مصر موتورز مجتمع السيارات - ممكن اخواني حد جرب نيسان صني 2014 الشكل الجديد

مصر موتورز مجتمع السيارات (https://www.masrmotors.com/vb/index.php)

- نيسان NISSAN (https://www.masrmotors.com/vb/forumdisplay.php?f=32)

- - ممكن اخواني حد جرب نيسان صني 2014 الشكل الجديد (https://www.masrmotors.com/vb/showthread.php?t=135089)

ممكن اخواني حد جرب نيسان صني 2014 الشكل الجديد

السلام عليكم ورحمة الله وبركاته اولا جزيل الشكر لمن افادني وافاد غيري وخير الناس انفعهم للناس ممكن حد معاه نيسان صني 2014 او اشتري 2015 عربية عملية ولا لأ وايه الافضل فيها وهل الاوتوماتك عملية ولا لا والسوبر صالون افضل وايه المميزات والعيوب وياريت لو حد عارف افضل التوكيلات بالاسكندرية من حيث المعاملة والصيانه ولكم جزيل الشكر جميعا

رد: ممكن اخواني حد جرب نيسان صني 2014 الشكل الجديد

السلام عليكم اخى العزيز انا مش عاوز اخوفك بس فى موضوع فى المنتدى انهارده عن صنى 2013 الشكل الجديد اقراه الاول وربنا يوفقك للافضل

رد: ممكن اخواني حد جرب نيسان صني 2014 الشكل الجديد

بص يا باشا
انا مجبتهاش بس سقتها
هى تحفة
و زميلى اللى معاه العربية لغاية النهارده مشتكاش من حاجة
بس مشاكلها عامة من القراية
الفرامل و ديى تقريبا اتحلت فى 2014 و 2015 و التوكيل حلها للناس اللى قبل 2014 ببلاش
و فى مشكلة انا عن نفسى مش شايفها جامدة ............ الزوايا الفبر اللى فى اركان البرابريز الامامى تحت ......... بيطقوا
فى بقى عيب بس انا شايفه فى ماركات كتير .......... الاكصدمات على الفيل فقط مفيش حديد

لكن الماتور و الفتيس رائعين و وسع الصالون ( اوسع عربية فى مصر فى فئتها ) و اعلى عربية فى كل الملاكى و ديى ميزة رهيبة

طبعا السوبر صالون تستاهل الفرق تابلوه فخم جدا و زجاج فاميه و جنوط سبور و تارة مالتى للراديو

رد: ممكن اخواني حد جرب نيسان صني 2014 الشكل الجديد

تسلم ياغالي ولك جزيل الشكر والله انا متخوف كتير خصوصا لما دخلت المنتدي وقريت أراء من ناس كتير فيها لأن في ناس قالت انها صيني تقفيل محلي وكمان نصب التوكيلات والاعطال اللي بعد كده وبصراحه انا اتمني انها تكون عملية وتستحمل وارجو من كل المشتركين في المنتدي واشتراها يقولي بصراحة مميزاتها وعيوبها ايه معاه وكمان لو حد يعرف توكيل كويس في اسكندرية في التعامل ومابعد الشراء لأن معظمهم بعد الشراء بيحسسك انه ميعرفكش قبل كده ولا اتعامل معاك وسمعت عن كتير كده ارجو التواصل والافادة افادكم الله والشكر كل الشكر لمن اهتم وافاد الجميع والسلام عليكم ورحمة الله

رد: ممكن اخواني حد جرب نيسان صني 2014 الشكل الجديد

جرب اشترك على جروباتهم على الفيس
دا جروب منهم
https://www.facebook.com/groups/Nissan.Team.Egypt/