|
فك وتشريح علبة فيوزات ميجان بالصور يا وحوووووش
السلام عليكم
سمعت كتير عن علبة فيوزات ميجان وإنها صعبة ومش أى حد يعرف يشتغل فيها و... و...و .... حصلت مشكلة عندى فى العربية قلت جايز يكون العيب من علبة الفيوزات وفكيتها وتعرفت عليها بالكامل ... والعيب واضح إنه مش منها أهم حاجة أنا هشرح طريقة فكها بنفسك وهى سهلة إن شاء الله بالنسبة لميجان نزلت بنوعين من علب الفيوزات نوع نزل فى عربيات 2005 و 2006 ونوع ابتدى ينزل من أواخر 2006 وانت طالع بقى العلبة القديمة ظهر فيها بعض المشاكل من سيحان الفيش أو انصهار بعض التراكات فى ظهر ال Mother board بتاع ال upc اللى هى علبة الفيوزات نفسها وأنا شايف دا بسبب رداءة الموصلات بتاعتها مكنتش بتستحمل الحمل فكانت بتسيح وتخلى الفيش تسيح عشان كدا عالجوها ونزلوا العلبة الجديدة فى 2007 ..... ودى مشاكلها قليلة جدا .... زى اللى عندى فى العربية اللى أنا فكيتها طبعا فيه فرق بين العلبتين سواء فى الفيوزات اللى فيهم أو الفيش بتاعتهم أو حتى المظهر بتاعهم العلبة القديمة لونها أسود بالكامل والجديدة ضهرها اللى هو الغطاء بتاعها لونه أسود وهى نفسها لونها أبيض زى ما قلت طريقة الفك واحدة لكن تقسيمة العلب مختلفة وبما إنى اللى عندى العلبة الجديدة فأنا برضه جبت للناس اللى عندهم علب قديمة صورة للعلبة نفسها وصورة للخريطة بتاع الفيوزات بتاعها واستخدام كل فيوز قبل ما نبدأ موضوع الفك لكن تابعوا معايا الفك لأنه نفس الخطوات ......ممدوح قال لى ان العلبة القديمة مكسيكية الصنع دا شكل العلبة القديمة https://imageshack.com/scaled/large/835/i7t9.jpgUploaded with ImageShack.com ودى الخريطة بتاعتها مكتوب عليها أرقام الفيوزات ... والعلبة نفسها بيبقى مكتوب عليها الرقم برضه جنب كل فيوز https://imageshack.com/scaled/large/221/bq4l.jpgUploaded with ImageShack.com ودا شرح وظيفة كل فيوز منهم ورقم أمبيره https://imageshack.com/a/img818//fial.jpgUploaded with ImageShack.com تمام قوى نبدأ الفك مبدئيا هنحتاج طقم ألانكيه نجمة نفصل قواطش البطارية السالب أولا ... أنا خلعت الغطاء الأحمر اللى مغطى فيوزات البطارية فى الناحية الموجب وحطيته تحت القاطش السالب بعد ما فكيته عشان أعزله بعدين فكيت القاطش الموجب https://imageshack.com/a/img42/9526/oidc.jpgUploaded with ImageShack.com فى الصورة السابقة علبة الفيوزات تقع يمين البطارية وليها مسمارين زى ما إحنا شايفين بيتفكوا بألان كى نجمة نفكهم بعدين نخلع الحتة الفبر دى عشان نعرف نخلع الغطاء بتاع العلبة اللى فيكنا مساميره https://imageshack.com/a/img521/3773/h9tm.jpgUploaded with ImageShack.com بعد ما خلعنا الغطاء هنلاقى فيشتين من فوق أهو الفيشتين دول يخصوا الإضاءة بتاع العربية https://imageshack.com/scaled/large/802/yj3r.jpgUploaded with ImageShack.com بعدين نفك البطارية بتبقى متثبتة بمسامر نجمة وحتة حديد زانقاها فى قاعدة البطارية دا المسمار نفكه ونطلع البطارية ونحوش الحتة الحديد ونشيل البطارية من مكانها https://imageshack.com/scaled/large/194/rgy1.jpgUploaded with ImageShack.com بعدين هنفك قاعدة البطارية زى ما أحنا شايفين فى الصورة ليها 3 مسامير ألان كي نجمة هنفكهم https://imageshack.com/scaled/large/593/2xv9.jpgUploaded with ImageShack.com https://imageshack.com/scaled/large/51/b70u.jpgUploaded with ImageShack.com بعدين هنفك صامولة 10 بمفتاح بيبة اللى ماسكة ضفيرة