مقابله مصر موتورز في طنطا (اولي مقابلات الاقاليم)
بسم الله الرحمن الرحيم يسعدني و يشرفني ان اعلن عن اول مقابله لمصر موتورز في الدلتا و بالتحديد بمدينه طنطا العريقه http://nghmat.com/up/uploads/de7a1f7136.jpg صوره لمسجد السيد البدوي بطنطا مكان و موعد المقابله بمشيئه الله سوف تكون المقابله يوم الجمعه 15 اكتوبر بكافيتريا سفنكس بجوار موقف المرشحه بعد صلاه الجمعه مباشره . وصف الطريق للقادم من خارج طنطا لو جاي من المحله او المنصوره او بور سعيد تاخد طريق المحله طنطا و عند الوصول الي طنطا سوف تجد كوبري فوق الطريق تفضل ماشي علي طول و اول يمين تدخل فيه و بعدين او شمال علي كوبري صغير و بعدين يمين حتلاقي الجامع و بعد الجامع كافتريا سفنكس علي ايدك الشمال تركن و تنزل تلاقينا قاعدين مستنيين:) لو جاي من القاهره تاخد طريق مصر اسكندريه الزراعي الي طنطا و بعدين توصل طنطا تفضل ماشي لا شمال ولا يمين لحد ما تطلع كوبري و اول ما تنزل منه تاخد يمين و تخرج من الطريق و حتلاقي الكمين الموصوف في الفقره الاعلي و تسلك نفس الطريق لو جاي من زفتي او السنطه او ميت غمر توصل الي ميت حبيش البحريه و تاخد يمين و بعدين تكمل زي اللي جاي من القاهره بالضبط لو جاي من اسكندريه تاخد طريق اسكندريه القاهره الزراعي الي ان تصل الي طنطا و تخرج منها في اتجاه القاهره و قبل الكوبري تاخد يمين الي الوصول الي التقاطع و بعدها يمين في يمين في شمال الي الكوبري الصغير في يمين تلاقي نفسك امام الجامع و بعدها كافتريا سفنكس. ان شاء الله نتجمع علي خير و يبقي لقاء جميل منتظرين اي عضو من اي مكان في مصر و دا رقم تليفوني لاي استفسار 0122949398 |
رد: مقابله مصر موتورز في طنطا (اولي مقابلات الاقاليم)
باذن الله ياغالي علي الميعاد متقابلين و علي الخير متجمعين وعلي بركه الله متوكلين تقبل تحياتي |
رد: مقابله مصر موتورز في طنطا (اولي مقابلات الاقاليم)
ان شاء الله يا ابو الاسعاد نتقابل علي خير :)
|
رد: مقابله مصر موتورز في طنطا (اولي مقابلات الاقاليم)
تمام يا شباب
يا رب دايما متجمعين على خير |
رد: مقابله مصر موتورز في طنطا (اولي مقابلات الاقاليم)
ربنا يسهل يا استاذ حازم وبجد الواحد نفسه فى المقابله دي من زمان ، وتسلم ايدك على الوصف الجميل ده وعلى فكرة المنطقة دي لييها ذكريات جميلة معايا ايام الكلية والشلة ، وادعو الله ان تكون مقابلة خير وزى مابيقولوا فى المثل معرفة الناس كنوز وخصوصاً انه يوم مبارك وعيد من اعياد السماء 0
|
رد: مقابله مصر موتورز في طنطا (اولي مقابلات الاقاليم)
اقتباس:
اقتباس:
المنطقه دي تعتبر لها ذكريات كتير مع كل ابناء الغربيه هي و شارع سعيد و الحلو و شارع بقلظ (بطرس يعني:) ) حستناك الجمعه الجايه بعد الصلاه ان شاء الله انا بفكر اصلي في طنطا علشان اكون موجود من بدري |
رد: مقابله مصر موتورز في طنطا (اولي مقابلات الاقاليم)
و ادي أول اعتذار لاني هكون في القاهرة
متعوضه المرة الجاية |
الساعة الآن 05:12 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017