صيانة ال30000 للانسر بومة
 

رد: صيانة ال30000 للانسر بومة
 

على ما اتذكر و الله اعلم .... زيت و فلتر فقط
زيت شل او موبيل تقريبا ب 280 جنيه او ازيد شوية ... و الفلتر ب 55 جنيه

حضرتك حتعمل الصيانة فى التوكيل و لا برة ؟
تيل الفرامل المفروض تكون كشفت عليه فى 20 الف كم ...لو لسه مغيرتوش اكشف عليه مرةتانية فى صيانة 30 الف
التيل الاصلى علما حوالى 550 جنيه

علشان متتلخبطش .....

كل 10 الاف ... زيت + فلتر
كل 20 الف ..... زيت + فلتر + تيل
30 الف ... زيت + فلتر
40 الف .. فلتر + زيت + تيل + بوجيهات
مش متذكر الفلاتر بتتغير كل اد ايه
الصيانة الكبيرة بتكون عند 80 الف كم ( كل 80 الف ) ... طقم سيور + فلاتر + تيل +بوجيهات

رد: صيانة ال30000 للانسر بومة
 

اولا انا متشكر جدا ع المتابعة والرد . انا كنت بقول التوكيل احسن عشان مضمون بس هل فى فرق بين التوكيل او برة

ولو فيه فرق هيبقى فيه ايه بالضبط

و شكرا للمتابعة يا استاذ احمد

رد: صيانة ال30000 للانسر بومة
 

العفو يا فندم ... كلنا بنتعلم من بعض

الموضوع يرجع لحضرتك .... حضرتك عاوز التوكيل و لا لأ ؟!!! عاوز الضمان و لا لأ

انا كنت بعمل الصيانات دى فى التوكيل علشان الضمان ... علشان من شروط الضمان ان كل الصيانات تتعمل فى التوكيل لغاية صيانة ال 100 الف كم
و اكتشفت ان توكيل اللانسر مش كويس فى التعامل... و اى كلام ... انا بتكلم عن الرواس .... و عرفت ان دايموند ميفرقش كتير عن الرواس
لو حضرتك مش فارق معاك التوكيل .... اعمل الصيانات عند ميكانيكى برة ... و الصيانات دى عادية و مش محتاجة لعدة خاصة ... و مش محتاجة التوكيل

صيانة ال 30 الف ممكن تعملها عند اى حد بيغير زيت او فى اى بنزينة
الفرق حيكون فى المصنعية .. و ممكن كمان يكون فى الوقت

رد: صيانة ال30000 للانسر بومة
 

تمام كدا يا استاذ احمد حشوف اعمل ايه و ابقى اقول لحضرتك

وشكرا