الكهرباء فى قاعدة البطارية أنا صورتها وانا حاطط فيها المفتاح البيبة عشان تبان لان المسمار صغير دا مكانه وفيه مكان لصامولة 10 تانى مشاور عليها برضه بالأحمر نفكها ونطلع الضفيرة من مكانها فى القاعدة ونربط الصواميل مكانهم عشان مننساش حاجة ولا حاجة تضيع https://imageshack.com/a/img211//11i.jpgUploaded with ImageShack.com https://imageshack.com/scaled/large/203/doz7.jpgUploaded with ImageShack.com هنحتاج نفك كابل من القاطش الموجب وواحد من القاطش السالب عشان نطلع القاعدة بسلاسة والكابلات متزنقناش فى الصورة دى مشاور على الكابلات اللى هنفكها https://imageshack.com/scaled/large/404/vxmh.jpgUploaded with ImageShack.com |
رد: فك وتشريح علبة فيوزات ميجان بالصور يا وحوووووش
نروح للقاطش الموجب ونفك الصامولة اللى مشاور عليها بالأحمر عشان نهوى الفردتين اللى راكبين عليها عشان لما نيجى نطلع القاعدة السلوك متغلسش عليك ... ونربط الصامولة تانى مكانها هما بيبقوا كابلين تحت بعض https://imageshack.com/scaled/large/545/n73u.jpgUploaded with ImageShack.com نفس الكلام نخلع الكابل دا من القاطش السالب ونربط الصامولة مكانها عشان متضيعش https://imageshack.com/scaled/large/515/ggdg.jpgUploaded with ImageShack.com بعدين نفك مسمار 10 فى المكان دا اللى رابط الكنترول فى القاعدة https://imageshack.com/scaled/large/40/s8jh.jpgUploaded with ImageShack.com هنشد الكنترول لفوق ونطلعه فيه 3 فيش نفكهم من على الشمال نشوف الموضوع دا أحسن http://www.**********.net/Nile/329249-a.html بعد ما فكينا فيش الكنترول زى ما الموضوع شارح بالضبط وحفظنا كل فيشة ومكانها نطلع الكنترول برا https://imageshack.com/scaled/large/90/xpi.jpgUploaded with ImageShack.com نطلع القاعدة من مكانها ودا المنظر https://imageshack.com/scaled/large/33/q0t7.jpgUploaded with ImageShack.comنرجع تانى لفيش النور اللى ذكرناها فى أول الموضوع https://imageshack.com/a/img802/1864/yj3r.jpgUploaded with ImageShack.com نطلع الفيشة البيضاء الكبيرة فيه لسان فى الغطاء الاسود شابكة فيه نرفعه حاجة بسيطة بإيدنا ونشدها هتطلع وفكها ظريف جدا ..... بيبقى فيه حتة من على الجنب مربعة بتشدها اثناء الشد بتلاقى الفيشة طلعت من بيتها مشاور عليه بالأحمر https://imageshack.com/scaled/large/834/9e6v.jpgUploaded with ImageShack.com https://imageshack.com/scaled/large/694/81y6.jpgUploaded with ImageShack.com الفيشة التانية الرمادى بتبقى فيها كلبسة بنضغط عليها ونفكها من بعضها وبتبقى داخلة فى مجرى ليها مثبتها على العلبة من فوق بنشدها بتتخلع معانا عشان نفك العلبة نفسها بيبقى فيه المسمار ال 13 دا هحتاج بيبة أو مفتاح 13 عشان نفكه https://imageshack.com/scaled/large/9/qgaf.jpgUploaded with ImageShack.com غلبنى جدا كان صعب جدا فى فكه ماسك بطريقة غبية المشكلة أن الحتة اللى راكب فيها بقت تنحنى وأنا بفك وهو مش راضى يتفك ! جبت ولاعة سخنته بتاع 5 دقايق لولا رضى يفك طبعا بحذر شديد عشان الأجزاء البلاستيك ........ على العموم المسمار دا بيبقى راكب تحته كابل برضه وهو موصل بين علبة الفيوزات وبين الكام فيوز اللى برا العلبة تحتها هنشوفهم لما نفك دلوقت بعدين هنشد العلبة بطريقة أفقية هتطلع معانا https://imageshack.com/scaled/large/826/8nnk.jpgUploaded with ImageShack.com |
رد: فك وتشريح علبة فيوزات ميجان بالصور يا وحوووووش
