برجاء المشاركة. هافي لوبو
 

انا لسة شاري سيارة هافي لوبو مستعملة. شكلها لذيذ و كماليات. و طبعا اللي بيبيع مبيعملش اي صيانة ! المهم رحت التوكيل. قدروا التكاليف للصيانه 3000 جنية و بيقوللي ده اقل حاجة و ان كده كمان الاسعار نزلت!!! مروجة رادياتير 500 جنية. حساس كامة 450 جنيه. سلك بوجيهات 200 جنيه موتور مساحات 200 جنيه!! و طقم بوجيهات صيني 70 جنيه!!! الفانوس الامامي الواحد 400جنيه!!!!! وشوية سيور و كاوتش. الاسعار غير شاملة المصنعية! برجاء اي حد يعرف مكان يبيع قطع غيار هافي لوبو جديد أو مستعمل و ميكانيكي بيفهم فيها ارجو المشاركة. اي حد عندوا السيارة و ممكن يساعدني او اي حد عندو اي معلومه يشارك. شكرا.

<!-- / message -->

رد: برجاء المشاركة. هافي لوبو
 

مشكلة سخيفة طبعاً والاسعار مبالغ فيها جدا بس المشكلة مش هتتحل بمكانيكى انت عايز مصدر لقطع الغيار ديه
الحلول اما انك تشوف اعلانات تجار قطع غيار الصينى هنا فى المنتدى وتكلمهم تشوفى مدى توفر الحاجات ديه عندهم

او تجيب من التوكيل الحساس بتاعة الكامة بس وباقى الحاجات تجيبها من بره بحيث تكون متوافقة مع العربية انا فى الحقيقة مش عارف الهافى لوبو ديه اساسها ايه بس فى الغالب هتبقى تكنولوجيا متاخدة من حاجة تانية فحاول تعرف البدائل من مهندس فى التوكيل بشكل شخصى بينك وبينة
وياريت اللى يعرف تفاصيل اكتر عن العربية ديه يفيدنا

رد: برجاء المشاركة. هافي لوبو
 

اية الافترا دة

رد: برجاء المشاركة. هافي لوبو
 

االأخ العزيز
انا عملت بحث على النت وجدت إن محرك السيارة هافى لوبو هو نفسه أو مستوحى من محركات السيارة سوزوكى ألتو و شانا بينى و أيديا
و الكوده DA465Q للمحرك سعة 1000 CC أو DA468Q سعة 1100 CC
و بناء عليه يمكنك أن تبحث عن موزعى قطع غيار السوزوكى أو توكيل الشانا بينى ربما تجد قطع الغيار المطلوبة أو مشابهة لها بأسعار أفضل
و لكن الفانوس أعتقد أنك لن تجده سوى فى التوكيل
عموما فى هذا الموضوع قائمة بمحلات بيع قطع غيار الإسبيرانزا و الكثير منهم يتعامل فى قطع غيار الصينى بوجه عام و خاصة محلات شارع دمشق و التوفيقية.
محلات بيع قطع غيار إسبيرانزا - خارج التوكيل

أما بخصوص الميكانيكية
فالسيارات الصينى ليست قادمة من المريخ و لم يتم تصنيعها على يد علماء الذرة و مبادىء الميكانيكا و المحركات متشابهة غالبا بل الأكثر من ذلك التكنولوجيا المستخدمة فى السيارات الصينى تعود للتسعينات و ربما الثمانينات و عن تجربة أى فنى ماهر و أمين يمكن أن يتعامل بنجاح مع أى سيارة صينى.

أرجو أن تحل مشكلتك قريبا و تخبرنا بتجربتك إن شاء الله

رد: برجاء المشاركة. هافي لوبو
 

هاى يا جماعة انا اشتريت هافى لوبو 2006 حالة ممتازة عاملة 38500 الف كيلو التاجر كان عارض 2800 الف بس خدناها بالعافية 26500 فايه رايكم فى السعر وهل قطع غيارها متوفرة واسعارها وصيانتها ياريت تقلولى كل المعلومات عنها وخصوصا انى اول مرة هاسوق وهاتعلم فيها
ارجو الرد بسرعة
شكرا