اللي بتمر بيه البلد فاوعى تفتكروا
الشيك او الوصل ده بيحمي بالعكس خليك عارف ياللي ماجر العربيه ان العربيه معاك انت

و هحكي عن موقف حصل مع مكتب اخر معرفه بالمنصورة : ان المؤجر ماجاش في المعياد
المتفق عليه و اتاخر اكثر من يوم لاسباب غير مقنعه و لما صاحب المكتب حب يهدده انه
يسلم الشيك اللي ماضي عليه للمحامي و يقدمه . رد عليه المؤجر و قاله لو الشيك ده طلع من
المعرض (مش هتشوف عربيتك دي تاني خلاص) و بالفعل صاحب المعرض استناه علي مضدد
لغاية ما جاب العربيه و كانت مشكله كبيره فعلا و تدخل فيها كتير من مكاتب الايجار فالمنصورة

و من بعدها و احنا قررنا ما نخرجش عربيه ايجار لحد ما نعرفوش مهما كانت المده و التمن
و خاصة في الاحوال اللي بتمر بيها البلد

(ارجوا ان الناس تفهم وجهة نظري كويس و تقبلوا تحياتي لصاحب الموضوع
و لكل من شارك في الموضوع برئيه و بمشاركته للناس و شكرا ً)

كمال.... 09-02-2012 11:42 AM

رد: خفايا مكاتب الايجار واسرارها من داخل المكاتب
 
شكرا على الافادة

holly_man19 09-02-2012 12:10 PM

رد: خفايا مكاتب الايجار واسرارها من داخل المكاتب
 
متابع للافاده
وشكرا لصاحب الموضوععلى افادته للاعضاء
شكر وتقدير


الساعة الآن 11:41 PM.

Powered by vBulletin® Copyright ©2000 - 2021, Jelsoft Enterprises Ltd.
www.MasrMotors.com ™ Copyright ©2008 - 2021
Egyptian Automotive Community
جميع الحقوق محفوظة - مصرموتورز 2008 - 2017