عشان نطلع العلبة بيبقى فيها شوية فيش 7 فيش لازم يتفكوا
https://imageshack.com/scaled/large/4/i5ba.jpgUploaded with ImageShack.com https://imageshack.com/scaled/large/15/dt0l.jpgUploaded with ImageShack.com كل فيشة من دول ليها مشبك أو ودان ينضغط عليه بأى حاجة ونفك أنا كنت بضغط بمفك واخلع الفيشة https://imageshack.com/scaled/large/163/n0qa.jpgUploaded with ImageShack.com https://imageshack.com/scaled/large/7/uo5.jpgUploaded with ImageShack.com بس ناخد بالنا من الفيشيتين اللى فى الصورة زى دى لأنهم زى بعض فى المقاس فنحفظ أماكنهم كويس عشان محدش يركب واحدة مكان التانية بالخطأ اللى من برا لونها اسود جنب الحتة الحديد اللى فيها صامولتين راكبين واللى من جوا لونها رمادى https://imageshack.com/scaled/large/689/a4qr.jpgUploaded with ImageShack.com زى ما احنا شايفين فى الصورة دى من قوة ربط المسمار حتة الحديدة متنية مع الفك ! نفك الصامولتين اللى فيها دول ونطلعها برا https://imageshack.com/scaled/large/845/z2wn.jpgUploaded with ImageShack.com https://imageshack.com/scaled/large/266/ffer.jpgUploaded with ImageShack.com العلبة فيها غطاء أسود من ورا راكب ضغط فى كل جنب من الأجناب فيه منطقتين متعلق فيهم بإيدنا أو بمفك ندخله بين جسم العلبة الأبيض وبين الغطاء عشان نفكه من الأربع جوانب ونطلعه https://imageshack.com/scaled/large/15/95z9.jpgUploaded with ImageShack.com بعد ما شلنا الغطاء دى البورة بتاع ال upc من ورا فى العلبة القديمة كان بعض التراكات بتشيط وكانت بتتوصل بتراكات و تتلحم عادى بقصدير وتركب تانى وتشتغل أنما عندى مكنش فيها أى حاجة https://imageshack.com/scaled/large/69/w0ox.jpgUploaded with ImageShack.com تعالوا بقى نشوف تقسيمة الفيوزات اللى فيها دى أنا ملقتش صورة وخريطة للعلبة دى فرسمت صورة مبسطة للفيوزات اللى عليها لكن موصلتش لصورة توضح استخدام كل فيوز ياريت اللى عنده صورة لاستخدام الفيوزات فى العلبة دى يرفعها ضرروى لأفادة الجميع دى الصورة اللى رسمتها مرقم فيها الفيوزات من 1 ل 23 يعنى فيها بس فيها 22 فيوز فقط لأن فيه مكان فاضى مفيهوش فيوز اللى هو الصف الثانى الترقيم دا مش من دماغى يا جماعة مكتوب على العلبة نفسها الأرقام دى أول صف فيه 9 فيوزات وكاتب فى المربعات الأمبير بتاع كل فيوز تانى صف فيه 7 بعدين فيه 4 فيوزات على اليمين عموديين تحت الصف الثانى مباشرة وفيه 2 فيوز أفقيين من على الشمال تحت الصف الثانى مباشرة وراسم فى الصورة ال 7 فيش واماكنهم فى العلبة https://imageshack.com/a/img547//9qij.jpgUploaded with ImageShack.com عشان نطلع البوردة لازم نشيل الفيوزات دى عشان كدا الصورة اللى جبتهالكم دى مهمة جدا اعتبرها مرجع عند تركيب الفيوزات حتى لا تخطئ وتركب فيوز مكان فيوز لأن أحجامهم واحدة لكن شدة التيار اللى بيتحملها كل واحد منهم مختلفة عن التانى فلا مجال للخطأ هنا انا استعنت بالمشبك الأصفر اللى بيبقى فى الغطاء اللى مغطى علبة الفيوزات اللى جوا العربية دا لكن منفعش معايا لأن الفيوزات كانت ماسكة قوى https://imageshack.com/scaled/large/507/coym.jpgUploaded with ImageShack.com عشان كدا استخدمت الكماشة وخلعتهم بسهولة بس إوعى حد يضغط عليه جامد لا يتكسر الفيوز فى بق الكماشة ونخلع الغطاء اللى الأسود اللى من تحت زى ما وضحت فوق اللى راكب ضغط https://imageshack.com/scaled/large/19/5t1i.jpgUploaded