|
الحقونى ياجماعه عربيتى الانترا 2008 بتبطل منى
لى الاخوه الاعزاء
انا عندى مشكله غريبه و محدش عارف يحدد العيب فين انا عربيتى الانترا 2008 اوتوماتيك عامله 70000 كيلوو كل الصيانات بعملها فى مواعيدها و من شهر كده بقت تاخر فى الدواره بمعنى ان المارش شغال لكن مبتلقطش بنزين وده مش فى كل الاوقات و بعد مقرص على المارش شويه كانت تدور بس لما كانت تدور فى الحاله دى كانت بتبقى زى متكون متلته يعنى بوجيه فاصل و ال RPM كان يهيس و يطلع و ينزل لوحده كنت اروح مبطل العربيه و اجى ادورها تانى ف ساعتها كانت تدور على طول و يبقى كله تمام المهم انا قلت موضوع تاخير الدواره ده رخم قمت مغير بوجيهات اصليه ب 75 جنيه و نضفت حساس الايدل ب wd40 و نضفت فلتر الهوا وفلترالبنزين( ملحوظه كنت مغير فلتر البنزين اصلى فى صبانة ال 40000 ) قلت المفروض بقى كله يتظبط لكن للاسف بعد معملت الصيانه دى تاخير الدواره قل شويه فى عدد مراته بس لا زال موجود لكن العربيه بقت ترعش منى على السلانسيه و كذا مره بطلت منى فمن فضلكم قولولى دا عيب ايه لان كمبيوتر الاعطال مش شايف حاجه لان فى ناس قالتلى دا عيب طرمبة بنزين بس اعتقد لو عيب طرمبه العربيه مش هتدور خالص و انا مش عاوز اعد اجرب و اشترى حاجات ملهاش لازمه معلش انا طولت عليكم بس موضوع التيطيل ده مضايقنى اوى |
رد: الحقونى ياجماعه عربيتى الانترا 2008 بتبطل منى
السلام عليكم ممكن تكشف على طلمبة البنزين بأنك تفتح الكونتاك وتخلع خرطوم البنزين لو جاب بنزين يبقي الطلمبه شغاله بس هو ممكن يكون عيب بوبينه اكثر من انه طلمبه وايضا اعمل لها اسكان للأطمأنان والله اعلى واعلم والله المستعان |
رد: الحقونى ياجماعه عربيتى الانترا 2008 بتبطل منى
هو فعلا شك كبير فى الكويل او الكويلات حسب الماتور عندك
+ الرشاشات + صمام الايدل على الاقل اتاكد ان دول سلام الاول |
رد: الحقونى ياجماعه عربيتى الانترا 2008 بتبطل منى
شكرا ليكم على الردود بس العربيه بقالها يومين كويسه لا بطلت و لا اخرت فى الدواره فلو اخرت تانى او بطلت تانى دا يكون عيب ايه؟ لانى اعتقد انه لو عيب موبينه او اسلاك بوجيهات المشكله ستظل قائمه مش تيجى شويه و تروح شويه و الا ايه ؟
|
رد: الحقونى ياجماعه عربيتى الانترا 2008 بتبطل منى
اقتباس:
البوابة ليها منظف مخصوص |
| الساعة الآن 06:57 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017