استفسار مهم ل Subaro Impriza 2011
 

السلام عليكم

عندى استفساارات بالنسبة لسوبارو :

1-اولا هل قطع غيارها غالية وله لا ومحتاج اعرف الاسعار؟
2- قدامى عربية عاملة 130000 الف كيلو وبفكر اشتريها ومعروضة على 147000 الف هل كده وحشة وله لا مع العلم انه قالى فيه حاجة اسمها " اويل سيل علبة دريكسيون " بتجيب زيت وغيرها بره التوكيل ولو اتسابت مش اتعملت ايه اضرارها ووظيفتها ايه مع العلم ان الراجل مامانعش انى اكشف فى التوكيل وكان صريح رش اكصدامين والجزء اليمين اللى وراء التانك والشنطة بتعلق بسيط مش بتقفل من اول مرة لازم تترزع ومع العلم لو الكشف طلع فيه حاجات هخصمها من الثمن ؟

افيدونى بالله عليكم علشان الواحد مش يدبس بحكم خبرتكم منتظر ردودكم

رد: استفسار مهم ل Subaro Impriza 2011
 

رد: استفسار مهم ل Subaro Impriza 2011
 

اولا متشكر لردك السريع
ثانيا انا بدور على حاجة تستحمل لانى همشى بيها كتير وفى نفس الوقت مش عايز حاجة تفتح بوقها وتقرفنى عايز حاجة تعيش وعندى مبدا الغالى تمنه فيه خاصة لو حاجة حمالة قاسية كل الباقى غالى على الفاضى واعطاله كتير وكمان ومنهم اللى محتاج عمرة وكده بعد 160000 الف
ثالثا معلش يمكن نسيت تجاوبنى على الجزء بتاع الاويل سيل والجزء بتاع الرش ده بتاع الاكصيدام والجزء اليمين وتعليقة الشنطة هل ممكن تكون عاملة حادثة لقدر الله او فيه حاجة خفية لانى بصراحة مش عايز البس وخاصة لو مستعمل .... مستنى ردك

رد: استفسار مهم ل Subaro Impriza 2011
 

اولا لا شكر على واجب وانت نورت مصر موتورز ROSE4U

ثانيا .. عايز عربية حمالة اسية ومصروفها على قد الايد وتمنها فيها يبقى عندك فى الرينج ده الاختيارات التالية

- هيونداى النترا الشكل القديم .. موفره فى البنزين ومبتصرفش حاجة غير زيت وتيل قطع غيار متوفرة واسعارها معقولة وماسكة سعر

- تويوتا كرولا الشكل القديم .. نفس الكلام

- متسوبيشى لانسر بومة - نفس الكلام

- دايهاتسو تريوس .. نفس الكلام بالاضافة للارتفاع عن الارض وبالاضافة للمساحة الداخلية اللى مع ثنى الكنبة الخلفية والشنطة الخلفية بقى معاك عربية نص نقل

ديه الاختيارات العملية 100%

الاختيارات الاقل عملية وفيها تضحيه بس فى مقابل متعة قيادة اكتر

السوبارو .. لمتعة الدفع الرباعى ومحرك البوكسر وان كان المواتير اللى بتنزل كلها ضعيفة

الهوندا سيفيك .. متعة القيادة والثبات

المازدا - وديه فى رائى افضلهم كحل وسط بين العملى والاقتصادى

رد: استفسار مهم ل Subaro Impriza 2011
 

اما ثالثا موضوع الاويل سيل ده ان صح التشخيص يتعمل طبعا بس السؤال لو هو سهل صاحبها ليه معملهاش ويسهل بيعتها ... ؟؟

الخوف ان التشخيص غلط وتعمل الاويل سيل وتلاقي الزيت جاى من حته تانية فتضطر تخش فى تغيير باور كامل او طلمبة او غيره على حسب مكان تسريب الزيت

اما موضوع الرش فمن ناحية بنعتبر سمكرة الجناب مش عيب جوهرى فى العربية طالما الاساسيات ( دواخل شنطة وحوض وقوايم وعتب ) سلام ومفيهومش حاجة

لكن موضوع عاملة حادثة او لاء ديه حاجة مقدرش انا ولا اى حد يفتى فيها الا بالكشف والمعاينة وديه حاجة ممكن تعملها فى مراكز فحص او سمكرة ودهان كتير وتعرف اساس العربية ايه

رد: استفسار مهم ل Subaro Impriza 2011
 

اولا حبيبى ربنا يخليك منوره بالناس الجميلة :0369B3~177:

ثانيا انا معاك قلبا وقالبا فى اول 3 اختيارات بس ملقيتش حاجة كويسة وزى الالنترا سراتو كلهم مهلوكين للاسف اما للتيجو معرفش مش بحسها بس كلامك يحترم

اما انا بقى من عشان 3 عربيات دول سواء السوبارو او هوندا او المازدا بس عايز اسئل حاجة بالنسبة للسوبارو تقصد ايه بكل مواتيرها ضعيفة ؟

رد: استفسار مهم ل Subaro Impriza 2011
 

انا قلتلك صاحبها غيرها بره التوكيل بس فيه حاجة لسه قايلى عليها بيقولى غير اويل سيل علوى ضرب السفلى بعد التغيير وكلفوه حوالى 1300 تقريبا الاتنين على بعض راح جايب علبة استيراد بالاويل سيلات بتاعتها وضبطت الحمد لله بس بيقولى قالولوا لو غيرت الاويل سيل لوحده هيضرب تانى هل الكلام ده صح وله غلط ولو الاويل سيل ده ليه اضرارعايز اعرف ايه اضراره كلها بالتفصيل