with ImageShack.com هنطلع البوردة فى إيدنا ودا شكلها من جوا .... المكعبات اللى جوا البوردة دى ايا كانت ريليهات أو آيسيهات فيه منها مكتوب عليها الفلبين وفيه منها مكتوب عليه تايلاند ... وتقريبا العلبة من صناعة شركة اسمها Hella https://imageshack.com/scaled/large/822/l3f1.jpgUploaded with ImageShack.com https://imageshack.com/scaled/large/534/6gqb.jpgUploaded with ImageShack.com https://imageshack.com/scaled/large/543/3lbz.jpgUploaded with ImageShack.com https://imageshack.com/scaled/large/4/opht.jpgUploaded with ImageShack.com |
رد: فك وتشريح علبة فيوزات ميجان بالصور يا وحوووووش
طبعا أنا راجعت كل الفيوزات دى فيوز فيوز كلها سليمة البوردة مش باين عليها أى شياط أو أى مناطق سايحة وكلها سليمة دا الظاهر يعنى ليا
ودا الغطاء اللى بتبقى راكبة جواه البوردة واللى شلنا منه الفيوزات عشان نقدر نطلع البوردة منه بسهولة https://imageshack.com/scaled/large/46/qoal.jpgUploaded with ImageShack.com طبعا أنت ممكن متفكهاش كلها لو عايز تشيك ع الفيوزات بس براحتك نرجع تانى للعربية لأن لسة باقى فيوزات تانى علبة الفيوزات اللى طلعناها بيبقى ليها بيت صغير تانى بلاستيك جوا العلبة الكبيرة اللى شايلة كل حاجة نطلع البيت الصغير دا https://imageshack.com/scaled/large/341/l6gm.jpgUploaded with ImageShack.com دى بقى باقى الفيوزات عددهم 7 فيوزات أول فيوز دا بيبقى فردى بيركب على الهيكل البلاستيك فى أول فتحة ... بعديه تانى وتالت مكان فاضيين بعديه 6 فيوزات ورا بعض https://imageshack.com/scaled/large/7/guhd.jpgUploaded with ImageShack.com ودى خريطة ليهم مع شرح استخدام كل فيوز بس معرفش الخريطة دى بتاع العلبة الجديدة ولا القديمة بس شكلهم متشابهين https://imageshack.com/scaled/large/801/is0m.jpgUploaded with ImageShack.com أحنا ممكن نشيل أى فيوز منهم باستخدام المشبك الأصفر اللى وضحته سابقا الموجود فى غطاء علبة فيوزات التابلوه وال 7 فيوزات عندى كانوا تمام بس أنا بقى حبيت أفصص الحتة البلاستيك اللى فيها ال 7 فيوزات دول وأشوف فيها إيه عشان نطلع الخط اللى راكب فيه ال 7 فيوزات لازم نفك علبة فلتر الهواء والماسورة اللى د اخلة عليه وحاجة هم عشان الضفيرة اللى داخلة ليهم مزنوقة تحت العلبة دى وعشان تطلعهم لازم نرفعهم شوية لفوق ومش هنقدر إلا لما نفك علبة فلتر الهواء أو حاجة نجيب مفك وهنلاقى الخط بتاع الفيوزات متثبت فى جسم العلبة بمشابك هنبعدها شوية ونشده لفوق سنة بيبقى فيه مشبكين https://imageshack.com/scaled/large/43/do32.jpgUploaded with ImageShack.com https://imageshack.com/scaled/large/22/jily.jpgUploaded with ImageShack.com طبعا مش هنقدر نطلع خط الفيوزات دا هنيجى نرفعه هنلاقى الضفيرة مزنوقة عند علبة فلتر الهواء https://imageshack.com/scaled/large/442/shx8.jpgUploaded with ImageShack.com نفك فلتر الهواء ننضفه بالمرة ليه مسمارين قلاووظ https://imageshack.com/scaled/large/593/ehza.jpgUploaded with ImageShack.com الماسورة دى اللى راكبة فى علبة الفلتر بتتلف بنلفها ونطلعها وبيبقى راكب فيها من الناحية التانية الجزء الكاوتش بتاع الهواء اللى راكب فى الأكسدام وراكب فيها ماسورة تانى من على جنب https://imageshack.com/scaled/large/835/lnz8.jpgUploaded with ImageShack.com |
رد: فك وتشريح علبة فيوزات ميجان بالصور يا وحوووووش
