|
سؤال ضرورى هل اعتمد على الصيانة الدورية؟
بسم الله الرحمن الرحيم
اخوانى الاعزاء اعضاء المنتدى الكرم بناء على ان عربيتى F0 ابتدت تعمل معايا مشاكل وحاجات بقت مبتشتغلش فيها . لى سؤال مهم وضرورى عايزكم تردوا على وهو هل اعتمد اعتماد كلى على مركز صيانة شركة الامل فى تتبع مشاكل واعطال العربية F0 ولا انا اشيك على كل مشكلة فى العربية واحاول احلها بنفسى ومستناش اروح الصيانة الدورية اللى هى كل 5000 كيلو ؟ لان العربية دلوقتى فيها تلات مشاكل وهم اولا: الكشاف التحتانى اللى ناحية السواق مش شغال . ثانيا: العربية بقت بتسخن جامد ومية الردياتير بتقل جامد لما بشغل التكييف ثالثا: المرايا شمال عايزة تتغير فهل استنى الصيانة اللى جاية بتاعة 30000 كيلو واللى فضلها حوالى 1500 كيلو والا اتصرف انا واتبع التعليمات الصيانة بالدليل الخاص بالعربية:thnkr: |
رد: سؤال ضرورى هل اعتمد على الصيانة الدورية؟
راجع ميكانيكي على الأقل بالنسبة للحرارة
|
رد: سؤال ضرورى هل اعتمد على الصيانة الدورية؟
اقتباس:
انا فعلا روحت لميكانيكى بناء على نصيحتك وقالى مفهاش حاجى روح لاى بنزينة تغسلك سربنتينة التكييف اللى تحت الريدياتير وروحت فعلا البنزينة وغسلى الريدياتير وسربنتينة التكييف ونفخها بخرطوم الهواء وانا مروح بعد كده شغلت التكييف ومحصلش حاجة واليوم التالى شغلت التكييف حصل سخونة للعربية تانى وخلصت ماية الردياتير وعديت على بتاع تكييف سيارات قلى التكييف مفهوش حاجة ارجع للميكانيكى وقوله اكيد فى ترموستات ضارب رجعت للميكانيكى قلى انا مش شايف اى ترموستات ضارب روح لبتاع ردياتيرات يحللك الردياتير ويغسله كويس ويرجع يركبه بس انا معملتش كدى وحروح التوكيل يحللى المشكلة دى انت ايه رايك اروح لبتاع الريدياتير ولا التوكيل:1497EA~150: |
رد: سؤال ضرورى هل اعتمد على الصيانة الدورية؟
يا احمد الصيانة الدورية للمتابعة الدورية لكن فيه مشكلة وخاصة زى السخونة والموتور لازم تروح فى اقرب وقت
حتى الصيانات الدورية مثلا صيانة 30 الف كم ممكن عادى تتعمل وانت عامل 26 الف كيلو برضو الاهم لحد ما تروح تتابع الحرارة والمية علشان المشكلة متكبرش |
رد: سؤال ضرورى هل اعتمد على الصيانة الدورية؟
اقتباس:
شكرا اخى العزيز ابو نورا فعلا انا روحت التوكيل بناء على نصيحتك وحلوهالى وفضلت اجرب فيها عندهم والحمد لله مسخنتش وقولتلهم ايه السبب قلولى كان فى طرف سلك ارضى مخلوع ركبناه وروحت بيها الكلام ده كان يوم السبت ومعملتش سخونة ولا نقص مايه بس امبارح عملت صفارة واشارة السخونة واخدت يمين وزودت مايه لاقتها قلت شوية مش خالص زى قبل كده السؤال دلوقتى هو من شقين الاول هل فعلا السبب طرف ارضى ولا هو اى كلام وخلاص والتانى قولى اعمل ايه حضرتك اروحلهم تانى ولا اشوف ميكانيكى تانى نضيف وكويس يشوف موضوع السخونة دىSLAM |
| الساعة الآن 02:32 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017