عايز اركب موتور ل BMW 1982 اتوماتيك
 

عندي BMW 1982 وفيها موتور بي ام 1986 وعايز اشيله واحط موتور اتوماتيك بتكيف ودي اول مرة اتعامل مع عربية في مصر ومعرفش حد ولا عندي معلومات ياريت المساعدة وعايز اعرف هتتكلف كام وهل ممكن ابدل موتوري وادفع الفرق ياريت النصيحة من اهل النصيحة اللي يعرفو وفاهمين وانا من اسكندرية وممكن اسافر لو مفيش في اسكندرية

رد: عايز اركب موتور ل BMW 1982 اتوماتيك
 

فقط للعلم مفيش حاجة اسمها موتور اوتوماتيك

اسمه فتيس اوتوماتيك

يبقى انت كده محتاج فتيس اوتوماتيك بي ام دبليو

ده بقى ممكن تجيبه هو والكنترول والحساسات من الحرفيين

بس اعتقد انك هتلف شوية

اما بالنسبة للتكييف فده انت ممكن بركبه عند أى حد بره وفى انواع كتير محترمه وكويسه

رد: عايز اركب موتور ل BMW 1982 اتوماتيك
 

انا كان قصدي بدل ما الف علي اتوماتيك لوحده وتكيف لوحده ادور علي ماتور جاهز من مجمايعه اشيل واركب وكده وفرت كتير اوي لاني سألت علي الاتوماتيك لقيته هيتكلف 2000 جنيه + تكيف 2400+ وصنايعية معرفش كام يبقي دخلنا في 5000 او 5500 يبقي نجيب واحد شاكب راكب علي طول ونوفر شغل وفلوس ووقت
ولا ايه رأيكم؟؟؟؟

رد: عايز اركب موتور ل BMW 1982 اتوماتيك
 

بورسعيد بنك الاسكان

رد: عايز اركب موتور ل BMW 1982 اتوماتيك
 

أنا معاك فعلا يستحسن تجيب موتور كامل بالفتيس و الضفيرة و الحساسات و التكييف و كل حاجة عشان ما تواجهش مشاكل بعدين. طبعا اسكندرية ما اعرفش فيها حاجة لكن طبعا القاهرة الحرفيين مليانة علي كل لون المهم تلاقي حاجة نضيفة.