بعد ما قرأنا الموضوع وفكينا علبة الفلتر كنت عايز أنوه عن شئ مهم
علبة الفلتر من ورا بيبقى فيها دليل أو مسمار بلاستيك بيبقى راكب فى جسم العربية فى الجلدة دى الجلدة دى ممكن تقع وانت بتطلع علبة الفلتر وهى بتبقى راكبة ورا السيرفو ناخد بالنا منها https://imageshack.com/scaled/large/854/yu9i.jpgUploaded with ImageShack.com https://imageshack.com/scaled/large/18/ix60.jpgUploaded with ImageShack.com دا مكانها ورا السيرفو https://imageshack.com/scaled/large/542/erq7.jpgUploaded with ImageShack.com بكدا نقدر نطلع خط الفيوزات بسهولة هنرفعه لفوق https://imageshack.com/scaled/large/855/9idi.jpgUploaded with ImageShack.com هنبتدى بقى نشيل كل الفيوزات من مكانها الفيوز الأول الفردى ال 40 أمبير دا راكب لوحده بمشبك كدا هنشيله بعدين نشيل باقى الفيوزات باستخدام المشبك الأصفر اللى فى غطاء علبة فيوزات التابلوه نشيلهم واحد واحد https://imageshack.com/scaled/large/7/6vun.jpgUploaded with ImageShack.com بعد ما شلنا كل الفيوزات هنجيب مفك ونبص فى الصورة دى هنلاقى فيها 3 فتحات مستطيلات فيهم مشابك بسن المفك نحاول نبعدها لتحت https://imageshack.com/scaled/large/708/c74q.jpgUploaded with ImageShack.com من على جنب بيت الفيوزات دا من تحت فيه 3 مشابك تانيين ظاهرين جدا هنبعدهم لتحت عشان نخلع الغطاء اللى ماسك فى بيت الفيوزات من تحت بس لازم نفك ال 3 اللى قلت عليهم سابقا أولاااااااااا https://imageshack.com/scaled/large/812/fgkn.jpgUploaded with ImageShack.com https://imageshack.com/scaled/large/29/wwb4.jpgUploaded with ImageShack.com هنلاقى جواها حتة الحديد دى اللى فيها الألسنة اللى بيركب فيها اطراف الفيوزات بس كدا أنا قلت أفكها أشوف جواها يمكن ألاقى حاجة بايظة ولا حاجة طلعت حتة حديد موصلة https://imageshack.com/scaled/large/853/r8i.jpgUploaded with ImageShack.com لو عايزين نفك العلبة البلاستيك اللى شايلة الليلة دى كلها جواها بيبقى فيه مسمارين 10 محتاجين بيبة 10 نفكهم ونطلعها بجنب كدا قرفتنى بصراحة بسبب السلوك الكتير https://imageshack.com/scaled/large/706/eqrk.jpgUploaded with ImageShack.com دى المسامير لقطتلها صورة من جوا https://imageshack.com/scaled/large/826/ffi2.jpgUploaded with ImageShack.com بيبقى فيه فيشتين جوا العلبة دى عايزين يتخلعوا الفيشة دى ليها مجرى فى العلبة نشدها ونخلعها بعدين نخلعها هى نفسها من بعضها https://imageshack.com/scaled/large/521/2oa6.jpgUploaded with ImageShack.com وفيه فيشة تانى جنبها مش راكب فيها حاجة فيها طرف واحد نخلعها برضه https://imageshack.com/scaled/large/839/zsj4.jpgUploaded with ImageShack.com بعدين نطلع العلبة نفسها https://imageshack.com/scaled/large/11/ifg4.jpgUploaded with ImageShack.com https://imageshack.com/scaled/large/844/2f9q.jpgUploaded with ImageShack.com تحتها مباشرة كرتيرة العجل اللى فيها غطاء مدور اللى بنفكه عشان نغير لمبة الفانوس https://imageshack.com/scaled/large/94/3y05.jpgUploaded with ImageShack.com https://imageshack.com/scaled/large/89/x4yo.jpgUploaded with ImageShack.com طبعا أهم حاجة تركيب كل فيوز فى مكانه الصحيح والخريطة والصور اللى أنا منزلها موضحة كل حاجة وترتيب الفيوزات زى ما فى الصور با لضبط |
| الساعة الآن 03:04 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017