دعوة لمقابلة اعضائنا فى ... بورسعيد
 

بصوا يا جماعه :HAPPY_~211:

انا عامل الموضوع ده عشان بقترح فيه الاتيptmnlo123per122

عمل مقابله لاعضاء المنتدي في بورسعيد
فياريت الاعضاء كلها بلا استثناء تدخل و تقول رأيها ايه في الموضوع ده
و ياريت الاعضاء اللي من بورسعيد يقترحوا اماكن مناسبه للمقابله ( و ده عشان خبرتهم بالبلد )
و لو الاعضاء رفضت موضوع المقابله ده انا هاخد الموضوع بروح رياضيه ( بس هبقي زعلان بيني و بين نفسي عشان نفسي اتعرف بالاعضاء كلهم و نفيد بعض كلنا )
بس في عدد من الاعضاء اقترحوا عليا موضوع المقابله ده
و طبعا مستني اراء الاعضاء بوجه عام و اراء الاعضاء البورسعيديه بوجه خاص ( عشان هما الاقرب للموافقه علي المقابله )

مستنيكوا علي احر من الجمر :waving:

رد: مكان المقابله الجايه ... بورسعيد ؟؟؟ ارجو التفاعل
 

طيب متحمسنا شوية وتقولنا ايه هو البرنامج

لانه لو فية برنامج كويس هيشجعنا حتي من باب الفسحه وتغير الجو

رد: مكان المقابله الجايه ... بورسعيد ؟؟؟ ارجو التفاعل
 

طب ما تيجى نقول مقابلة للأعضاء البورسعيدية الأول ؟؟

رد: مكان المقابله الجايه ... بورسعيد ؟؟؟ ارجو التفاعل
 

المفترض ان الاعضاء البورسعيديه معندهم اعتراض علي موضوع المقابله دي و اديني بشوف اراءهم ايه ؟؟؟؟؟؟ اما بالنسبه للاعضاء اللي من بره بورسعيد الموضوع ده صعب عليهم شويه بس انا بوعد ان احنا هنقضي يوم جميل جدا و نتشرف بمعرفه بعض ونستفاد من بعض اوي ان شاء الله

رد: مكان المقابله الجايه ... بورسعيد ؟؟؟ ارجو التفاعل
 

البرنامج كالاتي : ( و ده من اقتراحي و ياريت الناس تقول رأيها ايه )
نتقابل في مكان و معاد ( سوف يتم تحديدهم ) و بعدين نطلع هيلا بيلا علي مطعم الداش ( علي طرح البحر و ده طبعا اقتراح ليس الا ) نتغدي كلنا و بعدين نقعد نتكلم بقه عن كل اللي احنا عيازينه وبعدين بليل نخش اوتوكروس ههههههههههه طبعا بهرز و بليل هنطلع علي الممشي السياحي و ديليسبس و الكورنيش و هو ده البرنامج نظرا لصغر البلد و مفيش حته معينه تروحها
بس هدف المقابله التعرف ببعض كويس و النقاش حوالين العربيات و حاجات تانيه مش الفسحه و اديك اتعرفت علي اهل المنتدي الجميل ده و كده اعتقد ان التعارف ده احلي من احلي فسحه