مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   منتدى السيارات العام (https://www.masrmotors.com/vb/forumdisplay.php?f=2)
-   -   عدم وجود سياسة الاحتكار فى السيارات (https://www.masrmotors.com/vb/showthread.php?t=4351)

Saif eldien 06-01-2009 12:55 AM

عدم وجود سياسة الاحتكار فى السيارات
 
عايز اتكلم معكم على موضوع مهم تنوع البنوك ال بتمول تقسيط السيارات دة سمح بكثرة المعارض ال بتشتغل فى الموضوع دة ودة خلى ان ميكونش فى مصر فى مجال السيارات سوق الاحتكار (تخيلوا لو فى سياسة احتكار فى السيارات وفى احمد عز اية ممكن يحصل)يمكن المعارض الصغيرة بتواجة صعوبة فى العمل مع المعارض الكبيرة بس برضة شى كويس الكثرة فى المعارض وانا اوضح ليكم لية ناس بتتجة الى المعارض الصغيرة دة لعدة اسباب
1. المعرض عندة عملاء قليلة وبتالى هيركز مع كل عميل وهيهتم بية جدا جدا وموضوع شراء السيارة محتاج اهتمام ومتابعة وتقديم خدمة قبل البيع وبعدة
2. المعارض الصغيرة مصريفها قليلة فبتضع ليها هامش ربح بسيط
3. المعارض الكبيرة مبيهمهاش تعامل عميل كويس لان عندها غيرة مائة غيرة حتى مسول المبيعات مبيهمهوش .
مش معنا كدة ان العميل انسان برى بس بينى وبنكم فى عملاء كثيرة بيكون بتوع تضيع وقت يعنى افضل شى للعميل انة يعتبر نفسة رايح لدكتور يقولة حالتة بالضبط بصراحة وعايز اية واية مشاكلة فى اية يقوم بتاع المبيعات او المعرض يقدم لية افضل حل علطول
محدش يصدق ان العربيات هترخص بالعكس وتعالوا افكركم بكلامى بعد كام شهر

Ahmed Anwer 06-01-2009 03:14 AM

رد: عدم وجود سياسة الاحتكار فى السيارات
 
أمممم ،،

بصراحة انا برده عارف ان السوق ليه اليات بتحكمه

و مش اوي مع نغمة التجار المفتريين الاستغلالين النصابين الاحتكاريين

و المستهلك المغلوب علي امره المضحوك عليه دائما و ابدا

لأن من تعاملي في السوق ، المستهلك المصري ذكي جدا

بس الاحتكار مش من التجار الصغيرين دول مع السوق

و ليهم هامش ربح معين كلهم بيلعبوا فيه

و لكن اعتقد الاحتكارات من الغيلان الكبار

انا ساعات بحس انهم بيسهروا مع بعض باليل

ده يقول لده انتا خلي عربيتك من سعر كذا لكذا و انا هابقي اغلي من عربيتك بكذا عشان انا عربيتي ياباني مثلا

بحس انها ادوار مقسيمنها مع بعض

و علي فكرة المعارض الصغير ةمعاملتها مش كويسه و لا حاجة

انا بحس ان كل معارض السيارات معارضها بقت معاملتها زي الزفت و لا كأنك بتشحت منهم

ده نتاج الفترة اللي اشتريت فيها 6/2007 ، كان فعلا ناقص يقولولي متصدعناش مش عايز تشتري خمسين غيرك هيشتروا

بالمناسبة سؤال بره الموضوع ،، و الله مش حسد و لا حاجة ، ربنا يباركلك في رزقك

زمان كنت اسمع ان معارض السيارات مكسبهم مثلا في عربية زي اللانوس بيوصل ل 12 الف جنية

و اسمع من ناس تانية لا ده مكسبهم بيدور حوالين التلاتلاف جنية مش اكثر

و عشان كده المستهلك بيلف مصر كلها عشان يوفر خمسمائة جنية في العربية ده اخره

فاين الحكيكة ptmnlo123per1127

islam_galal 06-01-2009 10:13 AM

رد: عدم وجود سياسة الاحتكار فى السيارات
 
فكرة الاحتكار لا تنطبق علي التقسيط
الاحتكار في صناعة السيارات موجود بشدة في مصر بحصر التوكيلات لاسماء معينة يتم تحريكهم من الطبقة الحاكمة و بالتالي المصلحة واحدة و من يخرج عن النص له في حسام أبو الفتوح عظة

الصالات دي تجار تجزئة و بالتالي فين الاحتكار ؟؟؟

الغالبية العظمي من الصالات تقسط من خلال البنوك و بالتالي الشروط متشابهه و الفروق مش كتير
الفروق عادة في العلاقات الشخصية من صاحب المعرض و شركة معينى أو هيئة معينة و بها يقدم تسهيلات أفضل نظرا للضمانات المقدمة من الشركة أو الهيئة


الساعة الآن 05:00 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017