فولكس فاجن- سوران
 

السلام عليكم يا جماعة

أحب أعرف إيه رأيكم فى السوران, لأن العربية عجبانى جد خصوصا انها تكون MPV من الماركه دى VW وبالسعر دا (90 الف), لكن أصدقائى لا ينصحون بها.

وأنا فى إنتظار ردودكم لو سمحتم.

رد: فولكس فاجن- سوران
 

بص يا باشا انا منصحكش بيها لسبب واحد بس و هو التوكيل توكيل Vw هو اسوأ توكيل في مصر بدون مبالغة سواء في الصيانة او المعاملة او قطع الغيار انما العربية حلوة و موتور الماني و في البنزين هتبقي موفره شوية لانها 8 صباب مش 16

و كمان العربية مش مشهورة ولا منتشرة بالتالي اعادة البيع مش كويسة انا رأيي بلاش منها مع اني من محبين فولكس بطريقة بشعة يعني بس دي بالذات و الكروس فوكس بلاش خليك بعيد عنهم بدل ما تجيبها و التوكيل يكرهك فيها

رد: فولكس فاجن- سوران
 

بس كده كلامك بيقول ان بلاش كل ال VW .

طيب تنصح بإيه فى حدود هذا المبلغ؟ شرط تكون واسعه بخلاف الماتريكس

رد: فولكس فاجن- سوران
 

متهيألي ان العربيات ال MPV في رينج ال 90 الف هما
فولكس سوران - دايهاتسو ماتيريا - هيونداي ماتريكس
حنستبعد الماتريكس بناء على طلب حضرتك
يبقى فاضل السوران و الماتيريا
والاتنين ب 90 الف
الماتيريا 1500 سي سي ايرباج و ABS
وشكلها شبابي و جديد
السوران 1600 سي سي اعتقد انها ABS فقط و مفيش ايرباج
خامات التابلوه كويسه مقارنه بالاسيوي ... شيك ... وفولكس

هو توكيل فولكس مبيشكروش فيه .. بس العربيه الزيرو حتروح بيها التوكيل مره كل 3 او اربع شهور ... و لو استخدامك للعربيه مش كتير ممكن تزيد ل 5 او 6 شهور ... تعمل صيانه عاديه كل 10 الاف كم
وعربيه زي فولكس مفترض انها في اول 5 سنين او 100 الف كم متحتاجش اكتر من الصيانه العاديه
متهيألي حتى لو كان الوكيل غلس ورخم و ممكن تستحمله يوم كل كام شهر ... على الاقل لفتره الضمان
واكيد الناس اللي جايبه جيتا و باسات خليجي بيلاقو مراكز كويسه للصيانه

لكن اعاده البيع ... للأسف العربيه مش منتشره اوي واكيد ده يأثر على سعر البيع
بس لو حضرتك بتفكر في عربيه لاكتر من 5 سنين .. يبقى تجيب حاجه تريحك و تبقى مبسوط بيها الفتره دي

ولو حضرتك بتفكر في حاجه تانيه غير ال MPV ... في عربيات كتير في نفس الرينج و كبار و واسعين
منهم مثلا نيسان صني 85 الف ... بس الكنبه ضيقه شويه لكن شنطتها كبيره
سيراتو 90 الف ... ناس كتير بيشكرو فيها و بيفضلوها عن الصني
بيرسونا ... شيك جدا و حلوه بس التقفيل الماليزي لسه مش اد كده

وربنا يوفقك في العربيه المناسبه

رد: فولكس فاجن- سوران
 

والله متشكر جدا لردودكم فعلا مفيدة جدا

بالفعل انا لا احب التغيير كثيرا ومعايا عربيتى من 5 سنين ومستعملة كمان, يفضل حاجة عاوز أعرفها لو سمحتم:
* إعتمادية العربية
* سعر قطع الغيار
* هل أشتريها الأيام دى ولا أستنى شويه

متشكر ليكم جدا وفى إنتظار آرائكم